ZAWNA 1:5 - Mara Bible RV (BSI)

⁵ Balyh puhpazy cha chi ngaita ei ta, ama khazoh pado chyu ei ta. Balyh cha âmo châta â hua thei nawpa ta, balyh chhôh liata hmozy cha tilaipi lâ pazaw ei ta. Zawna deikua cha balyh chhôh chaipa liata a ngia ta, a zia ta, mokuh pahâh kawpa ta a mô syulyu ha ta.

ZAWNA 1:5 ပူးပေါင်းရင်းမြစ်များ

1 ABEIZY 18:26

Viahchao tôhpa âmo ama piepa cha la ei ta, a chhuanoh ei ta, “Hy Bâlâ y, miah a chhy teh,” tahpa ta my tawhta nohchhô taihta Bâlâ moh cha pado ei ta. Châhrasala ao pyury rai y leipa ta, a chhytuhpa rai y veih ei. Chatawhcha maisâh ama taopa cha lâ chahlô ei ta.

ZAWBÂ 2:4

Sâtâ ta Abeipa cha a chhy ta, “Vo vyuhpa ta vo! Chyhsa ta a hrona châta a hneina zydua a pie pasaih aw.

HLAZY 107:25

Abeipa ta biepie ta thlihpipa pathlisa ta, Tichatlaopazy a pasâhsa tyh.

HLAZY 148:8

Mei nata pareih, dâhaw nata ameih zy saih u, Abeipa cha reithai u la; A bie a zyhpa thlihpizy saih u, Abeipa cha reithai teh u!

BIECHHOTUHPA 3:6

Tlua daihti y ta, pahlei daihti a y; Paso daihti y ta, thy pathlah daihti a y;

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ZEREMIAH 2:28

Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

HÔSIA 7:14

Ama palôh hmeiseihpa ta na aw leipa ei ta, Ama rakhô liata tlâ ama awh; Sâh nata kresawhti vâta a pakhy ei ta, Kei deikua eina tleisai ha ei.

ZAWNA 1:14

Chavâta Abeipa cha pado ei ta, “Hy Abeipa, eima châ haw na, eima châ haw chaimâh na. He chyhsa hrona la awpa vâta keimo he eima leidia awpa pasaih leipa la, paraona a hnei leipa thisaih maoh eima chô liata rie patlôsa khah y. Hy Abeipa, nâma ta na khohpa hawhta na taopa châ tlôh ta,” tah ei ta.

ZAWNA 1:16

Balyh puhpazy ta Abeipa cha chi ngaita ei ta, Abeipa lâ atheihna hlâpa ta, biezy a taih ei ta.

ZAWNA 1:6

Balyh hyutuhpa cha ano lâ a vy ta, a hnohta, “Nâ a môpa, kheihtazie ta e? Thyu la, na khazoh pado teh! Khazoh chata eima leidia lei nawpa ta, miah a pachâ ngyu aw mâh tâh,” tah ta.

MATHAI 25:5

Myuhneituhpa charâ ta â vy leipa vâta, ama zydua ta tlauahpa ta, a mô ha ei ta.

MATHAI 26:43

A vy heih ta, mokuh ama saih thei leipa vâta, a vaw mô thlâh ha heih ei ta.

MATHAI 26:45

Cha khai tawhta pachupazy yna lâ a vy ta, ama hnohta, “A pahâ ei chi ta ma namâ mô thlâh ha chy? Moh teh u, a daihti a tlô haw, Chyhsa Sawchapawpa cha moleipazy ku liata hlâpa a châ haw.

HMOTAOPAZY 27:38

Ama nie khai nahta, ama sâh phaopazy tilaipi liata thypa ta, balyh cha pahuasa via ei ta.

RYUREITUHPAZY 16:19

Delilâ ta Sâsawna cha a byh chô liata pamôsa ta, chyhsa pakha aw ta, a luh sâ phiehpa phao saripazy cha pangyusa ta. A rie vaw thei pathao ta, chatanachata Sâsawna cha a thatlôna ta puasai ha ta.

1 SAMUELA 24:3

Lâpi kiapâh liata mietaku sadô kei tlô ta, cha liata lôpu y ta, Sawla cha lyupâh pua awpa ta a kei ngia ta. Dâvi nata a chyhsazy cha lôpu chhôh chaipa liata a tyuh thlâh ha ei ta.