ZAWSUA 1:4 - Mara Bible RV (BSI)

⁴ Nama râhrizy chho lâta Râhchawhpa tawhta maw lâta Lebanaw taihta châ aw ta, nochhi lâta chavah laipa, Ufrâti chavah tawhta Hiti mo râh zydua ô ta, notla lâta Tilaipi Rônahpa taihta a châ aw.

ZAWSUA 1:4 ပူးပေါင်းရင်းမြစ်များ

1 ABEIZY 10:29

Talailih miakha ta sekel 600 lymâ ta nata arâ pô kha ta sekel 150 lymâ ta Izi râh lâ za chalei ei ta, abei sôhpalietuhpazy hmâpa ta Hiti beizy nata Syria beizy lâta ama zuah pachhuah tyh.

1 ABEIZY 4:21

Sawlawmaw cha Ufrâti tawhta Philistinâ râh nata Izi râhri taihta râh zydua chô liata ryureih ta. Ano lâ râhpawzy pie ei ta, a hro chhôh zydua ta Sawlawmaw cha ama chakao lymâ.

1 THÂTIHZYRONA 18:3

Dâvi cha Ufrâti chavah kaozy liata a biehneina padua awpa ta a siena liata, Zôbâ bei Hadâdeze cha Hâmathi khihpi taihta a dyuh ta, pahnie ta.

1 THÂTIHZYRONA 5:9

Kilia râh liata ama sahroh thata a pôhpa vâta, nochhi lâta râhchawhpa angiana tawhta Ufrâti chavah notla baih lâ taihta ama pahrâ.

EZRÂ 4:20

Bei thatlôpazy ta Zerusale chô liata ryu vaw reih ei ta. Âmo chata Chavah Haosâ râh zydua chô liata ryureih ei ta, cha beizy lâta râhpawzy, leimâzy, chhiezy ama vaw pie tyh.

PUASAINA 23:31

Tilaipi Saihpa tawhta Philistinâ mo tilaipi taihta nata râhchawhpa tawhta Ufrâti chavah taihta na râhri châta ei cha taopa aw. Cha râh liata a pahrâpazy cha, na ku liata cha pie aw na ta, âmo cha na hmiakô tawhta na papua awpa a châ.

RYHPACHANEINA 1:7

Chavâta a pasie bâ u la, Amawri tlâh râh lâ nata a chheipâh Arabâ râh lâ zy sie teh u. Tlâh râh, by râh, Neke râh, tilaipi kiah râh, Kâna râh nata Lebanaw râh lâ zy sie u la, chavah laipa Ufrâti chavah taihta sie teh u.

RYHPACHANEINA 11:24

Nama phei pazah ta a tlypa maih cha nama eih a châ aw. Râhchawhpa tawhta Lebanaw taihta, Ufrâti chavah tawhta notla lâ tilaipi taihta nama râh a châ aw.

RYHPACHANEINA 3:25

Ngiachhiepa ta Zawdâh chavah na chakasa la, Zawdâh haosâ râh phapa, tlâh râh phapa nata Lebanaw râh hao na patlôsa mah y,’ tah na ta.

BIEPHUAH 9:14

Ao chata chiahmie a chabapa vâlyuhchâpa pacharuna hnohta, “Ufrâti chavah liata vâlyuhchâpa papalih chahrypazy kha pathlâ teh,” tah ta.