ZAWNA 4:5 - Mara Bible RV (BSI)

⁵ Zawna cha khihpi tawhta pua ta, khihpi nochhi lâ liata a tyuh ta, cha liata tlâhphia a hy ta. Khihpi chô liata khâpa hmo ma a vaw tlô aw tahpa hmô awpa ta, tlâhphia nohdi ry liana cha a tyuh thlâh ha ta.

ZAWNA 4:5 ပူးပေါင်းရင်းမြစ်များ

1 ABEIZY 19:13

Elaizâh ta cha cha a thei nahta, a viahkao pasipa ta a hmia a khu ta, kei pua ta, lôpu paka liata a kei duah ta. Ao vaw pua ta, a hnohta, “He liata khâpa na tao, Elaizâh?” tah ta,

1 ABEIZY 19:9

Lôpu miakha kei tlô ta, cha liata a rie ta. Abeipa bie a hnohta vaw tlô ta, Abeipa ta a hnohta, “He liata khâpa ma na tao, Elaizâh?” tah ta.

ISAI 57:17

 do leipa ta athôhna a hmôpa vâta, Hiehâhpa ta tu na ta; Hiehâhpa ta ei hmia ei nyusai ha aw. Chatanachôta ano palôh khopa lâ sie ta, Chhorupa ta a y lymâ.

ZEREMIAH 20:9

“Abeipa pado leipa aw na ta, A moh ta bie reih khao aw va na,” Tah hraw sah la, Ei rupa chhôh liata mei iapa â khôpa hawhta, Ei palôh liata y ta, A chalihkhei a chhuah taraw na ta, Châhrasala a chalihkhei thei va na.

ZAWNA 1:5

Balyh puhpazy cha chi ngaita ei ta, ama khazoh pado chyu ei ta. Balyh cha âmo châta â hua thei nawpa ta, balyh chhôh liata hmozy cha tilaipi lâ pazaw ei ta. Zawna deikua cha balyh chhôh chaipa liata a ngia ta, a zia ta, mokuh pahâh kawpa ta a mô syulyu ha ta.

ZAWNA 4:4

Abeipa ta, “Na hiehâhna kha â do ma?” tah ta.

ZAWNA 4:6

Zehôvâh Khazohpa ta titheih zôh vaw paysa ta, Zawna chô lâta pazawhsa ta, cha chata a luh pahlina nohdi piepa ta, a riethei taona tawhta vaw pachha ta. Zawna cha titheih zôh vâna chata a ly ngaita ta.