ZAWSUA 1:7 - Mara Bible RV (BSI)

⁷ Thatlôpa nata riahpha ngaitapa ta y la, nâ chakaotuhpa Mawsi ta tao awpa bie a cha piepa ryhpa zydua pakhâta ta zyh la, tao mah y. Na siena lia maihta thlaochhipa ta na y thei nawpa ta, ryhpa bie he na chachâh lâ tlyma, na chavei lâ tlyma tleisai cheita khah y.

ZAWSUA 1:7 ပူးပေါင်းရင်းမြစ်များ

1 ABEIZY 2:2

“Khizaw ryhpa hawhta, kei chhao ei sie nawpa daihti â hnia haw. Thatlôpa ta y la, chapawsaw kawpa ta y mah y.

1 ABEIZY 2:3

Na hmotaopa maih nata nâ heina lâ maihta thlaochhipa ta na y lymâ thei nawpa ta, Mawsi Ryhpa liata ropa hawhta, Abeipa na Khazohpa ta bie a cha piepazy a pyh la, a lâpizy a chhih la, a bieraopazy, a biepiepazy, a ryhpazy nata a pahnokheinazy zyh mah y.

2 ABEIZY 22:2

A pathlatuhpa Dâvi lâpi zydua a chhihpa ta, Abeipa mohmô liata hmo dopa tao tyh ta, chachâh lâ tlyma, chavei lâ tlyma tlei beih vei.

1 THÂTIHZYRONA 22:13

Abeipa ta Mawsi hnohta Izarei châta bieraopa nata pachiana a piepazy kha na zyh khiahta cha, thlaochhipa ta na y lymâ aw. Thatlôpa nata riahphapa ta y mah y. Chi leipa la, ngiaroh khah y.

2 THÂTIHZYRONA 15:7

Châhrasala nâmo la thatlôpa ta y u la, nama ku tha pachhâ khuh vy. Nama hmotaopa lymâ nama hmô aw,” tah ta.

2 THÂTIHZYRONA 26:5

Khazohpa china kyh a pachupa Zekaria hro chhôh zydua cha Khazohpa tlua lymâ ta. Abeipa a tlua chhôh zydua cha Khazohpa ta hlaotlohna a pie lymâ.

ZAWBÂ 1:8

Abeipa ta Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ,” tah ta.

HLAZY 80:19

Hy Zehôvâh Khazohpa Atotaotheipa, Miah paduapathi heih mah y! Pachhapa ta eima y thei nawpa ta, Na hmia vaw pakhaihsa mah y!

BIESOZY 4:27

Chachâh lâ tlyma chavei lâ tlyma tlei leipa la, Moleina hmo tawhta na phei pasie ha mah y.”

BIESOZY 8:20

Siana lâpi a chhih na ta, Adona lâthlôh ei chhih.

DÂNIAH 10:19

Ano ta ei hnohta, “Hy chyhsa pasâhsa a chhih ngaitapa y, chi kha, thlalôhna na hnohta y mawh sy. Thatlôpa ta y la, riahphapa ta y teh,” na tah ta. Ei hnohta bie a rei khai nahta, thapatlôpa ta vaw y ha na ta, a hnohta, “Ei zibeipa ta bie reih mawh sy, tha eina patlô ha chi,” tah na ta.

MALUHREINA 27:23

A chô liata a ku pahnieh ta, Mawsi hmâpa ta Abeipa biereipa hawhta biehneina cha pie ta.

RYHPACHANEINA 11:8

“Chavâta thatlôpa ta ypa ta, hnei awpa ta nama pangaipa râh cha nama hnei thei nawpa ta, tanoh ta biepiepa ei cha piepa zydua he nama zyh khai awpa a châ.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

RYHPACHANEINA 28:14

Tanoh ta bie ei cha piepa ei he, a kheihawhpa lia hmahta chachâh lâ tlyma, chavei lâ tlyma tleisai leipa ta, khazoh hropazy pazi leipa ta nama chakao leipa khiahta cha, cha hawhta nama châ aw.

RYHPACHANEINA 29:8

Ama râh la pi ta, Rubena chi, Kâdâ chi nata Manase chi khophie pahrâ nawpa ta eima pie.

RYHPACHANEINA 29:9

Chavâta nama hmotaopa zydua liata thlaochhipa ta nama y lymâ thei nawpa ta, he biehrai biezy he zyh u la tao teh u.

RYHPACHANEINA 31:7

Chatawhcha Mawsi ta Zawsua aw ta, Izarei saw zydua mohmô liata a hnohta, “Thatlôpa nata riahphapa ta y teh. He phopi hnohna heta Abeipa ta ama pathlatuhpazy pie awpa ta bie â taihpa râh lâ sie aw chi ta, cha râh cha ryu ta na patosa aw ei.

RYHPACHANEINA 4:2

Bie ei cha piepa ei kha baichha leipa u la, thy bâ hra leipa u la, Abeipa nama Khazohpa biepiepa nama hnohta ei cha pie pachhuahpazy he zyh muh vy.

RYHPACHANEINA 5:32

Chavâta Abeipa nama Khazohpa ta bie a cha piepa hawh ei ta pakhâta ta tao u la, chachâh lâ tlyma, chavei lâ tlyma, nama tlei awpa châ vei.

ZAWSUA 1:1

Abeipa chakaotuhpa Mawsi a thi tawhta, Mawsi baotuhpa Zawsua, Nunâ sawchapawpa hnohta Abeipa ta,

ZAWSUA 1:8

Ryhpa Châbu heta na pakah a puasai awpa châ leipa ta, a chhôh liata bieropazy chhô nah zâ ta tlao na pachâ awpa a châ. Chatanachata ryhpa biezy cha pakhâta ta na zyh thei aw. Cha hawhta na tao khiahta cha, na lâpizy patlâ aw ta, na hlao a tloh aw.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.

ZAWSUA 11:15

Abeipa ta a chakaotuhpa Mawsi hnohta bie a piepa hawhta, Mawsi ta Zawsua cha biepie pachhuah ta, cha hawhna chata Zawsua ta a tao lymâ. Abeipa ta Mawsi bie a piepa zydua a tao leipa y vei.

ZAWSUA 23:6

Chavâta Mawsi ryhpa châbu liata ropa zydua riahphapa ta zyh u la, tao teh u. Chachâh lâ tlyma, chavei lâ tlyma, tleisai cheita khuh vy.