ZAWNA 3:8 - Mara Bible RV (BSI)

⁸ Chyhsa chhao, sahroh chhao, latho poh a bu khai ei sala, Khazohpa cha thata pado mawh ei sy. Chyhsa to ama moleina lâpi tawhta kua ei sala, ama ku liata thachahra hmâna a ypa tawhta kua mawh ei sy.

ZAWNA 3:8 ပူးပေါင်းရင်းမြစ်များ

ZAWBÂ 16:17

Ei kuzy ta thachahra hmâh leipa ta, Ei thlahchhâna a pathaih thlâh hapa chhao ta.

ZAWBÂ 36:10

Pachuna lâta ama nah pavâsa ta, Moleina kuasai awpa ta bie a pie ei.

ISAI 58:6

Châ bao va, kei ta ei raopa kâhvileipa cha he he a châ: Moleina chahrynazy pathlâna noh ta hmâ awpa châ ta, Raopaky ri pahluhna noh ta hmâ awpa a châ. Tlybaipazy khotalaina piena noh ta hmâ awpa châ ta, Raopaky to thliena noh ta hmâ awpa a châ.

ISAI 59:6

Zytôpuhpa bu ama râpazy cha, A bu tlâh châ leipa aw ta; Ama thaisapazy chhao, Chysia ta a tobi tlâh châ aw vei. Ama raihriazy cha, Moleina raihriazy châ ei ta; Thachahra hmâpa ta hmotaopazy Ama ku liata a y.

ZEREMIAH 18:11

Chavâta tahmâ Zudâh râhsawzy nata Zerusale khihsawzy hnohta hetana heta reih teh: ‘Abeipa ta hetana heta a tah, pachâ teh u, nama chô liata chhiena patlôsa a chhuah na ta, chhiena ei patlôsa awpa cha ei patuapalua hai. Chavâta tahmâ chyhsa to nama hrozie pha leipa a heihsai u la, nama hrozie nata nama hmotaopazy a taopathi ha muh vy.’

ZEREMIAH 25:5

Hrohsopazy ta, ‘Chyhsa to nama moleina lâpi tawhta nata nama hmotaopa pha leipazy tawhta vaw kua u la, Abeipa ta nâmo nata châ pathlatuhpazy hnohta hlâno tawhta chhâzaw châta a cha piepa râh liana he pahrâ teh u.

ZEREMIAH 26:3

Nathlie aw ei ta, chyhsa to ama hrozie pha leipa ama siesai thei ngyu aw lah. Chatanachata ama hmotaopa pha leipazy vâta ama chô liata chhiena tao ei chhuahpa cha ei pathleih aw.

ZEREMIAH 36:3

Chatanachata Zudâh pathlazy ta ama chô liata chhiena patlôsa ei chhuahpa zydua pahno aw ei ta, chyhsa to ama hrozie chhiepa tawhta amâ palie thei ngyu aw lah. Chatanachata ama paraona nata ama moleinazy cha ei ngiahthai aw ei,” tah ta.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

ZÔELA 1:14

Kâhvileipa daihti phuah u la, Pakhypi pathaihpa aw teh u. Machâzy nata râhsaw zydua Abeipa nama Khazohpa o lâ awpakhy u la, Abeipa awsao teh u.

ZAWNA 1:14

Chavâta Abeipa cha pado ei ta, “Hy Abeipa, eima châ haw na, eima châ haw chaimâh na. He chyhsa hrona la awpa vâta keimo he eima leidia awpa pasaih leipa la, paraona a hnei leipa thisaih maoh eima chô liata rie patlôsa khah y. Hy Abeipa, nâma ta na khohpa hawhta na taopa châ tlôh ta,” tah ei ta.

ZAWNA 1:6

Balyh hyutuhpa cha ano lâ a vy ta, a hnohta, “Nâ a môpa, kheihtazie ta e? Thyu la, na khazoh pado teh! Khazoh chata eima leidia lei nawpa ta, miah a pachâ ngyu aw mâh tâh,” tah ta.

MATHAI 3:8

Rona moh phaoh tlâhpa ta pathei teh u.

HMOTAOPAZY 26:20

A hmiatua ta Dâmaskâ mo hnohta phuah na ta, cha khai tawhta Zerusale mo nata Zudia râh to liata chyhsazy hnohta nata Zenitaizy hnoh chhao ta ei phuah lymâ. Ro moh phaoh tlâh châpa ta hmo taopa ta ro ei sala, Khazohpa lâ a heih awpa ta ei chho lymâ ei.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.