ZAWNA 4:2 - Mara Bible RV (BSI)

² Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

ZAWNA 4:2 ပူးပေါင်းရင်းမြစ်များ

1 ABEIZY 19:4

Elaizâh cha râhchawhpa lâ noh kha sie via ta, ophi buh ry liata a tyuh ta, thi awpa ta hiah ta, “Â daih ha na, Hy Abeipa y, ei hrona he tahmâ la thlâh ha bâ mah y. Nâ pathlatuhpazy hlâta pha via hlei va na,” tah ta.

HLAZY 103:8

Abeipa cha zawngiahna nata ngiachhiena a hneipa châ ta, Hiehâhna kyh liata nainô sôpa ta, Kyhpachâna tleih beih leipa ta a biepa a châ.

HLAZY 145:8

Abeipa cha ngiachhiena nata zawngiahna a hneipa châ ta, Hiehâhna kyh liata nainô sôpa châ ta, Kyhpachâna tleih beih leipa ta a biepa a châ.

HLAZY 78:38

Chatahrasala ano cha thapasana ta a biepa a châpa vâta, Ama paraona cha a ngiahthai ta, Âmo cha pahleipadia vei. A hiehâhna ei hluhpi padia ta, A pathiiana zydua pathyu khoh vei.

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

HLAZY 90:13

Hy Abeipa, vaw kua mah y! Khachâ ma na hie a hâh aw tly? Châ chakaotuhpazy chô liata thapasana hnei mah y!

PUASAINA 32:14

Chatanachata Abeipa cha a palôh panano ta, a phopi chô liata chhiena patlôsa awpa bie a reipa cha a pathleih haw.

ZEREMIAH 18:8

cha phopi chata a châna awpa ei phuahpa vâna chata, a moleina â heihsai khiahta cha, a chô liata chhiena patlôsa ei chhuahpa cha ei pathleih aw.

ZEREMIAH 20:7

Hy Abeipa, na dôvei chi ta, Dôveipa ta ei y ha hih. Nâ cha kei hlâta thatlô viapa châ chi ta, Eina pahnie ha chi. Noh y ta pahnei parâsaopa ta y na ta, Chyhsa to ta eina pasipasawh ei.

ZEREMIAH 26:13

Chavâta tahmâ nama hroziezy nata nama hmotaoziezy a taopathi u la, Abeipa nama Khazohpa bie zyh teh u. Chatanachata nama chô liata chhiena a vaw tlô awpa a phuah hapa kha, Abeipa ta a pathleih aw.

ZEREMIAH 42:10

He râh liata nama y thlâh khiahta cha, cha padua aw ei na ta, cha phie aw veih ei na. Cha loh aw ei na ta, cha phia aw veih ei na. Nama chô liata chhiena ei patlôsapa kha ei ngiapachhi haw.

AMÔSÂ 7:3

Abeipa cha a palôh a panai ta, Abeipa ta, “Kha hmo kha vaw tlô aw vei,” tah ta.

AMÔSÂ 7:6

Abeipa cha a palôh a panai ta, Abeipa Zehôvâh ta, “Kha chhao kha vaw tlô aw vei,” tah ta.

ZAWNA 1:3

Châhrasala Zawna cha Tâsi lâ tlao a râ awpa ta Abeipa hmiakô tawhta thyu ta. Zôpâ khih lâ zu ta, Tâsi lâ a sie awpa balyh hmô ta. Sie mâ pie ta, Abeipa hmiakô tawhta a râ syulyu ha awpa ta, Tâsi lâ a sie awpazy chhaota balyh chhôh lâ cha a ngia ta.

ZAWNA 3:10

Khazohpa ta ama hmotaopa cha hmô ta, ama moleina lâpi amâ heihsaipa a hmô nahta, ama chô liata tao awpa ta a reipa chhiena cha patlôsa khao lei awpa ta a palôh panano ta, tao khao vei.

ZAWNA 3:9

Ahy ma a pahno tly? Eima leidia lei nawpa ta, Khazohpa cha a palie thei ta, a palôh pananopa ta, a hiehâhna ru ngaitapa tawhta â palie thei mâh tâh,” tah ta.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

LUKA 10:29

Dâhthaipa cha thaichâ a chhuahpa ta, Zisu hnohta, “Cha khiahta la ei vaih cha ahy maw?” tah ta.

RYHPACHANEINA 4:31

Abeipa nama Khazohpa cha zawngiah theipa Khazohpa a châ. Cha pathlua leipa aw ei ta, cha pahleipadia hra leipa aw ei ta, châ pathlatuhpazy hnohta bie â taihpa a biehrai my aw vei.