ZAWHÂNA 8:47 - Mara Bible RV (BSI)

⁴⁷ Khazohpa chyhsa cha Khazohpa bie a nathlie. Nâmo deikua cha, Khazohpa chyhsa nama châ leipa vâta, Khazohpa bie nathlie veih ei chi,” tah ta.

ZAWHÂNA 8:47 ပူးပေါင်းရင်းမြစ်များ

DÂNIAH 12:10

Chyhsa hluhpi âmosasyh ta a pathaisa aw ei ta, a pangyuhsapa ta amâ taopathi aw. Moleipazy deikua cha ama molei via rili aw. Moleipa ta a pachâna pahno leipa aw ta, chyhsa sopazy deikua ta cha ama pahno aw.

ZAWHÂNA 12:48

Ahy rai nâ khoh leipa nata ei bie a zyh leipa cha, pachiatuhpa pakha a hnei. Ei bie reipa, kha bie tlai khata, noh chhâna noh liata ano cha a pachia aw.

ZAWHÂNA 18:37

Pilâ ta a hnohta, “Cha khiah, abei ma na châ?” tah ta. Zisu ta a chhy ta, “Nâ ta abei na châ eina tah chi cha zaw. Biehmeiseihpa pahnosa awpa ta a pihpa châ na ta, biehmeiseihpa pahnosa awpa ta khizaw lâ â zupa ei châ. Ahy rai bie hmeiseihpa liata a ypa maihta ei bie ama zyh tyh,” tah ta.

ZAWHÂNA 5:25

“Hmeiseihta ta, hmeiseihta ta ei cha chho ei, a daihti a vaw tlô daihmâ, tahmâ chhao a vaw tlô haw. Cha tita athihpazy ta Khazohpa Sawchapawpa ao thei aw ei ta, a theipa maih ama hroh aw.

ZAWHÂNA 6:65

Chavâta ama hnohta, “Cha vâna tlai chata nama hnohta, Paw ta a bao leipa ta cha, ahy hmah kei lâ a vy thei aw veih ei, ei tahpa kha a châ,” tah ta.

ZAWHÂNA 8:37

Abarahâ pathlazy nama châpa ei pahno. Châhrasala ei bie ta nâmo liata yna a hnei leipa vâta, thie einâ chhuah ei chi.

ZAWHÂNA 8:43

Khazia ei biereipa nama pahno thai vei? Ei bie reipa nama pahnie leipa vâta a châ.

ZAWHÂNA 8:45

Biehmeiseihpa ei reipa vâta na zo veih ei chi.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.

2 ZAWHÂNA 1:9

Ahy rai Krista pachuna bie liata y leipa ta, ano kho ta a siepa cha Khazohpa a hnei leipa a châ. Krista pachuna bie liata a ypa deikua cha, Paw nata Sawchapawpa a hnei pakaoh.

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.