ZAWNA 1:12 - Mara Bible RV (BSI)

¹² Zawna ta ama hnohta, “Na chalo u la, tilaipi lâ na pazaw syulyu ha teh u, chatanachata nama châta tilaipi â vaw chalih ha aw. He chothyu ru ngaitapa he keima vâta nama chô liata a vaw tlôpa a châ tahpa ei pahno,” tah ta.

ZAWNA 1:12 ပူးပေါင်းရင်းမြစ်များ

2 SAMUELA 24:17

Dâvi ta chyhsa a thietuhpa vâlyuhchâpa a hmô nahta, Abeipa bie a chho ta, a hnohta, “Pachâ teh, ei vaw molei haw, a do lei ngaitapa ta hmo ei vaw tao haw. Châhrasala he mietakuzy heta khâpa hmo ma ama tao tly? Ei châ haw na, na ku cha keima chô liata tla sala, ei paw chhôhkha chô liata tla mawh sy,” tah ta.

1 THÂTIHZYRONA 21:17

Dâvi ta Khazohpa hnohta, “Phopi maluh reih awpa ta bie a piepa kha keima châ va na ma? A moleipa nata paraona lai ngaitapa a taotuhpa cha keima tlai he ei châ. He mietakuzy heta khâpa hmo ma ama parao tly? Hy Abeipa ei Khazohpa y, kei nata ei chhôhkha chô liata na ku tlao pathla la, potlana he na phopi chô liata rie chareisa khao khah y,” tah ta.

ZAWBÂ 35:8

Na moleina cha nâ hawhpa chyhsa chô liata hria ta, Na siana chhao chyhsapa châta dei a phahnai.

BIECHHOTUHPA 9:18

Sona cha adyuhna chariah chhaichhizy hlâta pha via ta, châhrasala moleipa pakha ta hmo phapa hluhpi a parao tyh.

ZAWNA 1:11

Chatawhcha a hnohta, “Eima châta tilaipi â chalih thei nawpa ta, kheihta ma eima cha tao aw?” tah ei ta. Tilaipi cha a chatlao via ngâ kaw ta.

ZAWNA 1:13

Chatahrasala, balyh puhpazy ta ngiahkâ lâ kua awpa ta balyh cha thata hia ei ta, châhrasala tilaipi ta â chatlao thlu via ngâ thlâh hapa vâ ei ta, tao thei leipa ei ta.

ZAWHÂNA 11:50

Eima phopi duata leidia khai awpa hlâta cha, phopi vyuhpa ta chyhsa pakha thi awpa cha, nama châta a pha via tahpa pahno veih ei chi,” tah ta.

HMOTAOPAZY 27:24

ei hnohta, ‘Pawla, chi khah y, Kaisarâ hmiakô liata nâ duah awpa a châ. Moh teh, na hnohta balyh liata a siepa zydua chhao kha, Khazohpa ta a cha pie,’ eina tah.

ZAWSUA 7:12

Chavâta Izarei sawzy cha ama chariahzy hmiakô liata a duah thei khao veih ei. Ama chariahzy hmiakô tawhta a râpai ei ta, âmo chhao pahleipadia awpa ta raopa ama châ. Chavâta pahleipadia awpa hmozy cha nama hry tawhtapa nama pahleipadia leipa khiahta cha, nama hnohta y khao aw va na.