Hmeiseihta ta ei cha chho ei, avâ nata alei a lei hlâlei cha, Ryhpa bie liata ropa châsâ chyh chaipa tlyma, achôpa di chaipa tlyma, ato zydua a tlôpaki khai hlâlei cha lei aw vei.
Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.
Ahy lia rai ta ama bie zyh awpa ta sei ta namâ ngia khiahta cha, a bie nama zyhpa sei nama châ tahpa pahno veih ei chi ma? Moleina sei ta namâ ngia khiahta cha, thina lâ châ chhi aw ei ta, reingiahna sei ta namâ ngia khiahta cha, siana lâ a châ chhi aw ei.
Moleina a phaohpa pôhpa he pahleipadiapa ta, moleina sei ta eima y khao lei nawpa ta, eima chyhsa parohpa cha a hnohta khaipâpa ta a y haw tahpa eima pahno.
Zisu Krista eima Beipa vâta Khazohpa cha reithaipa ta y mawh sy! Kei tlai chhao cha, ei palôh ta Khazohpa ryhpa chakao ta, ei sapa ta deikua cha, moleina ryhpa ei vaw chakao ha tyh.
He khizaw ryhpa hawhta y ei chi ta, avâ ruapa liata ryureituhpa bei, reingiah leipazy chô liata tahmâ chhao a hria haipa thlahpa cha pazipa ta, paraona nata moleinazy liata nama vaw tlaih tyh.
Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.
Chyhsazy hnohta khotalaina bie a taih ei ta, âmo chaipa deikua cha avyuhna sei ta ama y. Kheihawhpa hmo rai ta a pahniepa chyhsa cha, cha hmo sei ta a ypa a châ.