ZAWSUA 11:20 - Mara Bible RV (BSI)

²⁰ Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.

ZAWSUA 11:20 ပူးပေါင်းရင်းမြစ်များ

2 SAMUELA 17:14

Absalaw nata Izarei chyhsa zydua ta, “Arakhi chyhsa Husai ryhraopa he Ahitôphe ryhraopa hlâta a pha via na,” tah ei ta. Absalaw chô liata Abeipa ta chhiena a patlôsa thei nawpa ta, Ahitôphe ryhraona phapa cha pahnie awpa ta Abeipa ta a vaw pachhuahpanoh hapa a châ.

1 ABEIZY 12:15

Zawpi bie cha abei ta nathlie khoh vei. Abeipa ta Silô chyhsa Ahiza hmâpa ta Nebâ sawchapawpa Zerôbaw hnohta bie a reipa a vaw tlô thei nawpa ta, Abeipa ta a pataosapa a châ.

2 THÂTIHZYRONA 22:7

Châhrasala Zôrâ a kei tlypa cha, Ahazia pao nawpa ta Khazohpa raopa vaw châ ta. A tlô nahta, Nimsi sawchapawpa Zehu a tyh awpa ta Zehôrâ hnohta sie ta. Zehu cha Ahabâ chhôhkha chhawh pathlah awpa ta Abeipa raopa a châ.

2 THÂTIHZYRONA 25:16

Hrohsopa ta bie a rei hai nota, abei ta a hnohta, “Abei ryhraokheituhpa ta eima cha tao ma? A chalih teh! Khazia na thi aw,” tah ta. Hrohsopa ta, “He hmo he tao chi ta, ei ryhraokheina nâ pyh leipa vâta, Khazohpa ta pahleipadia a châ chhuah haw tahpa ei pahno,” tah ta, chatawhcha a chalih ha ta.

PUASAINA 10:1

Chatawhcha Abeipa ta Mawsi hnohta, “Phiraoh lâ a kei ngia teh. Kei tawhta ngianazy ama hry liata ei chaluah thei nawpa ta, ano palôh nata a chakaotuhpazy palôh kuh ei pachhasa haw.

PUASAINA 11:10

Cha hmonoâhpa zydua cha Mawsi nata Arawna ta Phiraoh hmiakô liata tao ei ta. Châhrasala Abeipa ta Phiraoh cha a palôh kuh pachhasa ta, Izarei sawzy cha a râh tawhta papuasa khoh vei.

PUASAINA 14:17

Pachâ teh, Izi mo palôh kuh pachhasa aw na ta, Izarei sawzy a chadai aw ei ta, chatanachata Phiraoh nata a pheisaih zydua nata a talailihzy nata arâ a kiahpazy hmâpa ta palyupalihna ei hlao aw.

PUASAINA 14:4

Phiraoh palôh kuh pachhasa aw na ta, âmo cha a chadai aw ta, Phiraoh nata a pheisaih zydua hmâpa ta palyupalihna ei hlao aw. Chatanachata Izi mo ta kei he Abeipa ei châ tahpa ama pahno aw,” tah ta. Izarei sawzy ta cha hawhna chata tao ei ta.

PUASAINA 14:8

Abeipa ta Izi bei Phiraoh palôh kuh pachhasa ta, chatanachata chhôhmohpa ta a sie haipa Izarei sawzy cha a chadai ta.

PUASAINA 4:21

Abeipa ta Mawsi hnohta, “Izi râh lâ na kua tita, hmonoâhpa tao theina ei cha piepa zydua kha, Phiraoh hmiakô liata tao tlai mah y. Châhrasala a palôh kuh pachhasa aw na ta, phopi cha pasiesa aw vei.

PUASAINA 9:12

Châhrasala Abeipa ta Phiraoh palôh kuh pachhasa ta, Abeipa ta Mawsi hnohta a rei hapa hawhta, ama bie nathlie khoh vei.

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

ISAI 14:24

Pheisaihzy Abeipa ta, “Ei pachhuahpanohpa hawh tlai ta vaw tlô aw ta, Ei chhuahpa hawhta a vaw tlô aw.

ISAI 34:2

Abeipa cha râh zydua chô liata a ru thata chhô ta, Ama pheisaih zydua chô liata a hie a hâh ngaita; Chavâta âmo cha, Tlokhuh pahleipadia awpa ta hlâ ha ta, Thie awpa ta a hlâ ha ei.

RAWMA 9:18

Chatanachata Khazohpa ta a khopa maih ngiachhie tyh ta, a khopa maih chhorupa ta a tao tyh.

RYHPACHANEINA 2:30

Châhrasala Hesbaw bei Sihaw ta a râh siepahlie miah pasaih vei. Nama ku liata a cha pie thei nawpa ei ta, Abeipa nama Khazohpa ta a palôh kuh pachhasa ta, tanoh ta a duahmo nama pahnopa hawhna heta, chhôrupa ta a tao haw.

RYHPACHANEINA 7:16

Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.

RYUREITUHPAZY 14:4

A nô nata a paw ta, cha hmo cha Abeipa pachhuahpanohpa a châ tahpa pahno veih ei. Philistinâ mo a dyuh awpa ta Khazohpa ta ryhpaohna a taopa a châ. He daihti he Philistinâ mo ta Izarei chô liata ryu ama rei daihti a châ.

1 SAMUELA 2:25

Chyhsa ta chyhsa chô liata a molei khiahta cha, Khazohpa ta paryhkhei aw ta, chyhsa ta Abeipa chô liata a molei khiahta cha, ahy ma a paryhkhei khao aw?” tah ta. Châhrasala Abeipa ta âmo cha thie â chhuah hapa vâta, ama paw bie cha nathlie khoh pyly veih ei.