ZAWHÂNA 9:16 - Mara Bible RV (BSI)

¹⁶ Phârisaih thokha ta, “Cha chyhsa cha Pahânoh a chay leipa vâta, Khazohpa tawhtapa châ vei,” tah ei ta. Châhrasala thokha ta, “Moleipa ta kheihta ma cha hawhpa hmonoâhpa cha a tao thei aw?” tah ei ta. Ama hry liata achhaihna vaw y ta.

ZAWHÂNA 9:16 ပူးပေါင်းရင်းမြစ်များ

MATHAI 12:10

Chyhsa pakha ku sypa y ta, Zisu ama leih thei nawpa ta a hnohta, “Pahânoh ta chyhsa patlâhpa he Ryhpa ta a pasaih ma?” tahpa ta hiahri ei ta.

MATHAI 12:2

Phârisaihzy ta ama hmô nahta, a hnohta, “Moh tua, na pachupazy ta Pahânoh ta tao lei awpa hmo ama tao,” tah ei ta.

LUKA 13:14

Zisu ta Pahânoh ta chyhsa a patlâhpa vâta, pakhyna o hyutuhpa cha a hiehâh kaw ta, zawpi hnohta, “Chyhsapa raihria nawpa ta noh charu y ta, cha chhôh chata a vy u la, patlâhpa ta y teh u. Pahânoh ta la tao awpa châ vei,” tah ta.

ZAWHÂNA 10:19

Cha biezy vâna chata Zuzy hry liata achhaihna y heih ta.

ZAWHÂNA 14:11

Kei Paw liata ei y na ta, Paw keima liata a ypa kyh ei reipa he na zo teh u. Cha leipa chhao ta, ei hmo taopazy chhâ he cha zo teh u.

ZAWHÂNA 15:24

Mohropa ahy hmah tao beih leipa hmozy ama hry liata tao lei paw sah la, moleina vâta thaileichâpa ta ama y lei awpa tlai. Tahmâ deikua cha, kei nata ei Paw miah hmô ha ei ta, eima pano ta miah amâ hao haw.

ZAWHÂNA 2:11

Zisu ta hmonoâhpa a tao tua chaipa cha, Kâlili râh Kena khih liata tao ta, a rônahzie palâsa ta, chatanachata a pachupazy ta ano cha a ngiapâ ha ei ta.

ZAWHÂNA 3:2

Cha chyhsa cha zâ ta Zisu lâ a vy ta, a hnohta, “Râbai, Khazohpa tawhta pachutuhpa â vypa na châ tahpa eima pahno. Khazohpa a chô liata a y leipa khiahta la, he hmonoâhpa na taopa hawhpazy he ahy hmahta tao thei aw veih ei,” tah ta.

ZAWHÂNA 5:10

Zuzy ta a tlâh hapa hnohta, “Pahânoh a châ hih, na hmohphaw la awpa ta ryhpa ta pasaih vei,” tah ei ta.

ZAWHÂNA 5:36

Châhrasala pahnokheina ei hneipa he Zawhâna pahnokheina hlâta rônah viapa a châ.

ZAWHÂNA 6:52

Cha biezy vâta Zuzy cha âmo nata âmo a eichhia ei ta, “He chyhsa heta kheihta ma a sapa cha nie awpa ta miah a pie thei aw?” tah ei ta.

ZAWHÂNA 7:12

Ano kyh liata zawpi a chiaburâh hôlô ei ta. Thokha ta, “Chyhsa phapa a châ,” tah ei ta, thokha ta, “Châ bao va, zawpi a siekheichheipa a châ,” tah ei ta.

ZAWHÂNA 7:23

Mawsi piepa chopawtaina ryhpa cha parao lei nawpa ta, Pahânoh chhao ta chopawtaipa a châ khiahta cha, Pahânoh ta chyhsa ei patlâhpa vâta, khazia ei chô liata nama pathi a ia?

ZAWHÂNA 7:43

Chatanachata zawpizy cha Zisu kyh liata py no ta a pachhaih ei ta.

ZAWHÂNA 9:24

Chatanachata mochaopa cha a ei nona ta aw heih ei ta, a hnohta, “Khazohpa reithai teh. Kha chyhsa kha moleipa a châ tahpa eima pahno,” tah ei ta.

HMOTAOPAZY 14:4

Khihpi zawpizy cha py no ta a pachhaih ei ta, py kha ta Zuzy cha a châh ei ta, py kha ta lyuhchâpazy a châh ei ta.