ZAWNA 1:3 - Mara Bible RV (BSI)

³ Châhrasala Zawna cha Tâsi lâ tlao a râ awpa ta Abeipa hmiakô tawhta thyu ta. Zôpâ khih lâ zu ta, Tâsi lâ a sie awpa balyh hmô ta. Sie mâ pie ta, Abeipa hmiakô tawhta a râ syulyu ha awpa ta, Tâsi lâ a sie awpazy chhaota balyh chhôh lâ cha a ngia ta.

ZAWNA 1:3 ပူးပေါင်းရင်းမြစ်များ

ÂTHAONA 3:8

Zâlâ noh nai râhsâ ta Zehôvâh Khazohpa cha sadô liata a chareipa pyu thei ei ta, Âdâh nata a lapinô cha sadô liata tho hry liata Zehôvâh Khazohpa cha a nyusai ei ta.

ÂTHAONA 4:16

Chatawhcha Kainâ cha Abeipa mohmô tawhta pua ta, Idâh nochhi lâta Nawdâ râh liata pahrâ ta.

1 ABEIZY 19:3

Elaizâh cha chi kaw ta, thyu ta, a hrona pabohsa awpa ta a râ ta. Zudâh râh Besebâ khih kei tlô ta, cha liata a chakaotuhpa cha siesai ta.

1 ABEIZY 19:9

Lôpu miakha kei tlô ta, cha liata a rie ta. Abeipa bie a hnohta vaw tlô ta, Abeipa ta a hnohta, “He liata khâpa ma na tao, Elaizâh?” tah ta.

2 THÂTIHZYRONA 2:15

Chavâta ei zibeipa reipa âtâ sâh, bâli sâh, sathaw nata kresawhti zy cha, ei zibeipa ta a chakaotuhpazy lâ kaw paphao mawh sy.

2 THÂTIHZYRONA 2:16

Lebanaw tawhta tho cha nâ ngiahpa hawhta vaw thlu aw pi ta, tilaipi lâta Zôpâ taihta apâzy ta vaw siekhei aw pi ta, nâ ta Zerusale lâ na paly aw,” tah ta.

2 THÂTIHZYRONA 9:21

Abei balyhzy cha Hirâ chakaotuhpazy chhaota Tâsi la sie tyh ta. Tâsi balyhzy chata kô thôh padai ta ei kha, ngôh, tâkâ, sianaoh, veituh nata varapa zy vaw phaoh tyh ta.

EZRÂ 3:7

Chavâta lô nata tho raihria liata zôthaipazy hnohta sôh pie ei ta. Persia bei Kôresâ pasaina hawhta, Lebanaw tawhta tilaipi kiah liata Zôpâ khihpi taihta sidy tho vaw phao awpa ta, Sidaw mo nata Tyre mozy cha nie awpazy, do awpazy nata sathawzy ama pie.

ZAWBÂ 1:12

Abeipa ta Sâtâ hnohta, “Moh teh, a hneina zydua na ku liata a y. Ano chô liata deikua, na ku na pazawh awpa châ vei,” tah ta. Chatawhcha Sâtâ cha Abeipa hmiakô tawhta pua ha ta.

ZAWBÂ 2:7

Sâtâ cha Abeipa hmiakô tawhta pua ta, Zawbâ cha a pheipazah tawhta a laki taihta kheihluh ru ngaitapa pathlasa ta.

HLAZY 107:23

Thokha cha tilaipi lâ balyh ta zu ei ta, Ti lai ngaitapa chô liata rai ama hria tyh.

ISAI 2:16

Tâsi balyh zydua nata balyh angiapa zydua chô liata Chhiena a patlôsana noh a vaw tlô aw.

ISAI 23:1

He he Tyre kyh chhochhieliena bie a châ: Hy Tâsi balyhzy saih u, Thata cha teh u; Tyre cha paraopa châ ha ta, Olyu nata balyh apahâna zy chhao y khao vei. Cha cha Kiti râh tawhta ama vaw siena lâta Ama hnohta palâsapa a châ.

ISAI 23:10

Hy Tâsi zuah y, Nile chavah kiahzy liata ama taopa hawhta, Na râh liata leipalie bâ mah y; Balyh apahâna hnei khao va chi hih.

