ZAWNA 4:3 - Mara Bible RV (BSI)

³ Chavâta Hy Abeipa y, ngiachhiepa ta ei hrona he tahmâ keima tawhta la ha mah y, kei châta la hropa hlâta thipa tlao a pha via,” tah ta.

ZAWNA 4:3 ပူးပေါင်းရင်းမြစ်များ

1 ABEIZY 19:4

Elaizâh cha râhchawhpa lâ noh kha sie via ta, ophi buh ry liata a tyuh ta, thi awpa ta hiah ta, “Â daih ha na, Hy Abeipa y, ei hrona he tahmâ la thlâh ha bâ mah y. Nâ pathlatuhpazy hlâta pha via hlei va na,” tah ta.

BIECHHOTUHPA 7:1

Sathaw sôhpa hlâta moh phana pha via ta, Pi noh hlâta thi noh a pha via.

BIECHHOTUHPA 7:9

Hiehâhna cha ahrupazy palôh liata riehmo a paryhpa châ ta, Chavâta hiehâh awpa ta na palôh a para khah y.

ZEREMIAH 8:3

“Ei papaipatla hapa phopi moleipa laibâhpazy cha, ama pahrâna su lia maihta, hro awpa hlâta thi awpa tlao amâ tlyh via aw,” Pheisaihzy Abeipa ta a tah.

ZAWNA 4:4

Abeipa ta, “Na hiehâhna kha â do ma?” tah ta.

ZAWNA 4:8

Noh a vaw chhi nahta, Khazohpa ta nochhi thlih lalôhpa vaw tuah ta, Zawna cha nohsa ta a luh vawh ta, panao ha ta. Chavâta thi awpa ta hiah ta, “Kei châta la hropa hlâta thipa a pha via,” tah ta.

MALUHREINA 11:15

He hawhta eina tao awpa chi khiahta cha, na ngiachhie la, â ryh na tah khiahta cha, na thie lâlao thlâh ha la, nôpo pachârôhna a tyh awpa na pakhôkhâhsa mah y,” tah ta.

MALUHREINA 20:3

Zawpi ta Mawsi cha a hryuh ei ta, a hnohta, “Abeipa hmiakô liata eima unawhzy ama thi nona khata, keimo chhao vaw thi ha hra sih la a pha via awpa tlai!

1 KAWRINI 9:15

Châhrasala kei la cha tovyuhzy cha miakha hmahta hmâh va na. Ei chô liata nama tao hra nawpa ta, he biezy he a rohpa châ hra va na. Chyhsa ta ei palaikheina eina lapa awpa hlâta cha, tlao thi sah la ei châta a pha via.