ZAWNA 2:6 - Mara Bible RV (BSI)

⁶ Tlâhpizy thaby lâ zu na ta, Alei ta leitlâhzy hmâpa ta, Chhâzaw ta eina hraikhôh haw; Chatanachôta Hy Abeipa ei Khazohpa, Ei hrona cha khaohtlô tawhta na thaoh haw.

ZAWNA 2:6 ပူးပေါင်းရင်းမြစ်များ

ZAWBÂ 33:24

Khazohpa ta chyhsapa cha zawh a ngiahpa ta, Vâlyuhchâpa hnohta, ‘Khaohtlô lâ a zu awpa tawhta chyhsapa kha pachha mah y, A chatlai nawpa ei hmô haw;

ZAWBÂ 33:28

Khaohtlô lâ zu awpa tawhta ei thlahpa pachha ta, Ei hrona ta khaihna a hmô aw,’ a tah aw.

HLAZY 104:6

Alei cha chysia hawhta ti athupa ta khu chi ta, Tlâhpizy cha tizy ta a vao haw.

HLAZY 104:8

Tlâhpizy lâ kiah ei ta, Saikaozy lâ chôpa ta, Âmo châta na raopa su lâ ama pangai.

HLAZY 116:3

Thina khoheihzy ta na chadôpa ta, Athihkhih pasa taonazy ta na patu ta, Nôpopa nata pachârôhpa ta ei y.

HLAZY 143:7

Hy Abeipa, thlai na chyhei mah y! Ei thlahpa a panao ha hih! Na hmia na nyusai khah y, Chataleipatala khaohtlô lâ a zupazy hawhta ei y pathlei aw na.

HLAZY 16:10

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

HLAZY 18:5

Athihkhih chaorizy ta na chahry ta, Thina khoheihzy ta eina chadô.

HLAZY 30:3

Hy Abeipa, Athihkhih tawhta ei thlahpa thaoh papua chi ta, Khaohtlô lâ a zupazy tawhta ei hrona na pahro heih.

HLAZY 30:9

Khaohtlô lâ zu hraw sah la, Ei thina liata khâpa athôhna a y aw? Dohlei ta cha reithaipa ta, Na ngâchhihna bie a chho aw ma?

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

HLAZY 65:6

Na thatlôna ta tlâhpizy padua chi ta, Na hmotaotheina ta na pa-i.

HLAZY 69:2

Chiatlao athupa liata a pamôh na ta, Tly nawpa rai y vei; Ti athupa tlô na ta, Tisaih ta eina vao.

ISAI 38:10

Ei locho nota ma sie aw na ta, Ei chhâ ei palo hmâ leina kôzy cha, Athihkhih liata ei hmâh aw? Tahpa ta ei vaw pachâ hmâ haw.

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ISAI 40:12

Ahy ma a kupazah ta tizy panua ta, A kha ta avâ khi a thlie beih tly? Ahy ma saikhua ta alei dohlei panua ta, Khopathliahna ta tlâhpizy pathliahpa ta, Khopathliahna ta tlâhthlôhzy a pathliah beih tly?

EZEKIA 26:20

hlâno chyhsa khaohtlô lâ a zu hapazy hnohta cha pazusa aw na ta, alei ry liata ei cha pahrâsa aw. Khaohtlô lâ a zu hapazy hnohta, hlâno tawhta roryhrapa ta a y hapa khaohtlô liata ei cha pahrâsa aw. Chyhsa pahrâna châ khao aw va chi. Ahrohpazy râh liata deikua cha, ei chhithaina ei chareisa aw.

EZEKIA 31:14

Chavah kiah liata thozy â sâh ngaitapa ta laiseih khao leipa ei sala, vâ meihdo taihta ama kithlao chaluah khao hra leipa ei sala, ti ta pasapa tho kheihawhpa hmahta ano tlu ta amâ sâh khao lei nawpa ta, he zydua he taopa a châ. Âmo cha alei ry khaohtlô lâ a zu hapa chyhsa sawzy yna lâ sie awpa ta, thina lâta hlâ hapazy ama châ.

HABAKU 3:10

Tlâhpizy ta cha hmô ei ta amâ taikalô; Tisaihzy a chakhao ei ta, Tilaipi a aoh ta, A kuzy avâ lâ a pazawh.

HABAKU 3:6

A duah ta, alei chathosa ta, Moh ta, phopizy a chalyusa. Tlâhpi hlôpazy pao ei ta, Tlâhthlôh hlô thlâhpazy ama cho. A lâpizy cha chhâzaw lâpizy a châ.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

RYHPACHANEINA 32:22

Ei hiehâhna ta mei papua ta, Athihkhih a thu chaipazy lâ taih kâ laih ta, Alei nata a kôveizy kâ khai ta, Tlâhpizy abôna chhao a kâ khai haw.