ZAWHÂNA 7:32 - Mara Bible RV (BSI)

³² Zisu kyh liata zawpi a chiaburâhpa cha Phârisaihzy ta thei ei ta, chatanachata theihthai beizy nata Phârisaihzy ta Zisu patu awpa ta vaituhpazy tuah ei ta.

ZAWHÂNA 7:32 ပူးပေါင်းရင်းမြစ်များ

MATHAI 12:14

Phârisaihzy deikua cha pua ei ta, ano ama pahleipadia thei nawpa ta bie a pachia ei ta.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MATHAI 26:58

Pity cha â hla kawpa ta Zisu cha pazi ta, theihthai beichaipa tlyhmia tlôna taih pazi ta. Achhâna pahno awpa ta a chhôh lâ a kei ngia ta, vaituhpazy hry liata a tyuh ta.

ZAWHÂNA 11:46

Thokhazy deikua cha, Phârisaihzy lâ vawh ei ta, Zisu hmotaopazy cha kei chho ei ta.

ZAWHÂNA 12:19

Phârisaihzy cha a chhohia ei ta, “Pahno teh u, khâpa hmah tao thei veih ei chi. Moh teh u, khizaw ta ano ama zi ha hih,” tah ei ta.

ZAWHÂNA 18:3

Chatanachata Zudâh cha theihthai beizy nata Phârisaihzy tawhta pheisaih sahlao nata hyutuhpazy a chhi ta, meiôhzy, meireizy, chaihraizy chabapa ta, cha su lâ cha vawh ei ta.

ZAWHÂNA 7:30

Chatanachata patu a chhuah ei ta, châhrasala a daihti a tlô mâh leipa vâta, ahy hmahta Zisu cha hria thei veih ei.

HMOTAOPAZY 5:26

Achhyna o hyutuhpa cha chakaotuhpazy a chhipa ta vawh ta, zawpi ta alô ta ama vawh awpa ama chipa vâta, thachahra hmâ leipa ta lyuhchâpazy cha a vaw chhi ei ta.

1 SAMUELA 19:20

Dâvi patu awpa ta Sawla ta chyhsazy tuah ta. Hrohsopazy ta hrohsona bie ama phuah ngâpa nata cha liata Samuela cha ama hyutuhpa ta â duapa ama hmô nahta, Sawla chyhsa tuapazy chô liata Khazohpa Thlahpa vaw tlô ta, âmo chhao chata hrohsona bie cha phuah lymâ ha hra ei ta.