ZAWSUA 10:3 - Mara Bible RV (BSI)

³ Chavâta Zerusale bei Adônizede ta Hebraw bei Hôhâ, Zarâmu bei Pirâ, Lakhi bei Zaphia nata Ekalaw bei Debi zy lâ chyhsa tuah ta, ama hnohta,

ZAWSUA 10:3 ပူးပေါင်းရင်းမြစ်များ

ÂTHAONA 23:2

Sârâ cha Kâna râh Kiriathâbâ khih liata thi ta. Cha cha Hebraw a châ. Abarahâ cha Sârâ mâchhiesa awpa nata chakhei awpa ta sie ta.

ÂTHAONA 37:14

Izarei ta a hnohta, “Tahmâ he sie la, na unawhzy a phapa ta ama y ma, sahrohzy ama pha ma tahpa kei moh la, na vaw chho heih mah y,” tah ta. Izarei ta Zawsi cha Hebraw saikao tawhta pasiesa ta, Sekhe cha kei tlô ta.

2 SAMUELA 2:11

Dâvi ta Hebraw liata Zudâh pathlazy chô liata ryu a reina cha kô sari nata thla charu vaw châ ha ta.

2 ABEIZY 18:14

Zudâh bei Hezekia ta Lakhi khih liata Asuria bei lâ lyuhchâpa tuah ta, a hnohta, “Ei vaw tao chhei ha na, nâ sysai teh. Einâ hnawpa maih chi ei tao aw,” tah ta. Asuria bei ta Zudâh bei Hezekia cha tâkâ talent za thôh nata ngôh talent sythôh a hnaw ta.

2 ABEIZY 18:17

Asuria bei ta pheisaih hyutuhpa Tartâ nata Râbâsari nata Râbâsake zy cha pheisaih hluhpi chhaota Lakhi tawhta Zerusale liata Bei Hezekia lâ tuah ta. Zerusale lâ khy ei ta, ama tlô nahta, machhua tipo ti lâpi kiapâh liata a ypa Chysia Pasuna su lâ siena lâlai liata a duah ei ta.

2 THÂTIHZYRONA 11:9

Adôrai, Lakhi, Azekâ,

ZEREMIAH 34:7

Babylaw bei pheisaihzy ta Zerusale nata Zudâh khihpi ama la mâh leipa Lakhi nata Azekâ khihpizy amâ dyuh nota a reipa biezy a châ. Hezy he Zudâh khihpizy hry liata thokhy ta dôhpa khihpi la mâh leipa a y chhôhpazy ama châ.

MIKÂ 1:13

Hy Lakhi mo saih u, Arâzy cha talailih liata buh teh u; Lakhi cha Zaio sawchanô moleina athaona a châ; Izarei moleinazy cha, Nâma liata hmôpa châ tlôh ta.

MALUHREINA 13:22

Neke lâta khy ei ta, Hebraw tlô ei ta, cha liata Anâki pathla Ahimâ mo, Sesai mo nata Tâmai mozy y ei ta. Hebraw cha Izi râh liata Zawâ â dua hlâta kô sari liata padua hapa a châ.

ZAWSUA 10:1

Zerusale bei Adônizede ta Zawsua ta Ai khihpi la ta, parao khai ta, Zerikô nata a khih bei a paraopa hawhta, Ai khihpi nata a khih bei chhao a parao khai hapa thâtih thei ta. Kibiô khihsawzy cha Izarei nata aryhna biehrai tao ei ta, Izarei hry liata ama pahrâ hapa thâtih chhao thei ta.

ZAWSUA 10:23

Cha hawhna chata tao ei ta, bei papangawh, Zerusale bei, Hebraw bei, Zarâmu bei, Lakhi bei nata Ekalaw beizy cha lôpu tawhta Zawsua lâ a vaw chhi ei ta.

ZAWSUA 10:34

Zawsua nata Izarei saw zydua cha Lakhi tawhta Ekalaw khihpi lâ sie ei ta. Khihpi cha dôhpa ta, a dyuh ei ta.

ZAWSUA 10:5

Chatanachata Amawri bei papangawh, Zerusale bei, Hebraw bei, Zarâmu bei, Lakhi bei nata Ekalaw beizy cha a paraoh ei ta, ama pheisaih zydua chhaota khy ei ta, Kibiô khihpi riaai liata a pahmaoh ei ta, khihpi cha a dyuh ei ta.

ZAWSUA 14:15

Hebraw cha Kiriathâbâ tahpa ta aw tyhpa châ ta, Arabâ cha Anâki mo hry liata chyhsa rônah chaipa a châ. Chatanachata adyuhna pai ta, râh cha thlahlôhpa ta y ha ta.

ZAWSUA 15:54

Humtâ, Hebraw ama tah hrapa Kiriathâbâ nata Ziôrâ, khihpi mia chaki nata ama khichapeihzy;

ZAWSUA 15:63

Zerusale liata a pahrâpa Zebu mo deikua cha, Zudâh pathlazy ta papua thei veih ei. Chavâta Zebu mo cha tanoh taihta Zerusale liata Zudâh pathlazy nata hmaohkha ta ama pahrâ.

ZAWSUA 18:28

Zelâ, Helepha, Zebu khihpizy chhao amâ hlao. Zebu cha Zerusale a châ. Kiria­ziari nata Kibi khihpizy chhao a hlao ei ta, khihpi miahrawh hleipalih y ta, khichapeihzy ama hnei. Chazy cha Benzami pathlazy ta a pho pho ta ama to awpa ryuto râh a châ.