ZAWHÂNA 7:27 - Mara Bible RV (BSI)

²⁷ Châhrasala he chyhsa vaw puana cha pahno tlôh pi. Mesia cha â vaw luah tita, a vaw puana ahy hmahta pahno aw veih ei, tahpa châ tlôh,” tah ei ta.

ZAWHÂNA 7:27 ပူးပေါင်းရင်းမြစ်များ

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

ISAI 53:8

Tlybaipa nata thailei pachâsapa ta a chhi ei ta, Châhrasala ano chhâ liata chyhsazy ta pachâ hlei veih ei. Ahrohpazy râh tawhta chhawh pathlahpa châ ta, Ei phopi paraona vâta hriepa a châ.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 30:21

Ama chhituhpa cha, Âmo chyhsa tlai châ aw ta; Ama ryureituhpa chhao, Âmo hry tawhta a vaw pua aw; Âmo rei ta nâ hnia ngâh awpa ama y leipa vâta, Nâ hnia awpa ta ano cha tao aw na ta, Eina vaw pangai aw.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MÂKA 6:3

He chyhsa he Zâmie, Zôse, Zudâh nata Saimaw zy unawhpa, Mâri sawchapawpa, tho zôthaipa kha châ vei ma? A sietanôzy chhao, he liata eima hnohta y thlâh ha veih ei ma?” tah ei ta. Chavâta a chô liata ama palôh châ leipa ta.

LUKA 4:22

Chyhsa zydua ta Zisu cha reithai ei ta, ngiachhiena bie a pakah tawhta a puapazy vâta ama noâh kaw ta, “He chyhsa he Zawsi sawchapawpa kha châ vei ma?” tah ei ta.

ZAWHÂNA 6:42

“He he Zawsi sawchapawpa Zisu kha châ vei mâ? A nô nata a paw eima pahnopa kha châ vei ma? Tahmâ kheihtazieta ma, ‘Vârâh tawhta a zâ chôpa ei châ,’ a tah tly?” tah ei ta.

ZAWHÂNA 7:15

Zuzy ta, “He chyhsa he, châ a chu beih tlôh leipa ta, kheihtazieta ma thaina he a hnei tly?” tah ei ta, ama noâh kaw ta.

ZAWHÂNA 9:29

Mawsi cha Khazohpa ta bie â chho tahpa eima pahno. He chyhsa deikua he la, khataih tawhta a vypa ma a châ tahpa pahno ma pi,” tah ei ta.

HMOTAOPAZY 8:33

Maoh paphyuhpa châ ta, Pachiana dopa pie veih ei. A pathlazy thâtih ahy a reih aw? A hrona khizaw tawhta la hapa châ tlôh ta.”