ZAWNA 3:4 - Mara Bible RV (BSI)

⁴ Zawna ta khihpi cha a ngia pathao ta, noh kha lâsie a chahryh tawhta, “Noh sypalih hlâta Ninivâ he pahleipadiapa a châ aw,” tahpa ta awh ta.

ZAWNA 3:4 ပူးပေါင်းရင်းမြစ်များ

2 ABEIZY 20:1

Cha nohzy liata Hezekia cha thi daihmâpa ta pasa ta. Amôza sawcha­pawpa hrohsopa Isai ano lâ a vy ta, a hnohta, “Abeipa ta hetana heta a tah: ‘Na chhôhkha khihsatôhtuzie awpa paryh teh, na thi aw, hroh aw va chi,’” tah ta.

2 ABEIZY 20:6

Kô hrawh hleipangawh ta na hro ei pasisa aw. Nâ nata khihpi he Asuria bei ku tawhta cha pachha aw ei na ta, keima vâta nata nâ chakaotuhpa Dâvi vâta khihpi he ei pabohsa awh,’ tahpa ta kei chho teh,” tah ta.

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ZEREMIAH 42:10

He râh liata nama y thlâh khiahta cha, cha padua aw ei na ta, cha phie aw veih ei na. Cha loh aw ei na ta, cha phia aw veih ei na. Nama chô liata chhiena ei patlôsapa kha ei ngiapachhi haw.

ZAWNA 3:10

Khazohpa ta ama hmotaopa cha hmô ta, ama moleina lâpi amâ heihsaipa a hmô nahta, ama chô liata tao awpa ta a reipa chhiena cha patlôsa khao lei awpa ta a palôh panano ta, tao khao vei.

MATHAI 12:41

“Pachiana noh liata, Ninivâ mo kha he chhâ nata vaw thyu khoh aw ei ta, he chhâ he thailei ama pachâsa aw. Âmo cha Zawna biechhopa vâta ro ei ta, moh teh u, Zawna hlâta rônah viapa he liata a y.

LUKA 11:30

Zawna cha Ninivâ mo châta ngiana a châpa hawhna khata, Chyhsa Sawchapawpa cha he chhâ châta ngiana a châ aw.

LUKA 11:32

Pachiana noh liata, Ninivâ mo kha he chhâ nata vaw thyu khoh aw ei ta, he chhâ he thailei ama pachâsa aw. Âmo cha Zawna biechhopa vâta ro ei ta, moh teh u, Zawna hlâta rônah viapa he liata a y.

RYHPACHANEINA 18:22

Hrohsopa ta Abeipa moh ta bie reih sala, a bie reipa cha vaw tlô leipa sala, â do leipa khiahta cha, cha cha Abeipa ta a rei leipa bie a châ. Hrohsopa ta a palai ngaitapa ta ano phichhyhpa bie a reipa châ ta, ano cha nama chi awpa châ vei.