ISAI 23:6

Hy tilaipi kiah liata a ypazy saih u, Tâsi lâ haosâ kiah u la thata cha teh u!

ISAI 60:9

Na sawchapawzy lâhlapi tawhta a vaw chhipa ta, Ama tâkâ nata ngôh chhaota a vaw chhi awpa ta, Tilaipi kiah râhzy ta na hâ ei ta, A vaw tlô tua awpa Tâsi balyhzy ama hâ thlâh haw. Abeipa ta a cha parônahsapa vâta, He hmo he Abeipa na Khazohpa moh châta taopa châ aw ta, Izarei Mo Pathaihpa châta taopa a châ aw.

ZEREMIAH 10:9

Tâsi tawhta tâkâ daipa vaw phaoh ei ta, Upha tawhta ngôh ama vaw phao tyh. Chazy cha zôthaipa ta a taopazy châ ei ta, Ngôh daihtuhpa kuzôzy ama châ. Ama chysiazy cha anohpa nata nohsaihpa châ ei ta, Zôthaipa taopa sai ama châ.

EZEKIA 2:8

“Nâ deikua cha, chyhsa sawchapawpa y, na hnohta bie ei reipa he nathlie mah y. Kha saw chhorupazy hawhna khata na chhoru hra khah sy. Na pakah â la, ei cha piepa maih nie mah y.”

EZEKIA 27:12

“Hmo to liata na hneirôh ngaitapa vâta, Tâsi ta châ daoh ta, na hmobaohzy cha tâkâ, thua, râhvâ nata ky zy ta a cha ri tyh.

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

ZAWNA 1:10

Balyh puhpazy cha chi ngaita ei ta, a hnohta, “Khâpa hmo ma na tao haw,” tah ei ta. A chhopa vâ ei ta, Abeipa hmiakô tawhta a râpa a châzie pahno ei ta.

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

LUKA 9:62

Zisu ta a hnohta, “Ahy rai leipalie liata a ku soh ta hnôh lâ a heihpa cha, Khazohpa khinarâh chyhsa tlâh châ vei,” tah ta.

HMOTAOPAZY 15:38

Pawla deikua ta Zawhâna Mâka cha Pamphulia râh tawhta âmo kuasai ta, ama hnohta raihriana lâ a sie khao leipa vâna khata, ano a chhi heih awpa cha pha tah khao leipa ta.

HMOTAOPAZY 26:19

“Chavâta Bei Akripâ y, avâ tawhta aluahna cha zyh leipa ta y thei va na.

HMOTAOPAZY 9:36

Zôpâ liata Tâbi ama tahpa pachupa pakha y ta. A Krikâh moh cha Dawkâsi a châ. Cha chanô cha hmotao phapa nata hmopiepa ta chakaona kyh liata a piepasai ngaitapa châ ta.

HMOTAOPAZY 9:38

Lydâ khih cha Zôpâ khih kiapâh liata a ypa vâta, cha liata Pity a ypa pachupazy ta ama pahno nahta, ano lâ chyhsa pano tuah ei ta, a hnohta, “Hawh leipa ta keimo lâ a vy mah y,” tahpa ta a haw ei ta.

HMOTAOPAZY 9:42

Cha thâtih cha Zôpâ khih zydua ta pahno ei ta, chyhsa hluhpi ta Abeipa cha a ngiapâ ha ei ta.

HMOTAOPAZY 9:43

Pity cha Zôpâ khih liata savo taotuhpa Saimaw o liata tlô ta, cha liata noh hluhpi châh ta.

1 KAWRINI 9:16

Thâtihpha ei chhopa chhao heta, a palai nawpa hnei va na. Tao lei thei lei awpa ta ei chô liata a pahnieh tlôh ta. Thâtihpha ei chho vei khiahta la, ei hu a po aw!

2 THYSALAWNIKA 1:9

Chhâzaw leidiana ta hriepa châ aw ei ta, Abeipa mohmô tawhta nata a thatlôna rônahpa tawhta papuapa ama châ aw.

ZAWSUA 19:46

Mezakô nata Rakaw khihpizy nata Zôpâ daih lâta râhzy a châ.