ZAWNA 4:11 - Mara Bible RV (BSI)

¹¹ Ninivâ khihpi, a chhôh liata chavei nata chachâh ku chhao a pahno leipa chyhsa 120,000 nata sahroh hluhpi yna khihpi, hao khihpi rônahpa hao ngiachhie aw va na ma?” tah ta.

ZAWNA 4:11 ပူးပေါင်းရင်းမြစ်များ

ÂTHAONA 9:10

Nama hnohta a ypa hmohrohneipa zydua, pavawzy, sahrohzy nata nama hnohta a ypa râhsa balyh tawhta a vaw puapa zydua hnohta chhao biehrai tao na ta, alei liata sa to hnohta biehrai ei tao.

HLAZY 104:14

Sahrohzy châta sibiepa papyusa chi ta, Chyhsapa chhei awpa ta chicheipa papyusapa ta, Alei tawhta nie awpa na papua.

HLAZY 36:6

Na siana cha Khazohpa tlâhzy hawhta châ ta, Na ryureina chhao ti a thu ngaitapa hawhta a châ; Hy Abeipa, chyhsapa nata sazy na pabohsa ei.

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 37:37

Chatanachata Asuria bei Senâkeri cha pua ta, Ninivâ khihpi lâ a lie ha ta.

ISAI 7:16

Hawtipa ta hmo chhiepa dythapa ta hmo phapa atlyhna châh a pahno hlâ chhao ta, na chi kawpa bei panozy râh cha siesaipa a châ aw.

ZAWNA 1:2

a hnohta, “Thyu la, Ninivâ khihpi, hao khihpi rônahpa lâ hao sie la, bie kei chho mah y, ama paraona ei hmiakô liata a kaw tlô haw,” tah ta.

ZAWNA 3:10

Khazohpa ta ama hmotaopa cha hmô ta, ama moleina lâpi amâ heihsaipa a hmô nahta, ama chô liata tao awpa ta a reipa chhiena cha patlôsa khao lei awpa ta a palôh panano ta, tao khao vei.

ZAWNA 4:10

Abeipa ta a hnohta, “Na hriapasana a châ leipa, na palaiseihsapa chhao a châ leipa, zâ zâ kha ta vaw y ta, zâ zâ kha ta a lei heihpa titheih zôh kha na ngia cha chhie kaw ta.

MATHAI 18:33

nâma zawh ei châ ngiahpa hawhna khata, nâ chhao ta na chakaolâhpa cha zawh nâ ngiah hra awpa châ vei ma?’ tah ta.

RYHPACHANEINA 1:39

Chariah ta ama patu aw nama tahpa hawtizy nata chhie nata pha a pahno mâh leipa tanoh nama sawzy heta a ngia aw ei ta, râh cha âmo pie aw na ta, âmo ta ama hnei aw.