ZAWHÂNA 9:24 - Mara Bible RV (BSI)

²⁴ Chatanachata mochaopa cha a ei nona ta aw heih ei ta, a hnohta, “Khazohpa reithai teh. Kha chyhsa kha moleipa a châ tahpa eima pahno,” tah ei ta.

ZAWHÂNA 9:24 ပူးပေါင်းရင်းမြစ်များ

EZRÂ 10:11

Chavâta tahmâ Abeipa, châ pathlatuhpazy Khazohpa liata nama moleinazy palâhâhpa ta reihpha cheih u la, a khopa tao u la, he râh liata a pahrâpa phopizy nata chihropa lapinô ta nama hneipazy tawhta a panano teh u,” tah ta.

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

MÂKA 15:27

Zisu hnohta hraotuhpa pano, a chachâh lâta pakha, a chavei lâta pakha khaipâ hra ei ta.

LUKA 15:2

Phârisaihzy nata ryhpa pachutuhpazy ta, “He chyhsa heta moleipazy a pahlao ta, ama hnohta pati a nie tyh,” tahpa ta paphôh ei ta.

LUKA 19:7

Cha cha ama hmô nahta, ama zydua ta reipasipasua ei ta, “Chyhsa moleipa o liata tlô awpa ta â ngia huh,” tah ei ta.

LUKA 7:39

Cha hmo cha Zisu pati nie a hruatuhpa Phârisaih ta a hmô nahta, a palôh liata, “He chyhsa he hrohsopa a châ tlai khiahta cha, a hriatuhpa chanô he ahy ma a châ tahpa nata kheihawhpa chyhsa ma a châ tahpa a pahno thlyu awpa châ ta, ano he chanô moleipa châ tlôh ta,” tah ta.

ZAWHÂNA 14:30

He tawhta la nama hnohta bie reih hluh thei khao aw va na, khizaw ryureituhpa a vy tlôh aw ta. Ei chô liata biehnei taraw vei,

ZAWHÂNA 16:2

Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

ZAWHÂNA 18:30

Âmo ta a chhy ei ta, “He chyhsa he moleipa châ leipa sala, nâ lâ a vaw chhi aw ma pi,” tah ei ta.

ZAWHÂNA 19:6

Theihthai beizy nata hyutuhpazy ta Zisu ama hmôpa nahta, “Khaipâ teh, Khaipâ teh!” tahpa ta awh ei ta. Pilâ ta ama hnohta, “Nâmo ta a chhi u la, khaipâ teh u, kei la thailei a châna khâpa hmah hmô va na,” tah ta.

ZAWHÂNA 5:23

Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

ZAWHÂNA 8:46

Nama hry liata ahy ma moleina vâta thailei nâ pachâsa thei aw ei chi? Biehmeiseihpa reih na ta, khazia eina zo veih ei chi?

ZAWHÂNA 8:49

Zisu ta, “Ahripa azopa châ va na, ei Paw ei palyupalihpa tlao a châ. Nâmo deikua ta ei moh nama pachhie.

ZAWHÂNA 9:16

Phârisaih thokha ta, “Cha chyhsa cha Pahânoh a chay leipa vâta, Khazohpa tawhtapa châ vei,” tah ei ta. Châhrasala thokha ta, “Moleipa ta kheihta ma cha hawhpa hmonoâhpa cha a tao thei aw?” tah ei ta. Ama hry liata achhaihna vaw y ta.

ZAWHÂNA 9:25

Ano ta, “Moleipa a châ nata châ lei pahno va na. Hmo miakha deikua ei pahno. Mochaopa châ na ta, tahmâ ei hmô thei haw,” tah ta.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

ZAWSUA 7:19

Zawsua ta Âkhâ hnohta, “Ei sawchapawpa, Abeipa Izarei Khazohpa parônahsa la, a hnohta a phuah teh. Khâpa hmo ma na tao tahpa na chho la, na phih khah y,” tah ta.

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.