ZAWHÂNA 8:44 - Mara Bible RV (BSI)

⁴⁴ Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

ZAWHÂNA 8:44 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

1 ABEIZY 22:22

Abeipa ta a hnohta, ‘Khâpa ta maw?’ tah ta. Ano ta, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.

1 THÂTIHZYRONA 21:1

Sâtâ ta Izarei a dyuh awpa ta thyu ta, Izarei maluhpi rei awpa ta Dâvi cha reipasao ta.

ZAWBÂ 1:11

Châhrasala tahmâ na ku pazawh la, a hneipa zydua hria la, hmiachhy ta chhie a cha sapa aw,” tah ta.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MATHAI 13:15

Cha phopi palôh cha a kuhchha ha ta, Ama nah ta bie thei thai khao leipa ta, Ama mo ama paso haw. Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, Kei lâ a vaw heih aw ei ta, Ei patlâh ha awpa ei tlai,’ tahpa ta hrohsona bie a reipa kha ama chô liata a vaw tlô hapa a châ.

MATHAI 13:38

Lyu cha khizaw châ ta, chi phapa cha khinarâh sawzy ama châ. Sâh pakheipazy cha moleipa sawzy châ ei ta,

ZAWHÂNA 6:70

Zisu ta ama hnohta, “Nâmo pahrawh hleinozy chi he, keima ta ei châ tlyhpa châ veih ei chi ma? Châhrasala nama hry liata pakha cha ahripa a châ,” tah ta.

ZAWHÂNA 7:17

Ahy rai Khazohpa khopa a tao khohpa a châ khiahta cha, ei bie pachupa he Khazohpa tawhtapa ma, keima tao chhyhpa a reihpa ma ei châ tahpa a pahno aw.

ZAWHÂNA 8:38

Kei ta ei Paw liata hmo ei hmôpa reih tyh na ta, nâmo chhao nama paw tawhta nama theipa nama tao tyh hra,” tah ta.

ZAWHÂNA 8:41

Nama paw taopa hawhpa nama tao hra hih,” tah ta. Âmo ta a chhy ei ta, “Riasaw châ ma pi. Paw pakha hnei pi ta, cha cha Khazohpa a châ,” tah ei ta.

ZAWHÂNA 8:55

Châhrasala nâmo la ano pahno veih ei chi. Kei deikua ta cha ei pahno. Khazohpa pahno va na ei tah khiahta cha, nâmo hawhta a haihpa ei châ aw. Khazohpa cha pahno na ta, a bie ei zyh lymâ.

HMOTAOPAZY 13:10

a hnohta, “Nâ, ahripa sawchapawpa, nâ, siana khakhaipa, dôveina nata nôchhiena ta a biepa, Abeipa lâpi palâpa na pakosapa he bâh aw va chi mâ?

HMOTAOPAZY 24:9

Zuzy chhao ta, ama leihna cha â dopa tlai a châ tahpa a vaw pykhei ei ta.

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

2 KAWRINI 11:3

Parih ta piehpiepa ta Evâ a dôveipa hawhta, Krista châta nama ngâchhihna nata pathaihna tawhta nama palôhzy a chhi chheipa ta y pathlei lah ei chi tahpa ei chi kaw.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

2 PITY 2:4

Vâlyuhchâpazy moleina hmo ama tao nona kha, Khazohpa ta âmo cha pahlôh leipa ta, hriena su liata thy ta, pachiana daihti a tlô hlâlei khaohtlô zohpa liata a khô chy ei.

1 ZAWHÂNA 1:8

Moleina hnei ma pi eima tah khiahta cha, keimosasyh ta eimâ dô, biehmeiseihpa keimo liata y vei.

1 ZAWHÂNA 2:21

Biehmeiseihpa nama pahno leipa vâta, nâmo lâ châ a vaw rohpa châ leipa na ta, biehmeiseihpa pahno ei chi ta, biehmeiseihpa tawhta haipa a pua beih leipa vâta ei vaw ropa a châ.

1 ZAWHÂNA 2:4

A biepiepazy zyh tlôh leipa ta, “Ano ei pahno,” a tahtuhpa cha a haihpa a châ. Biehmeiseihpa ano liata y vei.

1 ZAWHÂNA 3:12

Moleipa tawhta a puapa, ano unawhpa a thietuhpa Kainâ hawhna khata eima y awpa châ vei. Khâpa vâta ma a unawhpa kha a thie? A hmotaopazy kha moleina hmo châ ta, a unawhpa hmotaopazy kha a siapa a châpa vâta a châ.

1 ZAWHÂNA 3:15

Ahy rai a unawhpa a haopa cha lianycheihpa châ ta, lianycheihpa ahy hmah chhâzaw hrona a chakaihpa y veih ei tahpa nama pahno.

ZUDÂH 1:6

Vâlyuhchâpazy chhao ama biehneina nata ama pahrâna su a siesaipazy cha, noh rônahpa pachiana noh tlôna taihta zohna hnabeidyna ry liata chhâzaw bâlia ta chahrypa ta y awpa ta Abeipa ta a soh chy ei.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

BIEPHUAH 9:11

Leichiepa khaohtlô vâlyuhchâpa cha ama bei ta hnei ei ta, a moh cha Hebrai reih ta Abadô châ ta, Krikâh reih ta Apôliô a châ.