ZAWSUA 11:14 - Mara Bible RV (BSI)

¹⁴ Cha khihpizy hraona sôh zydua nata sahrohzy cha, Izarei sawzy ta hraona sôh châta a la ei ta, chyhsapa deikua cha ama pahleipadia khaina taihta zaozi ta thie ei ta, husona a hneipa khâpa hmah pahlôh veih ei.

ZAWSUA 11:14 ပူးပေါင်းရင်းမြစ်များ

2 THÂTIHZYRONA 20:25

Zehôsaphâ nata a pheisaihzy cha hraona sôh la awpa ta vawh ei ta. Chhaichhizy, chysiazy nata hmo sôhpa hluhpi athihpa rizy hry liata hmô ei ta, ama phao thei leina taihta la ei ta. Hraona sôh a hluh ngaitapa vâta, noh thôh chhôh tlai ama paly.

MALUHREINA 31:9

Izarei sawzy ta Midia chanôzy nata ama hawtizy cha sei ta a chhi ei ta, ama viahchao zydua, ama mietaku zydua nata ama hmobaoh zydua hraona sôh ta la ei ta.

RYHPACHANEINA 20:14

Chanôzy, hawtizy, sahrohzy nata khihpi liata hmo a ypa zydua deikua cha, hraona sôh ta a la aw chi ta, chariahzy nama hraona sôh, Abeipa na Khazohpa ta a cha piepa ei cha nama châta a châ aw.

RYHPACHANEINA 20:16

Abeipa nama Khazohpa ta ryuto châta a cha piepa ei liata phopizy pahrâna khihpizy liata cha, husona a hneipa kheihawhpa hmah nama pahlôh awpa châ vei.

ZAWSUA 10:40

Cha hawhna chata Zawsua ta râh zydua, tlâh râh, Neke râh, bypi râh nata pâdawhpa râhzy pahnie khaipa ta, ama bei zydua thie khai ta, pakha hmah pahlôh vei. Abeipa, Izarei Khazohpa biepiepa hawhta, husona a hneipa maih a pahleipadia khai ha ei.

ZAWSUA 11:11

Hâzaw khihpi liata a ypa chyhsa zydua cha zaozi ta thie khai ei ta, tlokhuh ama pahleipadia khai haw. Husona a hneipa pakha hmah pahlôh veih ei. Zawsua ta Hâzaw khihpi cha mei ta a rao haw.

ZAWSUA 11:13

Zawsua ta mei ta a raopa Hâzaw khihpi tah leipa ta, tlâh byuhpa liata khihpi padua chiehpazy cha, Izarei ta khih kha hmah mei ta rao vei.

ZAWSUA 11:15

Abeipa ta a chakaotuhpa Mawsi hnohta bie a piepa hawhta, Mawsi ta Zawsua cha biepie pachhuah ta, cha hawhna chata Zawsua ta a tao lymâ. Abeipa ta Mawsi bie a piepa zydua a tao leipa y vei.

ZAWSUA 8:2

Zerikô nata a khih bei chô liata na taopa hawhna khata, Ai khihpi nata a khih bei chô liata chhao na tao aw. Ai khihpi liata deikua cha hraona nata sahrohzy namâ la thei aw. Khihpi cha a hnôh lâ tawhta namâ byh aw,” tah ta.

ZAWSUA 8:27

Abeipa ta Zawsua hnohta bie a piepa hawhta, khihpi liata sahroh nata hmo a ypazy deita Izarei sawzy ta hraona sôh ta amâ la.