ZAWSUA 12:1 - Mara Bible RV (BSI)

¹ Hezy he Zawdâh haosâ nochhi lâta Anaw saikao tawhta Hâmaw Tlâh taihta nata Arabâ nochhi lâ râh liata beizy Izarei sawzy ta pahnie ei ta, ama râh ama lapazy ama châ:

ZAWSUA 12:1 ပူးပေါင်းရင်းမြစ်များ

1 ABEIZY 4:19

Uri sawchapawpa Kebe ta Kilia râh, Amawri bei Sihaw râh nata Bâsanâ bei Ôkâ râh zy â vao. Cha râh liata ryureituhpa hropa pakha a y hra.

HLAZY 133:3

Adyhna cha Hâmaw diati lyu ta, Zaio tlâhzy liata a tlapa diati tlai a lyu. Adyhna liana cha Abeipa ta byhnâ tona bie pie ta, Tlyzaw hrona bie a pie.

HLAZY 136:21

Bei thatlôpazy râh Izarei ryuto châta a pietuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 89:12

Maw paysa chi ta, Chho na paysa; Tabaw nata Hâmaw ta, A ly ngaitapa ta na moh ama reithai.

ISAI 16:2

Pavaw a bu tawhta phopa viavipa hawhta, Môabâ zuahzy cha Anaw chavah chakanazy liata viavipa ta ama y.

MALUHREINA 21:13

Cha tawhna chata sie heih ei ta, Anaw chavah haosâ lâta riehmo paryh ei ta. Anaw chavah cha Amawri mo râh saoh patluapa râhchawhpa liata a ypa a châ. Anaw chavah cha Môabâ râhri, Môabâ nata Amawri mo likawh râhri chavah a châ.

MALUHREINA 21:21

Izarei ta Amawri bei Sihaw lâ chyhsa tuah ta,

MALUHREINA 21:24

Izarei ta zaozi ta Sihaw cha thie ta, Sihaw râh cha Anaw tawhta Zabaw taih la ta, Amawna mo râhri tlôna taih la ta, Amawna mo râhri cha â ipa ta dôhpa châpa vâta.

MALUHREINA 32:19

Zawdâh hesâ nochhi lâ liana heta eima to awpa râh a ypa vâta, keimo cha Izarei sawzy hnohta Zawdâh haosâ nata a khô lâ râh to hra aw ma pi,” tah ei ta.

MALUHREINA 32:32

Chariah chhaichhi a tobipa ta, Abeipa hmiakô liata Zawdâh cha chaka aw pi ta, Kâna râh liata eimâ ngia aw. Râh eima to awpa deikua cha Zawdâh hesâ lâ he a châ aw,” tahpa ta a chhy ei ta.

MALUHREINA 32:33

Chatanachata Mawsi ta Kâdâ pathlazy, Rubena pathlazy nata Zawsi sawchapawpa Manase pathla khophiezy hnohta Amawri bei Sihaw khinarâh nata Bâsanâ bei Ôkâ khinarâhzy cha, a khihpizy, khihpi râhzy nata a chheipâh râh khihpizy chhaota a pie ei.

RYHPACHANEINA 2:24

“Abeipa ta, ‘Thyu u la, sie u la, Anaw saikao chaka teh u. Moh teh u, Amawri chyhsa Hesbaw bei Sihaw nata a râh cha nama ku liata ei cha pie ha ei. A râh hnei pathao u la, ano cha a dyuh teh u.

RYHPACHANEINA 2:32

Sihaw cha miah a dyuh awpa ta, a chyhsa zydua chhaota Zahâ liata vaw pua ta.

RYHPACHANEINA 3:1

“Chatawhcha a lie pi ta, Bâsanâ lâpi lâta khy pi ta. Bâsanâ bei Ôkâ nata a chyhsa zydua ta Edarei liata miah a dyuh awpa ta vaw pua ei ta.

RYHPACHANEINA 4:44

He he Mawsi ta Izarei sawzy a piepa ryhpa a châ.

RYHPACHANEINA 4:46

Izi râh tawhta ama kaw pua nota, Mawsi nata Izarei sawzy ta ama thiepa, Hesbaw liata a ypa Amawri bei Sihaw râh liata Bepeô dady Zawdâh nochhi lâ liata a reipa biezy a châ.

RYHPACHANEINA 4:48

Anaw saikao chhâna Arôerâ tawhta Siriô Tlâh taihta ama hnei. Siriô Tlâh cha Hâmaw Tlâh tahpa a châ hra.

ZAWSUA 1:15

Abeipa ta nama unawhzy cha, nâmo hawhta apahâna piepa ta, Abeipa nama Khazohpa ta râh a piepa ei cha, âmo chhao ta ama hnei hlâlei bao aw ei chi ta, cha khai tawhta Abeipa chakaotuhpa Mawsi ta hnei awpa ta Zawdâh nochhi lâta râh a cha piepa lâ ei cha kua aw ei chi ta, râh cha nama hnei aw,” tah ta.

ZAWSUA 11:17

Seirâ Tlâh a kaw dypa Hâlâ Tlâh nata Hâmaw Tlâh ry Lebanaw saikao liata a ypa Bâlâkadâ taihta la khai ta. Ama bei zydua patu ta, a thie khai ha ei.

ZAWSUA 11:3

nochhi nata notla lâta a ypa Kâna mozy, tlâh râh liata a ypa Amawri mo, Perizi mo, Zebu mo nata Mizpâ râh Hâmaw tlâh ry liata a ypa Hivi mozy lâta chyhsa tuah ta.

ZAWSUA 13:8

Manase chi khophie nata Rubena chi nata Kâdâ chizy cha Zawdâh nochhi lâta Mawsi ta âmo a piepa ryuto râhzy hnei ei ta. Abeipa chakaotuhpa Mawsi ta he râhzy he âmo a vaw pie ei:

ZAWSUA 22:4

Abeipa nama Khazohpa ta ama hnohta bie â taihpa hawhta, nama unawhzy cha apahâna a pie ha ei hih. Chavâta Abeipa chakaotuhpa Mawsi ta nama ryuto châta râh a cha piepa ei, Zawdâh haosâ liata nama poh ozy lâ a di bâ teh u.

RYUREITUHPAZY 11:18

“Chatawhcha râhchawhpa chapiapa ta Edômâ râh nata Môabâ râh cha chahlô ei ta, Môabâ râh nochhi lâchhâh liata vaw pua ei ta, Anaw chavah cha Môabâ râhri a châpa vâta, chavah hesâ lâta riehmo paryh ei ta, Môabâ râh a ngia veih ei.