ZAWHÂNA 8:21 - Mara Bible RV (BSI)

²¹ Chatawhcha ama hnohta, “Sie aw na ta, eina tlua aw ei chi. Nama moleina liata nama thi aw. Nâmo la ei sie nawpa lâ vaw sie thei aw veih ei chi,” tah heih ta.

ZAWHÂNA 8:21 ပူးပေါင်းရင်းမြစ်များ

1 ABEIZY 18:10

Abeipa na Khazohpa hrona reipa ta ei reih, ei zibeipa ta nâma a patluasa leina phopi nata khinarâh rai y khao vei. ‘He liata y vei,’ ama tah khiahta cha, ama cha hmô leina kyh liata bie dopa ama reih tlai ma tahpa ta khinarâh nata phopi zy cha bie a pataihsa lymâ ei.

ZAWBÂ 20:11

A ruzy cha thyutlia thatlôna ta bie ta, Châhrasala a hnohta dohlei liata â zia aw.

BIESOZY 11:7

Moleipa cha a thi nahta, A hnabeiseihna lei pâ ta, Hneirôh awpa ta a saduthliepa chhao a lei ha tyh.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

ISAI 65:20

Cha liata hawsaih thina y khao leipa aw ta, Chhâ a palo leipa ta a thipa y khao aw veih ei. Kô za kha ta a thipa cha, Thyutlia daihti ta a thipa hawhta pachâpa châ aw ta; Kô za kha a tlô leipa cha, Chhiesa thlupa moleipa hawhta pachâpa a châ aw.

MATHAI 23:39

Ei cha chho ei, ‘Abeipa moh ta a vypa cha reithaipa ta y mawh sy,’ nama tah hlâlei cha, tahmâ tawhta na hmô khao aw veih ei chi,” tah ta.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 25:46

Chazy cha chhâzaw hriena lâ sie aw ei ta, mosiapazy deikua cha, chhâzaw hrona lâ ama sie aw,” tah ta.

ZAWHÂNA 12:33

Cha bie cha a thi nawpazie pahnosa nawpa ta a reipa a châ.

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

ZAWHÂNA 13:33

Sawnawh saih u, buakhata nama hnohta ei y chy. Na tlua aw ei chi ta, Zuzy hnohta, ‘Ei sie nawpa lâ a vy thei aw veih ei chi,’ ei tahpa hawhna khata, tahmâ nâmo hnohta chhao ei reih.

ZAWHÂNA 7:34

Na tlua aw ei chi ta, na hmô aw veih ei chi. Ei yna lâ a vy thei aw veih ei chi,” tah ta.

ZAWHÂNA 7:36

‘Na tlua aw ei chi ta, na hmô aw veih ei chi,’ a tahpa nata, ‘Ei yna lâ a vy thei aw veih ei chi,’ a tahpazy he, khâpa kyh a reihpa ma a châ aw tly?” tah ei ta.

ZAWHÂNA 8:24

Chavâta nama moleina liata nama thi aw, ei cha tahpa ei a châ. Kei he Mesia ei châ tahpa nama zo leipa khiahta la, nama moleina liata nama thi aw,” tah ta.

EPHESI 2:1

Nâmo chhao paraona nata moleinazy vâta athipa nama châ.