ZAWHÂNA 7:38 - Mara Bible RV (BSI)

³⁸ Ahy rai nâ ngiapâpa cha, Biehrai ta a reipa hawhta, ‘Ti hrohpa chavahzy a chhôh tawhta a vaw loh aw,’” tah ta.

ZAWHÂNA 7:38 ပူးပေါင်းရင်းမြစ်များ

BIESOZY 10:11

Mosiapa pakah cha hrona tihnawh châ ta, Moleipa pakah deikua cha nôchhiena ta a pahly.

BIESOZY 18:4

Chyhsa pakah biezy cha ti athupa châ ta, Sona tihnawh cha vahtie loh zaolaopa hawhta a châ.

ISAI 12:3

Pachhana tikhaohzy tawhta, Thaphapa ta ti thaih aw ei chi ta,

ISAI 35:6

Pheisypa sakhih hawhta a chapie aw ta, Reih pathlie thai leipa paleih chhao, Thaphapa ta hla a sa aw. Râhchawhpa liata tizy pua aw ei ta, Sadi bypizy liata vahtie tizy ama loh aw.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

ISAI 58:11

Abeipa ta cha chhihtha lymâ aw ta, Su chawhkaraipazy liata chhao lôhrâ cha patlô aw ta, Na rupazy tha a patlô aw. Ti pie phapa sadô hawhta châ aw chi ta, Tikhaoh ti a kua beih leipa hawhta na châ aw.

ISAI 59:21

“Keima lâ tawhta la, he he ama hnohta ei biehrai cha a châ,” Abeipa ta a tah: “Na chô liata ei Thlahpa a ypa nata na pakah liata ei bie ei sopazy cha, tahmâ tawhta chhâzaw taihta na pakah cha puasai khao leipa aw ta, na pathlazy pakah chhao puasai leipa aw ta, na pathla pachhuahpazy pakah chhao puasai aw vei,” Abeipa ta a tah.

ZEKARIA 14:8

Cha noh liata, Zerusale tawhta hrona tizy loh papua aw ta, â khophie nochhi tilaipi lâta loh aw ta, â khophie notla tilaipi lâta a loh aw. Nopi daihti nata chasipaw daihtizy liata chhao a loh lymâ aw.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

EPHESI 5:9

Khaihna theilâpa cha phana nata siana nata biehmeiseihpa to liata â lâ tyh.

RYHPACHANEINA 18:15

“Abeipa nama Khazohpa ta keima hawhpa hrohsopa nama unawhzy hry tawhta cha paduapa aw ei ta, a bie nama nathlie awpa a châ.