ZAWHÂNA 8:15 - Mara Bible RV (BSI)

¹⁵ Nâmo ta cha sapa yzie ta pachia tyh ei chi ta, kei deikua la, ahy hmah pachia va na.

ZAWHÂNA 8:15 ပူးပေါင်းရင်းမြစ်များ

AMÔSÂ 5:7

Hy nâmo, adona cha tho khapa pachâsa ei chi ta, Siana alei liata a thypazy saih u!

AMÔSÂ 6:12

Lôpanô chô liata arâzy amâ râ beih mâ? Cha liata chyhsa ta viahchao tôhpazy ta lei a palie beih ma? Nâmo deikua cha, Adona cha châmaih lâta palie ei chi ta; Siana thei chhao, Tho khapa nama pachâsa haw.

HABAKU 1:4

Chavâta ryhpa ta yzie hnei khao leipa ta, Pachiana dopa y khao hra vei. Moleipazy ta mosiapazy dôh ei ta, Pachiana doleipa a pua tyh.

LUKA 12:14

Châhrasala Zisu ta a hnohta, “Chyhsa, kei he ahy ma nâmo chô liata ryureituhpa nata ryu pachhaihtuhpa ta nâ tao?” tah ta.

ZAWHÂNA 12:47

Chyhsa ta ei biezy thei ta, a zyh leipa chhao ta, ano cha pachia aw va na. Khizaw pachia awpa ta a zupa châ leipa na ta, khizaw pachha awpa ta a zupa tlao ei châ.

ZAWHÂNA 18:36

Zisu ta a chhy ta, “Ei khinarâh cha he khizaw khinarâh châ vei. Ei khinarâh cha he khizaw khinarâh châ sala, Zuzy lâta hlâpa ta ei y lei nawpa ta, nâ chakaotuhpazy ta amâ dyuh ha aw. Ei khinarâh cha he liata y vei,” tah ta.

ZAWHÂNA 3:17

Khizaw thailei pachâsa awpa ta Khazohpa ta a Sawchapawpa khizaw lâ a tuapa châ vei, ano vâta khizaw pachhapa ta a y thei nawpa ta a tuapa tlao a châ.

ZAWHÂNA 7:24

Chôpho lâ alânazie ta pachia leipa u la, pachiana dopa ta pachia teh u,” tah ta.

ZAWHÂNA 8:11

Chanô ta, “Abeipa, thailei nâ pachâsapa ahy hmah y veih ei,” tah ta. Zisu ta, “Kei chhao ta thailei cha pachâsa va na. Sie la, tahmâ tawhta la molei khao khah y,” tah ta.

RAWMA 2:1

Chavâta Hy chyhsapa, nâ, mohropa a sei thaipa, rei awpa rai hnei va chi. Mohropa na seina liana tlai khata, nâmasasyh ta thailei nâ pachâsa haw, nâ, seituhpa tlai chhao chi kha, cha hawhpa hmozy a tao tyhpa na châ hrapa vâta.

1 KAWRINI 2:15

Thlahpa chyhsa deikua cha, hmo to pahno pasia ta, ano cha sei thei awpa châ vei.

2 KAWRINI 5:16

Chavâta tahmâ tawhta la, chyhsapa mo ta ahy hmah moh khao ma pi. Chyhsapa mo ta Krista kha vaw moh ha hra sih la, tahmâ cha cha hawhta moh khao ma pi.

ZÂMIE 2:4

nâmo nata nâmo a pathluapa châ ei chi ta, palôh moleipa a phaohpa pachiatuhpazy châ aw veih ei chi mâ?

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.