ZAWSUA 10:6 - Mara Bible RV (BSI)

⁶ Kibiô mo ta Kilkal riehmo liata a ypa Zawsua lâ chyhsa tuah ei ta, a hnohta, “Châ chakaotuhpazy he na bâh pathliah sai khah y. A chatliepa ta keimo lâ a khy la, miah kaw bao la, miah kaw pachha mah y. Tlâh râh liata a pahrâpa Amawri bei zydua a paraoh ei ta miah amâ dyuh hih,” tah ei ta.

ZAWSUA 10:6 ပူးပေါင်းရင်းမြစ်များ

2 ABEIZY 4:24

Alâ ky padia ta, a chakaotuhpa hnohta, “Sahroh he chatliesa la, sie lymâ teh. Ei cha chho leipa khiahta cha, na padusawsa awpa châ vei,” tah ta.

HLAZY 125:2

Tlâhpizy ta Zerusale a chadôpa hawhta, Abeipa ta a phopi cha tahmâ tawhta chhâzaw ta a ypâ lymâ aw.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

MALUHREINA 13:29

Amale mo chho lâ râh liata pahrâ ei ta, Hiti mo, Zebu mo nata Amawri mozy cha tlâh râh liata pahrâ ei ta, Kâna mo cha tilaipi kiah nata Zawdâh kao zy liata ama pahrâ,” tah ei ta.

LUKA 1:39

Cha khaipa nahta, Mâri cha thlai thyu ta, tlâh râh liata a ypa Zudia khihpi miakha lâ sie ta.

RYHPACHANEINA 1:15

Chatanachata nama chi to tawhta chyhsa sopa nata novâhna ta a biepa hyutuhpazy a chhi ei na ta, nama chô liata hyutuhpazy ta ei tao ei. A sâh chô liata hyutuhpazy, a za chô liata hyutuhpazy, sypangawh chô liata hyutuhpazy, pahrawh chô liata hyutuhpazy nata nama chi chhituhpazy ta ei tao ei.

ZAWSUA 10:5

Chatanachata Amawri bei papangawh, Zerusale bei, Hebraw bei, Zarâmu bei, Lakhi bei nata Ekalaw beizy cha a paraoh ei ta, ama pheisaih zydua chhaota khy ei ta, Kibiô khihpi riaai liata a pahmaoh ei ta, khihpi cha a dyuh ei ta.

ZAWSUA 10:7

Chatanachata Zawsua cha a pheisaih thatlôpa nata riahphapa zydua chhaota Kilkal tawhta khy ta.

ZAWSUA 21:11

Zudâh tlâh râh liata Kiriathâbâ khihpi cha a chaby râhzy chhaota ama pie. Kiriathâbâ cha Hebraw tahpa châ hra ta, Arabâ cha Anâki paw a châ.

ZAWSUA 5:10

Izarei sawzy cha Kilkal liata riehmo paryh ei ta, cha thla, noh hrawh hleipalihna noh zâlâ ta Zerikô bypizy liata zawpakhô ama chay.

ZAWSUA 9:15

Chatanachata Zawsua ta âmo nata aryhna tao ta, pahlôh awpa ei ta ama hnohta bie hraih ta, zawpi hyutuhpazy chhao ta ama hnohta bie a taih ei ta.

ZAWSUA 9:6

Chatanachata Kilkal liata riehmo paryhpa liata a ypa Zawsua lâ vawh ei ta, ano nata Izarei chyhsazy hnohta, “Râh hlapi tawhta a vypa châ pi ta, chavâta eima hnohta aryhna bie hraih teh u,” tah ei ta.

ZAWSUA 9:8

Âmo ta Zawsua hnohta, “Châ chakaotuhpazy eima châ,” tah ei ta. Zawsua ta ama hnohta, “Ahyzy ma nama châ? Khataih lâ tawhta a vypa ma nama châ?” tah ta.