ZAWSUA 11:6 - Mara Bible RV (BSI)

⁶ Abeipa ta Zawsua hnohta, “Âmo kha chi khah y. Mylâ tahmâ ti heta âmo cha thie chiehpa ta Izarei ku liata ei pie aw ei. Ama arâ chazawzy chhawh aw chi ta, ama talailihzy mei ta na rao khai aw,” tah ta.

ZAWSUA 11:6 ပူးပေါင်းရင်းမြစ်များ

2 SAMUELA 8:4

Dâvi ta arâ pheisaih 1,700 nata alei pheisaih 20,000 patu ta. Dâvi ta talailih a daophipa arâ zydua cha ama chazaw chhawh ta, talailih 100 a daophi awpa rakha pahlôh ta.

2 ABEIZY 6:16

Elaisâh ta, “Chi khah y, âmo chhâh a châpa hlâta keimo chhâh a châpa ama hluh via mâh tâh,” tah ta.

2 THÂTIHZYRONA 20:16

Mylâ zâ dyuh teh u. Ziza chakhâ lâta a khy aw ei ta, Zerua râhchawhpa nochhi lâta saikao chhâna liata nama za hmô aw.

HLAZY 46:10

“A chalih u la, Khazohpa ei châ tahpa pahno teh u. Phopizy hry liata cheihchalopa ta y aw na ta, Alei chô liana heta cheihchalopa ta ei y aw.”

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 46:9

Adyuhnazy khizaw kaokih taihta chalihsa ta, Libaw thliepa ta asei taipachhô ta; Talailihzy mei ta a rao khai ha tyh!

BIESOZY 20:7

Mosiapa cha â dona hrokhei lymâ ta, A vaw pazi awpa a pathlazy thlaochhipa ta ama y aw.

ISAI 30:16

“Châ vei! Arâ kiah aw pi ta, Eimâ râ ha aw,” tah ei chi ta, Chavâta namâ râ tlai aw; “Arâ chahrapa eima kiah aw,” tah ei chi ta, Chavâta châ chadaituhpazy chhao, Chahra ngaitapa ama châ aw.

ISAI 31:1

Baona hia awpa ta Izi râh lâ zu ta, Arâzy liata a pahniehpazy cha, Ama hu a po na! Izarei Mo Pathaihpa lâ moh leipa ei ta, Abeipa a saohiah hra veih ei; Talailih hluhpi hneina liata ama ngâna tlao pahnieh ei ta, Arâ pheisaih thatlôpazy liata tlao amâ pahnieh.

EZEKIA 39:9

“Izarei khihpizy liata a pahrâpazy pua aw ei ta, adyuhna chhaichhizy mei liata ti aw ei ta, a kâ khai aw. Vyhphao chyhpa nata vyhphao laipazy, libaw nata châtaizy, asei nata seichhizy cha, kô sari chhôh mei patina châta ama hmâh aw.

HÔSIA 14:3

Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

NÂHU 2:13

“Pachâ teh, ei châ dyuh na,” Pheisaihzy Abeipa ta a tah. “Na talailihzy rao aw na ta, A khuh ta ei pakhusa aw; Na chakeibarôhneipa lochopazy chhao, Zaozi ta pahleipadiapa ama châ aw. Sa na tai awpazy cha, Alei tawhta pachhâsa aw na ta, Na lyuhchâpazy ao theipa châ khao aw vei.”

RYHPACHANEINA 7:16

Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.

ZAWSUA 10:8

Abeipa ta Zawsua hnohta, “Kha chyhsazy kha chi khah y. Âmo cha na ku liata ei cha pie haw. Na hmiakô liata a duah thei awpa ama hry liata pakha hmah y aw veih ei,” tah ta.

ZAWSUA 11:5

Beizy cha ama pheisaih zydua pahlyhpa ta Izarei a dyuh awpa ta pua ei ta, Merô tipo liata a riepakhy ei ta.

ZAWSUA 11:7

Zawsua nata a pheisaih zydua ta âmo cha eikhapi ta Merô tipo liata pua thlupa ta, a dyuh ei ta.

ZAWSUA 11:9

Abeipa ta bie a piepa hawhta, Zawsua ta ama chô liata tao ta, ama arâ chazawzy chhawh ta, ama talailihzy mei ta rao ta.

ZAWSUA 3:5

Zawsua ta zawpi hnohta, “A pathai teh u, mylâ Abeipa ta nama hry liata hmonoâhpa a tao aw,” tah ta.

RYUREITUHPAZY 20:28

Arawna sawchapawpa Eliaza sawchapawpa Phinehâ ta Khazohpa Biehrai Byh hmiakô liata a chakao daihti a châ. Izarei sawzy ta, “Eima unawhpa Benzami sawzy a dyuh awpa ta eima khy heih aw ma, eimâ chalih ha bâ hri aw ma?” tah ei ta. Abeipa ta, “Khy teh u, mylâ nama ku liata âmo ei cha pie aw ei,” tah ta.

RYUREITUHPAZY 7:9

Cha zâ ta Abeipa ta Kidia hnohta,“Thyu la, Midia mo riehmo za chho teh. Na ku liata ei cha pie haw.

1 SAMUELA 11:9

Chatawhcha Zabekilia tawhta lyuhchâpa ama vaw tuapazy hnohna chata, “‘Mylâ noh sa locho daihti liata pachhapa nama châ aw,’ tahpa ta Zabekilia mo cha kei chho muh vy,” tah ei ta. Lyuhchâpazy cha sie ei ta, cha bie cha Zabe mo chho ei ta, a ly ngaita ei ta.