ZAWNA 2:4 - Mara Bible RV (BSI)

⁴ Chatawhcha kei ta, ‘Na mohmô tawhta thypa châ na ta, Chatanachôta nâ chhyna o pathaihpa lâ Ei sai heih aw,’ tah na ta.

ZAWNA 2:4 ပူးပေါင်းရင်းမြစ်များ

1 ABEIZY 8:42

Na moh rônahpa nata na ku thatlôpa nata na bâh pazawhpa thâtih ama theipa vâta a vy aw ei ta, he o lâ a heihpa ta thlah ama chhâ tita,

1 ABEIZY 8:48

sei ta a chhituhpa ama chariahpazy râh liana chata, ama pathipalôh tlokhuh ta nata ama thlahpa tlokhuh ta ro ei sala, âmo pathlatuhpazy hnohta na piepa ama râh nata nâ tlyhpa khihpi nata na moh châta ei sapa o lâ he a heihpa ta, nâ lâta thlah ama chhâ khiahta cha,

1 ABEIZY 9:7

Izarei cha râh ei piepa tawhna heta chhawh pathlah aw na ta, ei moh châta Achhyna o ei pathaisapa chhao he ei mohmô tawhta ei pasie syulyu ha aw. Chatanachata Izarei cha a chhiena lâta pakhona bieso châta nata pasipasawhna bie châta phopizy hry liata hmâpa a châ aw.

2 THÂTIHZYRONA 6:38

sei ta amâ chhina râh liana chata, ama pathipalôh tlokhuh ta nata ama thlahpa tlokhuh ta ro ei sala, âmo pathlatuhpazy hnohta na piepa ama râh nata nâ tlyhpa khihpi nata na moh châta ei sapa o lâ he a heihpa ta, nâ lâta thlah ama chhâ khiahta cha,

HLAZY 31:22

Kei hra ta ei rawrôhpa ta, “Na mohmô tawhta chhawh pathlahpa ta ei y haw,” tah na ta; Châhrasala baona hiapa ta ei cha aw tita, Zawngiah awpa ta ei châ hawna ao na thei heih.

HLAZY 42:8

Nohchhô ta Abeipa ta, A kyhpachâna tleih beih leipa cha biepie ta, Zâ ta a hla ta na ypâ ta, Cha cha ei hrona Khazohpa lâta ei thlahchhâna a châ.

HLAZY 5:7

Kei deikua cha na zawngiahna hluh ngaitapa vâta, Na o liata a ngia thei aw na ta; Nâma china chôta, Na Achhyna o pathaihpa lâ a heipa ta ei bôh aw.

HLAZY 88:6

Khaohtlô athupa liata na pathla chi ta, Su zohpa nata athupa liata eina soh chi.

HLAZY 88:7

Na pathiiana ta thata na vi ta, Na tichatlaopa ta eina vao. Selah

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ISAI 49:14

Châhrasala Zaio ta, “Abeipa ta na siesai ha ta, Ei Khazohpa ta eina my haw,” a tah.

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 7:15

Nama unawhpa Epharai chipathla zydua ei thy khai hapa hawhna ei khata, ei mohmô tawhta ei cha thy pathlah aw ei,” Abeipa ta a tah.

CHAPHÔHTUNA 3:54

Ti ta ei luh na vao ta, ‘Ei leidia ha na!’ ei tah.

EZEKIA 37:11

Chatawhcha ei hnohta, “Chyhsa sawchapawpa y, he ruzy he Izarei pathlazy ama châ hih. Pachâ teh, Izarei pathlazy ta, ‘Eima ruzy chawhkaraipa ta, eima hnabeiseihna lei khai ha ta, chhawh pathlahpa ta eima y haw,’ ama tah.

DÂNIAH 6:10

Pakhâna biepiepa cha moh ro thlupa a châ haw tahpa a pahnopa nahta, Dâniah cha a o lâ thlai a di ta. A o chô chhâh opyzy cha Zerusale lâ paheipa ta pahypa châ ta. A vaw tao tyhpa hawhta, noh kha ta ei thôh a pakhu paneihpa ta, a Khazohpa hmiakô liata thlahchhâpa ta alyna bie reih ta.

ZAWNA 2:7

Ei hrona a chhâ hai no ta, Abeipa cha a thei na ta, Ei thlahchhâna nâ lâ vaw tlô ta, Na Achhyna o pathaihpa lâ a vaw tlô.