ZAWSUA 11:23 - Mara Bible RV (BSI)

²³ Abeipa ta Mawsi hnohta a reipa zydua hawhta, Zawsua ta Kâna râh zydua la khai ta, ama chi apachhaihnazie hawhta ama ryuto râh a pie chyu ei. Chatanachata adyuhna pai ta, râh cha thlalôhpa ta y ha ta.

ZAWSUA 11:23 ပူးပေါင်းရင်းမြစ်များ

NEHEMIAH 9:24

Chatanachata ama pathlazy ta a ngia ei ta, râh cha ama hnei. Râh liata a pahrâpa Kâna mozy ama hmiakô liata panawhsa chi ta, ama khopa hawhta tao awpa ta, cha râh liata phopizy nata ama beizy cha Izarei sawzy ku liata na pie ei.

HLAZY 46:9

Adyuhnazy khizaw kaokih taihta chalihsa ta, Libaw thliepa ta asei taipachhô ta; Talailihzy mei ta a rao khai ha tyh!

PUASAINA 34:11

“Tanoh ta bie ei cha piepa he zyh mah y. Amawri mo, Kâna mo, Hiti mo, Perizi mo, Hivi mo nata Zebu mozy cha na mohmô liata ei papua aw ei.

EZEKIA 45:8

Cha cha Izarei liata abei tovyuh râh a châ aw. Keima abeizy ta ei phopi tlybai khao leipa aw ei ta, Izarei pathlazy cha âmo chi chyu ta râh tlao ama pahneisa ha aw.

RYHPACHANEINA 1:38

Châ chakaotuhpa Nunâ sawchapawpa Zawsua deikua â ngia aw. Ano kha pasyu mah y. Ano ta râh cha ryu ta Izarei a patosa aw.

RYHPACHANEINA 25:19

Chavâta Abeipa nama Khazohpa ta ryuto châta hnei awpa ta râh a cha piepa ei liata, nama chheipâh liata nama chariah zydua tawhta Abeipa nama Khazohpa ta a cha pahâsa ti ei ta, Amale mo cha avâ ry liata a thei thlâhpa ama châ khao lei nawpa ta, nama pahleipadia khai ha awpa a châ. Nama my cheita awpa châ vei.

ZAWSUA 11:18

Cha beizy cha Zawsua ta bohpi â vaw dyuhpazy ama châ.

ZAWSUA 12:7

Hezy he Zawsua nata Izarei sawzy ta Zawdâh notla lâta ama pahniepa râh beizy ama châ: Lebanaw saikao Bâlâkadâ tawhta Seirâ Tlâh a kaw dypa Hâlâ Tlâh taihta ama pahniepa râhzy cha Zawsua ta Izarei chizy hnohta ama chi apachhaihnazie hawhta ama ryuto châta a pie ei.

ZAWSUA 18:10

Zawsua ta Silô khihpi liana chata Abeipa hmiakô liata âmo châta nuby a dao ta. Cha liata Zawsua ta Izarei sawzy cha ama chi apachhaihna yzie hawhta râh cha rai ta.

ZAWSUA 22:4

Abeipa nama Khazohpa ta ama hnohta bie â taihpa hawhta, nama unawhzy cha apahâna a pie ha ei hih. Chavâta Abeipa chakaotuhpa Mawsi ta nama ryuto châta râh a cha piepa ei, Zawdâh haosâ liata nama poh ozy lâ a di bâ teh u.

ZAWSUA 23:1

Abeipa ta Izarei cha ama chheipâh chariah zydua tawhta apahâna pie ta, bohpi a châ tawhta, Zawsua chhao cha vaw machâpa ta kô uhthei ngaitapa vaw châ ha ta.