ZAWHÂNA 8:28 - Mara Bible RV (BSI)

²⁸ Zisu ta ama hnohta, “Chyhsa Sawchapawpa he nama chaluah tita, ano cha ei châ tahpa pahno aw ei chi ta, keima biehneina ta khâpa hmah tao leipa na ta, Paw ta eina pachupa hawhta a reih tyhpa ei châzie nama pahno aw.

ZAWHÂNA 8:28 ပူးပေါင်းရင်းမြစ်များ

PUASAINA 3:14

Khazohpa ta Mawsi hnohta, “Kei he Zehôvâh ei châ. Izarei sawzy hnohta, ‘Zehôvâh ta nâmo lâ eina vaw tuah,’ na tah aw,” tah ta.

MATHAI 24:5

Chyhsa hluhpi ei moh ta a vy aw ei ta, ‘Mesia ei châ,’ tahpa ta, chyhsa hluhpi ama dôvei aw.

MÂKA 13:6

Chyhsa hluhpi ta, ‘Krista ei châ,’ tahpa ta ei moh ta a vy aw ei ta, chyhsa hluhpi ama dôvei aw.

LUKA 21:8

Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.

ZAWHÂNA 11:42

Ei bie khâ na nathlie tyh tahpa ei pahno. Châhrasala he liata zawpi a duahpazy heta, na tuapa ei châpa ama pahno thei nawpa ta, he bie he ei reipa a châ,” tah ta.

ZAWHÂNA 13:19

Tahmâ a vaw tlô hlâta ei cha chho ei, a vaw tlô tita, keima he ano cha ei châ tahpa namâ ngiapâ thei nawpa ta.

ZAWHÂNA 16:10

Siana kyh liata ama thaileichâna cha, Paw lâ sie aw na ta, eina hmô khao lei awpa vâ ei chi ta a châ.

ZAWHÂNA 18:32

Cha cha Zisu ta a thinazie awpa kyh a reipa hawhta a vaw tlô nawpa ta a vaw ypa a châ.

ZAWHÂNA 19:18

Cha liata khaipâ ei ta, chyhsa hropa pano chhao, a kâ chavei chachâh ta khaipâ hra ei ta. Zisu cha a liah liata y ta.

ZAWHÂNA 3:11

Hmeiseihta ta, hmeiseihta ta ei cha chho, keimo ta la eima pahnopa reih pi ta, eima hmôpa eima pahnosa tyh. Châhrasala eima bie pahnopa cha zo veih ei chi.

ZAWHÂNA 3:14

Mawsi ta râhchawhpa liata parih a chaluahpa hawhna khata, Chyhsa Sawchapawpa he chaluahpa a châ aw,

ZAWHÂNA 4:26

Zisu ta a hnohta, “Bie châ chhotuhpa kei he, ano cha ei châ,” tah ta.

ZAWHÂNA 5:19

Zisu ta ama hnohta, “Hmeiseihta ta, hmeiseihta ta ei cha chho ei, Sawchapawpa ta ano rei sai ta khâpa hmah tao thei vei. Paw hmotaopa a hmôpa deita a tao tyh. Paw ta a taopa maih cha, Sawchapawpa chhao ta a tao tyh.

ZAWHÂNA 5:30

“Keima kho ta khâpa hmah tao thei va na. Nah ta ei theipa hawhta pachia na ta, ei pachiana cha â do, keima rei sai ta y a chhuah leipa na ta, nâ tuahtuhpa rei sai ta y ei chhuahpa vâta.

ZAWHÂNA 6:38

Keima khopa tao awpa ta vârâh tawhta a zupa châ leipa na ta, nâ tuahtuhpa khopa tao awpa ta a zupa tlao ei châ.

ZAWHÂNA 8:24

Chavâta nama moleina liata nama thi aw, ei cha tahpa ei a châ. Kei he Mesia ei châ tahpa nama zo leipa khiahta la, nama moleina liata nama thi aw,” tah ta.

ZAWHÂNA 8:27

Paw thâtih ama hnohta a reih tahpa pahno veih ei.

ZAWHÂNA 8:58

Zisu ta âmo cha a chhy ta, “Hmeiseihta ta, hmeiseihta ta ei cha chho ei, Abarahâ y hlâta ei y haw,” tah ta.

HMOTAOPAZY 2:41

A bie a zyhpa maihta bâti châ ei ta, cha noh liata chyhsa sâh thôh rachhôh baichhapa ama châ.

HMOTAOPAZY 4:4

Châhrasala ama bie a theipa hry liata chyhsa hluhpi ta a ngiapâ ei ta, ama hluhna zie cha maluh sâh pangawh rachhôh ama châ.

RAWMA 1:4

A Thlahpa pathaihna kyh liata deikua cha, athihpa hry tawhta a thyuheihna ta, eima Beipa Zisu Krista cha hmotaotheina a hneipa Khazohpa Sawchapawpa a châzie a palâsa.

RYHPACHANEINA 18:18

Ama unawhzy hry tawhta nâ hawhpa hrohsopa paduapa aw ei na ta, a pakah liata ei biezy soh aw na ta, a hnohta bie ei piepa zydua ama hnohta a rei pachhuah tyh aw.