ZAWSUA 1:6 - Mara Bible RV (BSI)

⁶ “Thatlôpa nata riahphapa ta y teh. He sahlao he ama pathlatuhpazy hnohta pie awpa ta bie ei taihpa râh cha ryu ta na patosa aw ei.

ZAWSUA 1:6 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 26:3

He râh liata y chy la, na hnohta y aw na ta, byhnâ ei cha pie aw. He râh zydua he nâma nata na pathlazy ei cha pie aw ei. Na paw Abarahâ hnohta bie ei taihpa kha ei pa-i aw.

2 SAMUELA 10:12

Riahphapa ta y u la, eima phopi nata Khazohpa khihpizy châta riahphapa ta y ei suh u. Abeipa ta pha a tahpa hawhta tao mawh sy,” tah ta.

1 ABEIZY 2:2

“Khizaw ryhpa hawhta, kei chhao ei sie nawpa daihti â hnia haw. Thatlôpa ta y la, chapawsaw kawpa ta y mah y.

1 THÂTIHZYRONA 22:13

Abeipa ta Mawsi hnohta Izarei châta bieraopa nata pachiana a piepazy kha na zyh khiahta cha, thlaochhipa ta na y lymâ aw. Thatlôpa nata riahphapa ta y mah y. Chi leipa la, ngiaroh khah y.

1 THÂTIHZYRONA 28:10

A chado kaw mah y. Supathaihpa châta o sa awpa ta, Abeipa ta a cha rao. Thatlôpa ta y la, hria mah y,” tah ta.

1 THÂTIHZYRONA 28:20

Chatawhcha Dâvi ta a sawchapawpa Sawlawmaw hnohta, “Thatlôpa nata riahphapa ta y la, hria mah y. Chi leipa la, a ngiaroh khah y, Zehôvâh Khazohpa, ei Khazohpa tlai cha na hnohta a y mâh tâh. Abeipa o raihria zydua patlô khaipa a châ hlâlei, cha siesai leipa aw ta, cha pathlua aw vei.

2 THÂTIHZYRONA 15:7

Châhrasala nâmo la thatlôpa ta y u la, nama ku tha pachhâ khuh vy. Nama hmotaopa lymâ nama hmô aw,” tah ta.

2 THÂTIHZYRONA 20:11

eima chô liata ama taopa he moh tua. Eima ryuto râh châta miah na piepa na râh tawhta miah papua awpa ta ama vaw pua.

2 THÂTIHZYRONA 20:7

Hy eima Khazohpa y, he râh liata a pahrâpazy he, na phopi Izarei hmiakô liata papua chi ta, râh cha na viasa Abarahâ pathlazy hnohta chhâzaw châta na piepa châ vei ma?

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

DÂNIAH 10:19

Ano ta ei hnohta, “Hy chyhsa pasâhsa a chhih ngaitapa y, chi kha, thlalôhna na hnohta y mawh sy. Thatlôpa ta y la, riahphapa ta y teh,” na tah ta. Ei hnohta bie a rei khai nahta, thapatlôpa ta vaw y ha na ta, a hnohta, “Ei zibeipa ta bie reih mawh sy, tha eina patlô ha chi,” tah na ta.

HÂKAI 2:4

Chatahrasala, hy Zerubâbe, thatlôpa ta y mah y,’ Abeipa ta a tah. ‘Hy Zehôzadâ sawchapaw theihthai beichaipa Zawsua, thatlôpa ta y mah y. Hy râhsaw zydua saih u, thatlô ngaitapa ta y muh vy,’ Abeipa ta a tah. ‘Thyu u la hria teh u, nama hnohta ei y,’ Pheisaihzy Abeipa ta a tah.

ZEKARIA 8:9

Pheisaihzy Abeipa ta hetana heta a tah: “Nâmo, tahmâ nota hrohsopazy pakah tawhta a puapa biezy a thei tyhpazy saih u, nama ku thapatlô teh u. He hrohsopazy he Achhyna o, Pheisaihzy Abeipa o lôbô bô nota a y hrapazy ama châ.

MALUHREINA 26:53

“He sahlaozy hnohna heta ama maluh hawhta ryuto râh rai awpa a châ.

