ZAWSUA 10:32 - Mara Bible RV (BSI)

³² Abeipa ta Lakhi khihpi cha Izarei ku liata pie ta, a noh nona liata la ta. Libnâ chô liata a taopa hawhta, Lakhi khihpi chhôh liata a ypa chyhsa zydua zaozi ta thie khai ta.

ZAWSUA 10:32 ပူးပေါင်းရင်းမြစ်များ

PUASAINA 17:13

Chatanachata Zawsua ta Amale nata a sahlaozy cha zaozi ta a pahnie ha ei.

ISAI 37:8

Râbâsake cha Lakhi khihpi tawhta Asuria bei a sie hapa thâtih a theipa vâta, Zudâh tawhta a lie ta. Asuria bei cha Libnâ khihpi â vaw dyuh haipa hmô ta.

RYHPACHANEINA 7:2

Abeipa nama Khazohpa ta âmo cha nama ku liata cha piepa ta nama pahnie tita, tlokhuh nama pahleipadia khai awpa a châ. Âmo nata biehrai nama tao awpa châ leipa ta, nama ngiachhie awpa châ hra vei.

ZAWSUA 10:28

Cha noh ta Zawsua ta Mâkedâ khihpi cha la ta. Khihsawzy nata ama khih bei cha zaozi ta thie ta, cha khihpi liata a ypa zydua pamo khai ta, pakha hmah pahlôh vei. Zerikô bei chô liata a taopa hawhta, Mâkedâ bei chô liata chhao tao ta.

ZAWSUA 10:31

Zawsua cha a hnohta a ypa Izarei saw zydua chhaota Libnâ tawhta Lakhi khihpi lâ sie ta. Khihpi cha dôhpa ta, a dyuh ta.

ZAWSUA 10:33

Keze bei Hôrâ cha Lakhi khihpi bao awpa ta khy ta. Zawsua ta ano nata a sahlaozy cha pakha hmah pahlôh leipa ta thie khai ta.

ZAWSUA 11:12

Cha beizy khihpizy nata ama bei zydua cha, Abeipa chakaotuhpa Mawsi biepiepa hawhta, Zawsua ta la khai ta, zaozi ta âmo cha chhawhsao ta, a pamua ha ei.