ZAWHÂNA 7:28 - Mara Bible RV (BSI)

²⁸ Cha vâna chata Zisu cha Achhyna o liata a pachu nota, ao paro ngaitapa ta, “Na pahno ei chi ta, ei puana chhao nama pahno? Châhrasala keima rei ta a vypa châ va na. Nâ tuahtuhpa cha adopa châ ta, ano cha pahno veih ei chi.

ZAWHÂNA 7:28 ပူးပေါင်းရင်းမြစ်များ

HLAZY 9:10

Na moh a pahnopazy ta châ ngâchhâ ei ta, Hy Abeipa, nâ cha châ tluatuhpazy a heihsai beih va chi.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

ZEREMIAH 9:6

Tlybaina chô liata tlybaina hropa pacho thlu ei ta, Dôveina chô liata dôveina hropa ama pacho thlu; Kei na pahno khoh veih ei,” Abeipa ta a tah.

HÔSIA 4:1

Hy Izarei sawzy saih u, Abeipa bie thei teh u; He râh liata a pahrâpazy Abeipa ta a cha leih ei: Ngâchhihna charei leipa ta, Ngiachhiena charei hra leipa ta, Râh liata Khazohpa pahnona y vei.

HÔSIA 5:4

Ama hmotaopazy ta Ama Khazohpa lâ kua heih awpa pakhâ ha ta, Sihryh khona ta ama palôh bie ta, Abeipa pahno veih ei.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

MATHAI 2:23

Khihpi miakha, Nâzari ama tahpa lâ sie ta, cha liata kei pahrâ ta. Cha hmo cha, “Ano cha Nâzari chyhsa ama tah aw,” tahpa ta hrohsopazy pakah ta ama reipa kha a vaw tlô thei nawpa ta a châ.

MATHAI 26:55

Cha dawh liata Zisu ta zawpi hnohta, “Hraotuhpa patupa hawhta patu awpa ta ma, zaozi nata byuhthô ta einâ vyhnao ei chi? Achhyna o liata noh chareih bie pachupa ta a tyuh tyh na ta, na patu tlôh ei chi va.

LUKA 10:22

Ei Paw ta ato zydua eina hlâ haw. Paw dei leipa ta cha, Sawchapawpa he ahy ma a châ tahpa ahy hmahta pahno veih ei. Paw he ahy ma a châ tahpa chhao, Sawchapawpa nata Sawchapawpa ta ama hnohta phuah awpa ta â tlyhpazy dei leipa ta cha, ahy hmahta pahno veih ei,” tah ta.

LUKA 2:11

Tanoh he Dâvi khihpi liata nama châta Pachhatuhpa a pih haw, Beipa Krista cha!

LUKA 2:39

Abeipa ryhpa bie hawhta hmo to zydua ama tao khai tawhta, Kâlili râh liata ama khih Nâzari lâ a lie ei ta.

LUKA 2:4

Zawsi chhao Dâvi chhôhkha nata a pathla a châpa vâta, Kâlili râh Nâzari khih tawhta Bethlehe ama tahpa Zudia râh Dâvi khihpi lâ sie ta.

LUKA 2:51

A nôpawzy hnohta zu ta, Nâzari khih cha tlô ta, a nôpawzy bie zyhpa ta y ta. A nô ta hmo zydua cha a palôh ta a vao thlâh ha ta.

ZAWHÂNA 1:46

Nâthaniah ta a hnohta, “Nâzari khih tawhta hmo phapa a pua thei aw ma?” tah ta. Phili ta a hnohta, “A vy la, vaw moh teh,” tah ta.

ZAWHÂNA 10:36

Paw ta panano ta, khizaw lâ a za tuapa ta, ‘Khazohpa Sawchapawpa ei châ,’ ei tahpa vâta, ‘Khazohpa na reipachhie,’ eina tah ei chi ma?

ZAWHÂNA 12:49

Keima biehneina ta bie reih va na. Nâ tuahtuhpa ei Paw ta bie na pie ta, rei awpa nata chho awpa eina piepazy ei reih tyh.

ZAWHÂNA 14:10

Kei Paw liata y na ta, Paw keima liata a ypa kyh cha zo va chi ma? Nama hnohta bie ei reipazy he, keima biehneina ta a reihpa châ va na, keima liata a ypa Paw ta rai a hriapa tlao a châ.

ZAWHÂNA 14:31

châhrasala Paw kyh ei pachâpa khizaw ta a pahno thei nawpa ta, Paw ta bie eina piepa hawhta ei taopa a châ. Thyu teh u, he su tawhta pua ei suh u.

ZAWHÂNA 16:3

Paw nata kei miah ama pahno leipa vâta, cha hawhpa hmozy cha ama tao aw.

