ZAWHÂNA 7:3 - Mara Bible RV (BSI)

³ A unawhzy ta “He tawhta pua la, na pachupazy ta na hmotaopazy ama hmô thei nawpa ta, Zudia râh lâ sie mah y.

ZAWHÂNA 7:3 ပူးပေါင်းရင်းမြစ်များ

ÂTHAONA 37:20

A vy teh u, thie sih la, khaohtlô miakha liata pathla ei suh u. Sahrâhpa na a sie haw tah aw pi ta, a mâzy cha kheihta ma a châ aw tahpa eima moh tua rai aw,” tah ei ta.

ZEREMIAH 12:6

Na unawhpa, na paw pathlazy cheingei ta, Âmo tlai ta cha dôvei ei ta; Cha chadai ei ta, A paropa ta ama cha awsao khawh. Bie pha châ chho hra ei sala, Âmo cha zo khah y.”

MATHAI 12:46

Zawpizy hnohta bie a rei hai nota, a nô nata a unawhzy ta ano cha bie a chho khoh ei ta, khôtho liata a duah ei ta.

MÂKA 3:21

A chhôhkhazy ta cha thâtih cha ama thei nahta, “A palôh â ki khao ei vei chuh,” tah ei ta, a chhi awpa ta sie ei ta.

MÂKA 3:31

A nô nata a unawhzy ano lâ a vy ei ta, khôtho liata a duah ei ta. Chyhsa tuapa ta, za paawsa ei ta.

LUKA 8:19

A nô nata a unawhzy Zisu lâ a vy ei ta, châhrasala zawpi vâta a hmô thei leipa ei ta.

LUKA 8:20

A hnohta, “Na nô nata na unawhzy ta châ hmô khoh ei ta, khôtho liata amâ duah thlâh haw,” tahpa ta chho ei ta.

ZAWHÂNA 2:2

Zisu nata a pachupazy chhao ahneina a hlao awpa ta hruapa châ ei ta.

ZAWHÂNA 6:60

A pachupa hluhpizy ta cha bie cha ama thei nahta, “He he bie ru ngaitapa a châ, ahy ma a nathlie thei aw?” tah ei ta.

ZAWHÂNA 6:66

Cha rakha tawhta cha, a zituhpa hluhpi ta kuasai ei ta, a hnohta sie khao leipa ei ta.

ZAWHÂNA 7:10

Châhrasala a unawhzy kyhchhina lâ ama khy khai tawhta, ano chhao vâtlâh pahno leipa ta arulâta khy hra ta.

ZAWHÂNA 7:4

Moh pathâh a khohpa ta arulâta hmo tao beih vei. He hmozy he na tao tlôh khiahta cha, khizawpi hmô awpa ta tlao tao mah y,” tah ei ta.

ZAWHÂNA 7:5

A unawhzy chhao ta Zisu cha a ngiapâ leipa ei ta.

HMOTAOPAZY 2:14

Pity cha pahrawh hleikhazy nata hmaohkha ta a duah ei ta, ao paro ngaitapa ta ama hnohta bie reih ta, “Nâmo, Zudia mo nata Zerusale liata a pahrâpa zydua saih u, hezy he pahno u la, ei biezy he nathlie teh u.

1 SAMUELA 17:28

Pheisaihzy hnohta Dâvi biereipa cha, a uhta uhthei chaipa Eliabâ ta vaw thei ta. Eliabâ cha Dâvi chô liata a hie thata hâh ta, a hnohta, “Khazia nâ zu hra? Râhchawhpa liata mietaku a chyhta a ypazy kha ahy na pavaisa? Akhotlâh kawpa nata palôh moleipa a phaohpa na châ tahpa ei pahno. Adyuhna mo awpa ta a zupa na châ hih,” tah ta.