ZAWHÂNA 8:55 - Mara Bible RV (BSI)

⁵⁵ Châhrasala nâmo la ano pahno veih ei chi. Kei deikua ta cha ei pahno. Khazohpa pahno va na ei tah khiahta cha, nâmo hawhta a haihpa ei châ aw. Khazohpa cha pahno na ta, a bie ei zyh lymâ.

ZAWHÂNA 8:55 ပူးပေါင်းရင်းမြစ်များ

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

HÔSIA 5:4

Ama hmotaopazy ta Ama Khazohpa lâ kua heih awpa pakhâ ha ta, Sihryh khona ta ama palôh bie ta, Abeipa pahno veih ei.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

LUKA 10:22

Ei Paw ta ato zydua eina hlâ haw. Paw dei leipa ta cha, Sawchapawpa he ahy ma a châ tahpa ahy hmahta pahno veih ei. Paw he ahy ma a châ tahpa chhao, Sawchapawpa nata Sawchapawpa ta ama hnohta phuah awpa ta â tlyhpazy dei leipa ta cha, ahy hmahta pahno veih ei,” tah ta.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

ZAWHÂNA 10:15

Paw ta kei na pahno ta, kei ta Paw ei pahnopa hawhna heta. Mietakuzy châta ei hrona ei pie.

ZAWHÂNA 15:10

Paw biepiepazy zyh na ta, a kyhpachâna liata ei y thlâhpa hawhna heta, nâmo chhao ei biepiepazy nama zyh khiahta cha, ei kyhpachâna liata nama y thlâh ha aw.

ZAWHÂNA 15:21

Châhrasala nâ tuahtuhpa ama pahno leipa vâta, he hmo zydua he ei moh vâta nama chô liata ama tao aw.

ZAWHÂNA 16:3

Paw nata kei miah ama pahno leipa vâta, cha hawhpa hmozy cha ama tao aw.

ZAWHÂNA 17:25

Hy ei Paw siapa y, khizaw ta a cha pahno leipa chhao ta, kei ta la ei cha pahno. He sahlao chhao heta nâ ta eina tuah chi tahpa ama pahno.

ZAWHÂNA 6:46

Khazohpa tawhta a zâ chôpa dei leipa ta cha, ahy hmah Paw hmô beih veih ei. Ano cha Paw a hmôpa a châ.

ZAWHÂNA 8:19

Âmo ta a hnohta, “Na Paw cha khataih liata a y?” tah ei ta. Zisu ta, “Kei na pahno leipa ei chi ta, ei Paw chhao pahno veih ei chi. Nâ pahnopa châ u la, ei Paw chhao nama pahno aw,” tah ta.

ZAWHÂNA 8:29

Nâ tuahtuhpa cha ei hnohta a y. Ano a palysapa hmozy ei tao lymâpa vâta, na siesai beih vei,” tah ta.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

ZAWHÂNA 8:51

Hmeiseihta ta, hmeiseihta ta ei cha chho ei, chyhsa ta ei bie a zyh khiahta cha, thina hmia hmô beih aw vei,” tah ta.

ZAWHÂNA 8:52

Zuzy ta a hnohta, “Ahripa na châ tahpa tahmâ eima pahno haw. Abarahâ thi ta, hrohsopazy chhao thi ei ta, nâ deikua cha, ‘Chyhsa ta ei bie a zyh khiahta cha, thina padi beih aw vei,’ tah tlôh chi ta.

HMOTAOPAZY 17:23

Ei chareina liata, namâ chhypazy moh na ta, maisâh miakha, a chô liata, ‘Pahno leipa Khazohpa châta,’ tahpa ropa ei hmô. Pahno leipa ta namâ chhy tyhpa, cha Khazohpa thâtih cha ei cha vaw chho ei.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

1 ZAWHÂNA 1:6

Zohna liata y thlâh ha tlôhpa ta ano ei kao eima tah khiahta cha, haipa bie eima reih, biehmeiseihpa liata hroh ma pi.

1 ZAWHÂNA 2:22

Zisu cha Krista a châ tahpa a pyh leipa hleikhô ta a haihpa ahy ma a y? Paw nata Sawchapawpa a pyh leipa cha Krista dyuhtuhpa a châ.

1 ZAWHÂNA 2:4

A biepiepazy zyh tlôh leipa ta, “Ano ei pahno,” a tahtuhpa cha a haihpa a châ. Biehmeiseihpa ano liata y vei.

1 ZAWHÂNA 5:10

Khazohpa Sawchapawpa a ngiapâpa maih ano liata a pahnona a hnei. Khazohpa a ngiapâ leipa deikua cha, Khazohpa ta a Sawchapawpa a pahnokheina â ngiapâ leipa vâta, Khazohpa cha a haihpa ta a tao.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.