ZAWSUA 11:8 - Mara Bible RV (BSI)

⁸ Abeipa ta âmo cha Izarei ku liata pie ta, Izarei sawzy ta thie ei ta, Sidaw Rônahpa nata Mirephôthami nata nochhi lâta Mizpâ saikao taihta a chadai ei ta, pakha hmah pahlôh leipa ta ama thie khai haw.

ZAWSUA 11:8 ပူးပေါင်းရင်းမြစ်များ

ÂTHAONA 10:15

Kâna ta sawchapaw uhtheipa Sidaw nata a pazipa Hethâ sa ta,

ÂTHAONA 49:13

“Zebulawna cha tilaipi kiah liata pahrâ aw ta, Balyh pahâna raphyu châ aw ta, Sidaw taihta a râhri a tlô aw.

2 SAMUELA 24:6

Cha khai tawhta Kilia nata Hiti râh tlô ei ta, Dânâ tlô ei ta, Dânâ tawhta Sidaw lâta chahlô ei ta.

ISAI 23:4

Hy Sidaw, nozapa ta y teh, Tilaipi ta bie reih ha ta, Tilaipi thokhy ta hetana heta a tah: “Saw a zeih beih leipa na ta, Saw sa beih hra va na; Satliazy mohôh beih leipa na ta, Laihsazy chhy beih hra va na.”

ZEKARIA 9:2

Ama râhri liata a ypa Hâmathi chô liata chhao a choh ta, Tyre nata Sidaw chô liata chhao â choh thlâh haw, Ama so kaw tarawpa ta.

RYHPACHANEINA 7:2

Abeipa nama Khazohpa ta âmo cha nama ku liata cha piepa ta nama pahnie tita, tlokhuh nama pahleipadia khai awpa a châ. Âmo nata biehrai nama tao awpa châ leipa ta, nama ngiachhie awpa châ hra vei.

RYHPACHANEINA 9:3

Chavâta Abeipa nama Khazohpa cha, mei a kâsao theipa hawhta nama hmia lâta a siepa a châ tahpa tanoh pahno teh u. Ano ta âmo cha nama hmiakô liata pahleipadia aw ta, a panawh aw ei. Abeipa ta bie a châ taihpa hawh ei ta, âmo cha papua aw ei chi ta, thlai nama pahleipadia aw.

ZAWSUA 10:20

Zawsua nata Izarei sawzy ta ama chariahzy cha amâ mua khaina taihta thie ei ta. A laibâhpa chyhtazy deikua cha thokhy hneipa khihpizy lâ a râ ei ta.

ZAWSUA 11:3

nochhi nata notla lâta a ypa Kâna mozy, tlâh râh liata a ypa Amawri mo, Perizi mo, Zebu mo nata Mizpâ râh Hâmaw tlâh ry liata a ypa Hivi mozy lâta chyhsa tuah ta.

ZAWSUA 11:7

Zawsua nata a pheisaih zydua ta âmo cha eikhapi ta Merô tipo liata pua thlupa ta, a dyuh ei ta.

ZAWSUA 13:6

Lebanaw tawhta Misrephôthamâ taihta tlâh râh liata a pahrâpa zydua nata Sidaw râh zydua cha, la mâh leipa râhzy a châ. Âmo cha Izarei sawzy hmiakô tawhta papua aw ei na ta, bie ei cha piepa hawhta, ama râhzy cha Izarei sawzy ryuto châta na rai aw ei.

ZAWSUA 19:28

Cha tawhna chata Hebraw, Rehô, Hâmô nata Kânâ zy lâta sie lymâpa ta, Sidaw Laipa taih tlô ta.

ZAWSUA 21:44

Abeipa ta ama pathlatuhpazy hnohta bie â vaw taihpa hawhta, Izarei sawzy cha su to liata apahâna pie ta. Abeipa ta ama chariah zydua ama ku liata a pie khaipa vâ ei ta, ama chariah ahy hmah ama hmiakô liata a duah theipa y veih ei.