ZAWSUA 10:16 - Mara Bible RV (BSI)

¹⁶ Bei papangawhzy cha a râ ei ta, Mâkedâ lôpu liata a nyu ei ta.

ZAWSUA 10:16 ပူးပေါင်းရင်းမြစ်များ

HLAZY 68:12

“Beizy nata ama pheisaihzy rawrôh ta a râ ei ta, Amâ râpai khai haw,” ama tah. O hâtuhpa chanôzy ta hraona sôh amâ rai.

HLAZY 68:13

Mietaku sadôzy liata a ypa chanôzy cha, Tâkâ ta pahupa mathlaw a hneipa vachhuh lyu ei ta, A mathlaw pawhmaozy liata ngôh patliepa a ypa hawhta ama châ.

AMÔSÂ 9:2

“Athihkhih taihta khaoh chao hra ei sala, Cha tawhtapa cha ei ku ta thaoh aw ei na ta; Avâ taihta kiah hra ei sala, Cha tawhtapa cha ei daophi pathlah aw ei.

MIKÂ 7:17

Parih hawhta dohlei palie aw ei ta, Alei liata âlyhpasazy hawhta dohlei ama palie aw. A chalyuna chôta ama thokhyzy tawhta amâ vy aw; Thlazohpa ta Abeipa eima Khazohpa lâ a heih aw ei ta, Nâ cha ama cha chi ngaita aw.

ZAWSUA 10:15

Cha khai tawhta Zawsua nata Izarei saw zydua cha Kilkal liata ama riehmo lâ a lie ha ei ta.

ZAWSUA 10:17

Zawsua hnohta, “Bei papangawhzy cha ama hmô haw. Mâkedâ lôpu liata amâ nyu,” tahpa ta chho ei ta.

ZAWSUA 10:5

Chatanachata Amawri bei papangawh, Zerusale bei, Hebraw bei, Zarâmu bei, Lakhi bei nata Ekalaw beizy cha a paraoh ei ta, ama pheisaih zydua chhaota khy ei ta, Kibiô khihpi riaai liata a pahmaoh ei ta, khihpi cha a dyuh ei ta.

BIEPHUAH 6:15

Chatanachata lei beizy, molaipazy, pheisaih hyutuh chaipazy, hneirôhpazy, thatlôpazy, sei nata khotalaipazy, chyhsa to cha lôpuzy liata nata tlâhpi liata lôpanôzy liata a nyu ei ta,

RYUREITUHPAZY 6:2

Midia cha Izarei hlâta a thatlô via ta, Midia vâna chata Izarei sawzy cha tlâh liata khaohtlôzy, lôpuzy nata thokhyzy a tao ei ta.

1 SAMUELA 13:6

Izarei pheisaihzy cha chadiepa ta y ei ta, ama duahmo a pha leizie ama hmô nahta, lôpu liata zy, apopa liata zy, lôpanô liata zy, khaohtlô liata zy, tipâh ruapa liata zy a nyu ei ta.

1 SAMUELA 24:3

Lâpi kiapâh liata mietaku sadô kei tlô ta, cha liata lôpu y ta, Sawla cha lyupâh pua awpa ta a kei ngia ta. Dâvi nata a chyhsazy cha lôpu chhôh chaipa liata a tyuh thlâh ha ei ta.

1 SAMUELA 24:8

A hnôh lâta Dâvi chhao cha thyu ta, lôpu tawhta pua ta, “Abei y, ei zibeipa y!” tahpa ta Sawla cha awsao ta. Sawla cha a hnôh lâ a kei heih ta, Dâvi cha a hmia alei lâ a khupa Sawla cha a naoh ta.