MALUHREINA 33:53

Râh cha hnei aw ei chi ta, cha liata nama pahrâ aw. Cha râh cha hnei awpa ta ei cha piepa ei a châ.

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

RYHPACHANEINA 1:21

Moh teh u, Abeipa nama Khazohpa ta nama hmiakô liata râh a cha sopa ei. Khy u la, Abeipa, châ pathlatuhpazy Khazohpa ta a cha chhopa hawhna ei khata, râh cha kaw pahrâ teh u. Chi leipa u la, riahchhiepa ta y hra khuh vy,’ cha tah ei na ta.

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 11:8

“Chavâta thatlôpa ta ypa ta, hnei awpa ta nama pangaipa râh cha nama hnei thei nawpa ta, tanoh ta biepiepa ei cha piepa zydua he nama zyh khai awpa a châ.

RYHPACHANEINA 31:23

Abeipa ta Nunâ sawchapawpa Zawsua cha biehneina pie ta, a hnohta, “Thatlôpa nata riahphapa ta y teh. Izarei sawzy he ama hnohta bie ei taihpa râh nâ ngiakhei aw ei. Na hnohta ei y lymâ aw,” tah ta.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

ZAWSUA 1:18

Kheihawhpa biepiepa rai châ sala, ahy rai na biepiepa a dyuhpa nata na biezy a nathlie leipa cha thiepa a châ aw. Thatlôpa nata riahphapa ta y mah y,” tah ei ta.

ZAWSUA 1:7

Thatlôpa nata riahpha ngaitapa ta y la, nâ chakaotuhpa Mawsi ta tao awpa bie a cha piepa ryhpa zydua pakhâta ta zyh la, tao mah y. Na siena lia maihta thlaochhipa ta na y thei nawpa ta, ryhpa bie he na chachâh lâ tlyma, na chavei lâ tlyma tleisai cheita khah y.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.

ZAWSUA 10:25

Zawsua ta ama hnohta, “Chi leipa u la, riahchhiepa ta y hra leipa u la, thatlôpa nata riahphapa ta y teh u. He hawhna heta Abeipa ta namâ dyuhpa nama chariahpa zydua chô liata a tao lymâ aw,” tah ta.

ZAWSUA 13:6

Lebanaw tawhta Misrephôthamâ taihta tlâh râh liata a pahrâpa zydua nata Sidaw râh zydua cha, la mâh leipa râhzy a châ. Âmo cha Izarei sawzy hmiakô tawhta papua aw ei na ta, bie ei cha piepa hawhta, ama râhzy cha Izarei sawzy ryuto châta na rai aw ei.

ZAWSUA 18:3

Zawsua ta Izarei sawzy hnohta, “Zehôvah, châ pathlatuhpazy Khazohpa ta râh a cha piepa lâ a ngiapa ta, râh cha hnei awpa ta khati taih ma lôhkhô namâ hli chy aw tly?

ZAWSUA 21:43

Cha hawhna chata Abeipa ta Izarei sawzy cha, ama pathlatuhpazy hnohta pie awpa ta bie â vaw taihpa râh zydua pie ta. Chatanachata râh cha hnei ei ta, cha liata pahrâ ei ta.

ZAWSUA 5:6

Izarei sawzy ta Abeipa ao ama nathlie khoh leipa vâta, ama pathlatuhpazy hnohta pie awpa ta Abeipa ta bie â taihpa sâhpiti nata kheihti lona râh pahmôsa lei awpa ta Abeipa ta ama hnohta bie â taih haw. Chatanachata Izi râh tawhta a kaw puapa, chariah a dyuhpa Izarei phopi chapaw zydua ama leidia khai hlâlei, Izarei sawzy cha râhchawhpa liata kô sypalih chhôh ama viavi.

1 SAMUELA 4:9

Hy nâmo, Philistinâ mozy saih u, riahphapa ta y u la, chapaw kawpa ta y teh u, chataleipatala nama sei a châ tyhpa Hebrai mo sei ta nama y pathlei aw na. Chapaw kawpa ta y u la, a dyuh teh u,” tah ei ta.