ZAWSUA 1:17 - Mara Bible RV (BSI)

¹⁷ Kyh to liata Mawsi bie eima zyhpa hawhna khata, na bie eima zyh lymâ aw. Abeipa na Khazohpa cha, Mawsi hnohta a ypa hawhna khata, na hnohta y mawh sy!

ZAWSUA 1:17 ပူးပေါင်းရင်းမြစ်များ

2 SAMUELA 14:17

Abei, nâ ei zibeipa chi cha, Khazohpa vâlyuhchâpa hawhta, a chhiepa nata a phapa a pahrua thaipa na châpa vâta, na seichanô heta, ‘Ei zibeipa abei bie ta thlah eina palôh aw,’ tahpa ta ei pachâ. Abeipa na Khazohpa cha na hnohta y maw sy!” tah ta.

1 ABEIZY 1:37

Abeipa ta ei zibeipa abei cha a ypâ tyhpa hawhna khata, Sawlawmaw hnohta chhao y lymâ sala, a beidyuchhai cha ei zibeipa Dâvi beidyuchhai hlâta parônahsa via mawh sy,” tah ta.

1 THÂTIHZYRONA 28:20

Chatawhcha Dâvi ta a sawchapawpa Sawlawmaw hnohta, “Thatlôpa nata riahphapa ta y la, hria mah y. Chi leipa la, a ngiaroh khah y, Zehôvâh Khazohpa, ei Khazohpa tlai cha na hnohta a y mâh tâh. Abeipa o raihria zydua patlô khaipa a châ hlâlei, cha siesai leipa aw ta, cha pathlua aw vei.

HLAZY 20:1

Nôpona noh liata Abeipa ta châ chhy sala, Zakaw Khazohpa moh ta cha pabohsa mawh sy!

HLAZY 20:4

Na palôh khopa cha pie sala, Nâ chhuahna zydua hlao cha patloh mawh sy!

HLAZY 20:9

Hy Abeipa, abei he pachha la, Eima cha aw tita miah a chhy mah y.

MALUHREINA 27:18

Abeipa ta Mawsi hnohta, “Nunâ sawchapawpa Zawsua, thlahpa ta a ylâhpa chyhsa kha a chhi la, a chô liata na ku pahnieh mah y.

MALUHREINA 27:20

Izarei zawpizy ta a rei amâ ngiah thei nawpa ta, na biehneina ano hnohta na hlâ aw.

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

RYHPACHANEINA 34:9

Nunâ sawchapawpa Zawsua cha, Mawsi ta a chô liata a ku a pahniehpa vâta, sona thlahpa ta bie ta. Chavâta Izarei sawzy ta a bie nathlie ei ta, Abeipa ta Mawsi bie a piepa hawhta ama tao lymâ.

ZAWSUA 1:16

Izarei phopi hyutuhpazy ta Zawsua cha a chhy ei ta, a hnohta, “Tao awpa bie miah na piepa zydua tao aw pi ta, miah na tuana lâ maih eima sie aw.

ZAWSUA 1:18

Kheihawhpa biepiepa rai châ sala, ahy rai na biepiepa a dyuhpa nata na biezy a nathlie leipa cha thiepa a châ aw. Thatlôpa nata riahphapa ta y mah y,” tah ei ta.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.

ZAWSUA 4:14

Cha noh liata, Abeipa ta Izarei zydua mohmô ta Zawsua cha cheihchalo ta. Mawsi ama zapa hawhta, Izarei zawpi ta Zawsua cha a hrochhôh zydua ama za lymâ.

1 SAMUELA 17:37

Dâvi ta, “Chakeibarôhneipa pheipato tawhta nata chavyh pheipato tawhta nâ pachhatuhpa Abeipa ta, he Philistinâ chyhsa ku tawhna heta eina pachha aw,” tah ta. Sawla ta Dâvi hnohta, “Sie mah y, na hnohta Abeipa y mawh sy!” tah ta.

1 SAMUELA 20:13

Ei paw ta na chô liata hmo pha leipa tao a chhuah sala, cha chho leipa aw sah la, thlalôhpa ta na sie thei nawpa ta ei cha pathlie leipa khiahta cha, Abeipa ta Zawnathâ chô liata a tao awpa cha tao sala, cha hlâta pasa viapa chhao ta tao mawh sy. Ei paw hnohta a Abeipa a y tyhpa hawhta, nâma hnôh chhao ta y hra mawh sy.