ZAWHÂNA 17:25

Hy ei Paw siapa y, khizaw ta a cha pahno leipa chhao ta, kei ta la ei cha pahno. He sahlao chhao heta nâ ta eina tuah chi tahpa ama pahno.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 3:2

Cha chyhsa cha zâ ta Zisu lâ a vy ta, a hnohta, “Râbai, Khazohpa tawhta pachutuhpa â vypa na châ tahpa eima pahno. Khazohpa a chô liata a y leipa khiahta la, he hmonoâhpa na taopa hawhpazy he ahy hmahta tao thei aw veih ei,” tah ta.

ZAWHÂNA 3:33

A bie pahnopa a pyhpa cha, Khazohpa cha adopa a châ tahpa ta a moh a chahnao pa-i.

ZAWHÂNA 5:32

Ei thâtih nâ pahnokheituhpa pakha y ta, ei thâtih a pahnopa cha â do tahpa ei pahno.

ZAWHÂNA 5:43

Ei paw moh ta a vy na ta, nâ pyh veih ei chi. Mohropa la ano moh ta a vy sala, namâ pyh aw.

ZAWHÂNA 6:42

“He he Zawsi sawchapawpa Zisu kha châ vei mâ? A nô nata a paw eima pahnopa kha châ vei ma? Tahmâ kheihtazieta ma, ‘Vârâh tawhta a zâ chôpa ei châ,’ a tah tly?” tah ei ta.

ZAWHÂNA 7:14

Kyhchhi locho nota Zisu cha Achhyna o lâ khy ta, pachu ta.

ZAWHÂNA 8:14

Zisu ta âmo cha a chhy ta, “Keimasasyh ta ei pahnokheipa chhao ta, ei bie pahnopa cha a do ta, ei vaw puana nata ei sie nawpa ei pahno. Nâmo deikua ta cha, ei vaw puana pahno leipa ei chi ta, ei sie nawpa chhao pahno hra veih ei chi.

ZAWHÂNA 8:16

Ei pachiapa chhao ta, ei pachiana cha â do. Kei dei ta a pachiapa châ leipa na ta, nâ tuahtuhpa ei Paw nata hmaohkha ta eima pachiapa a châ.

ZAWHÂNA 8:19

Âmo ta a hnohta, “Na Paw cha khataih liata a y?” tah ei ta. Zisu ta, “Kei na pahno leipa ei chi ta, ei Paw chhao pahno veih ei chi. Nâ pahnopa châ u la, ei Paw chhao nama pahno aw,” tah ta.

ZAWHÂNA 8:26

Nâmo kyh liata hmo hluhpi rei awpa nata pachia awpa ei hnei. Khâpa rai châ sala, nâ tuahtuhpa cha adopa châ ta, ano tawhta bie ei theipazy khizaw liata ei phuah tyh,” tah ta.

ZAWHÂNA 8:42

Zisu ta ama hnohta, “Khazohpa cha nama Paw a châ khiahta cha, kei he Khazohpa tawhta a puapa nata ano tawhta a vypa ei châpa vâta, kyh eina pachâ aw ei chi. Keima rei ta a vypa châ va na, ano ta eina tuapa tlao a châ.

ZAWHÂNA 9:29

Mawsi cha Khazohpa ta bie â chho tahpa eima pahno. He chyhsa deikua he la, khataih tawhta a vypa ma a châ tahpa pahno ma pi,” tah ei ta.

HMOTAOPAZY 17:23

Ei chareina liata, namâ chhypazy moh na ta, maisâh miakha, a chô liata, ‘Pahno leipa Khazohpa châta,’ tahpa ropa ei hmô. Pahno leipa ta namâ chhy tyhpa, cha Khazohpa thâtih cha ei cha vaw chho ei.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 3:4

Châ bao va! Chyhsa zydua a haihpa châ hra ei sala, Khazohpa cha adopa a châ, Biehrai liata, “Na bie ta thai châ la, Pachiapa ta na y tita, Pahniena to mah y,” tahpa ta ropa hawhna khata.

2 KAWRINI 1:18

Khazohpa ngâ â chhihpa hawhta, nâmo lâta eima bie chhao, a châh ta “A châ” tah ta, a châh ta “Châ vei” tahpa hawhpa châ vei.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

1 ZAWHÂNA 5:10

Khazohpa Sawchapawpa a ngiapâpa maih ano liata a pahnona a hnei. Khazohpa a ngiapâ leipa deikua cha, Khazohpa ta a Sawchapawpa a pahnokheina â ngiapâ leipa vâta, Khazohpa cha a haihpa ta a tao.

1 SAMUELA 2:12

Eli sawchapawzy cha dyutlai leipazy châ ei ta, Abeipa pahno veih ei.