ZAWSUA 11:15 - Mara Bible RV (BSI)

¹⁵ Abeipa ta a chakaotuhpa Mawsi hnohta bie a piepa hawhta, Mawsi ta Zawsua cha biepie pachhuah ta, cha hawhna chata Zawsua ta a tao lymâ. Abeipa ta Mawsi bie a piepa zydua a tao leipa y vei.

ZAWSUA 11:15 ပူးပေါင်းရင်းမြစ်များ

2 THÂTIHZYRONA 30:12

Abei nata beimachâzy ta Abeipa bie hawhta bie ama piepa cha tao awpa ta, Khazohpa ku cha Zudâh chô liata y ta, Zudâh pathlazy cha palôh miakha paphaosa ta.

MALUHREINA 33:50

Zerikô dady Zawdâh kiah Môabâ bypi liata, Abeipa ta Mawsi hnohta,

MALUHREINA 33:52

a râh chyhsa zydua nama hmiakô tawhta nama papua khai awpa a châ. Ama lô nothlahpa zydua parao khai aw ei chi ta, ama thua nothlah leihpa zydua chhao parao khai aw ei chi ta, ama su sâhpa zydua nama phie khai aw.

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

LUKA 11:42

“Nâmo, Phârisaihzy saih u, nama hu a po na! Pudinâ nata sysadi nata âhnalasi to tawhta su hrawh su kha pie tyh ei chi ta, adona nata Khazohpa kyhpachâna hmâchhâh uasa leipa ta nama y. Chazy cha nama tao awpa tlai châ ta, ahropazy chhao uasa leipa ta nama y awpa châ vei.

HMOTAOPAZY 20:20

Ei bâh pathliah beih leipa na ta, nama châta a phahnai awpa biezy zawpi ahmaohna liata cha pachu ei na ta, o to kiapa ta ei cha pachu tyh ei.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

RYHPACHANEINA 31:3

Abeipa nama Khazohpa ta hmia châ sahpa aw ei ta, ano tlai ta phopizy nama hmiakô tawhta pahleipadia aw ta, âmo cha nama pho aw. Abeipa ta a reipa hawhta, Zawsua ta hmia a sah aw ta, Zawdâh cha a chaka aw.

RYHPACHANEINA 31:5

Abeipa ta âmo cha cha pie aw ei ta, bie ei cha piepa zydua hawhna ei khata ama chô liata nama tao aw.

RYHPACHANEINA 31:7

Chatawhcha Mawsi ta Zawsua aw ta, Izarei saw zydua mohmô liata a hnohta, “Thatlôpa nata riahphapa ta y teh. He phopi hnohna heta Abeipa ta ama pathlatuhpazy pie awpa ta bie â taihpa râh lâ sie aw chi ta, cha râh cha ryu ta na patosa aw ei.

RYHPACHANEINA 4:2

Bie ei cha piepa ei kha baichha leipa u la, thy bâ hra leipa u la, Abeipa nama Khazohpa biepiepa nama hnohta ei cha pie pachhuahpazy he zyh muh vy.

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.

RYHPACHANEINA 7:2

Abeipa nama Khazohpa ta âmo cha nama ku liata cha piepa ta nama pahnie tita, tlokhuh nama pahleipadia khai awpa a châ. Âmo nata biehrai nama tao awpa châ leipa ta, nama ngiachhie awpa châ hra vei.

ZAWSUA 1:7

Thatlôpa nata riahpha ngaitapa ta y la, nâ chakaotuhpa Mawsi ta tao awpa bie a cha piepa ryhpa zydua pakhâta ta zyh la, tao mah y. Na siena lia maihta thlaochhipa ta na y thei nawpa ta, ryhpa bie he na chachâh lâ tlyma, na chavei lâ tlyma tleisai cheita khah y.

ZAWSUA 11:12

Cha beizy khihpizy nata ama bei zydua cha, Abeipa chakaotuhpa Mawsi biepiepa hawhta, Zawsua ta la khai ta, zaozi ta âmo cha chhawhsao ta, a pamua ha ei.

ZAWSUA 11:14

Cha khihpizy hraona sôh zydua nata sahrohzy cha, Izarei sawzy ta hraona sôh châta a la ei ta, chyhsapa deikua cha ama pahleipadia khaina taihta zaozi ta thie ei ta, husona a hneipa khâpa hmah pahlôh veih ei.

ZAWSUA 11:16

Chatanachata Zawsua ta Kâna râh zydua cha la khai ta. Tlâh râh, Neke râh, Kôse râh zydua, bypi râh, Arabâ râh, Izarei tlâh râh nata ama bypi râhzy,

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.