ZAWHÂNA 8:24 - Mara Bible RV (BSI)

²⁴ Chavâta nama moleina liata nama thi aw, ei cha tahpa ei a châ. Kei he Mesia ei châ tahpa nama zo leipa khiahta la, nama moleina liata nama thi aw,” tah ta.

ZAWHÂNA 8:24 ပူးပေါင်းရင်းမြစ်များ

PUASAINA 3:14

Khazohpa ta Mawsi hnohta, “Kei he Zehôvâh ei châ. Izarei sawzy hnohta, ‘Zehôvâh ta nâmo lâ eina vaw tuah,’ na tah aw,” tah ta.

BIESOZY 8:36

Nâ hmô leipa deikua cha anosasyh ta hmah a paphao ta, Nâ haopa zydua chhao thina kyh a pachâpa ama châ.”

MATHAI 24:5

Chyhsa hluhpi ei moh ta a vy aw ei ta, ‘Mesia ei châ,’ tahpa ta, chyhsa hluhpi ama dôvei aw.

MÂKA 13:6

Chyhsa hluhpi ta, ‘Krista ei châ,’ tahpa ta ei moh ta a vy aw ei ta, chyhsa hluhpi ama dôvei aw.

MÂKA 16:16

A ngiapâ ta bâti a châpa cha pachhapa ta y aw ta, a ngiapâ leipa deikua cha thaileichâpa ta a y aw.

LUKA 21:8

Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.

ZAWHÂNA 13:19

Tahmâ a vaw tlô hlâta ei cha chho ei, a vaw tlô tita, keima he ano cha ei châ tahpa namâ ngiapâ thei nawpa ta.

ZAWHÂNA 3:18

Ahy rai ano a ngiapâpa cha thailei pachâsapa ta y aw vei. Ahy rai a ngiapâ leipa deikua cha, Khazohpa Sawchapaw matlupa moh â ngiapâ leipa vâta, tahmâ bawlawh ta thailei pachâsapa ta a y haw.

ZAWHÂNA 3:36

Ahy rai Sawchapawpa a ngiapâpa cha chhâzaw hrona a hnei haw. Ahy rai Sawchapawpa bie a zyh leipa cha, hrona hmô aw vei, Khazohpa hiehâhna a chô liata tlao a y.

ZAWHÂNA 4:26

Zisu ta a hnohta, “Bie châ chhotuhpa kei he, ano cha ei châ,” tah ta.

ZAWHÂNA 8:21

Chatawhcha ama hnohta, “Sie aw na ta, eina tlua aw ei chi. Nama moleina liata nama thi aw. Nâmo la ei sie nawpa lâ vaw sie thei aw veih ei chi,” tah heih ta.

ZAWHÂNA 8:25

Âmo ta a hnohta, “Ahy ma na châ?” tah ei ta. Zisu ta ama hnohta, “Âthaona tawhta ei cha chho tyhpa ei kha na ei châ.

ZAWHÂNA 8:28

Zisu ta ama hnohta, “Chyhsa Sawchapawpa he nama chaluah tita, ano cha ei châ tahpa pahno aw ei chi ta, keima biehneina ta khâpa hmah tao leipa na ta, Paw ta eina pachupa hawhta a reih tyhpa ei châzie nama pahno aw.

ZAWHÂNA 8:58

Zisu ta âmo cha a chhy ta, “Hmeiseihta ta, hmeiseihta ta ei cha chho ei, Abarahâ y hlâta ei y haw,” tah ta.

HMOTAOPAZY 4:12

Ahy liata hmah pachhana y vei. Avâ ry liata chyhsa moh bipa hry liata miah pachha thei awpa mohropa rai y veih ei,” tah ta.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.