ZAWHÂNA 7:20 - Mara Bible RV (BSI)

²⁰ Zawpi ta a chhy ei ta, “Ahripa azopa na châ he! Ahy ma thie châ chhuah?” tah ei ta.

ZAWHÂNA 7:20 ပူးပေါင်းရင်းမြစ်များ

MATHAI 10:25

Pachupa cha ano pachutuhpa a lyupa a daih ta, sei ta a zibeipa a lyupa â daih. O hneituhpa hmahta Belzebu ama tah khiahta cha, a chhôhkhazy chhochhi cha khatlu ta ma ama reipachhie via aw tly!

MATHAI 12:24

Phârisaihzy deikua ta cha thâtih cha ama thei nahta, “He chyhsa heta ahripazy hyutuhpa Belzebu vâta ahripazy a papua theipa a châ hih,” tah ei ta.

MATHAI 9:34

Phârisaihzy deikua ta, “Ahripa bei a châpa vâta ahripazy a papua theipa a châ hih,” tah ei ta.

MÂKA 3:30

“Thlahpa chhiepa a hneipa a châ,” ama tahpa vâta, cha bie cha a reipa a châ.

ZAWHÂNA 10:20

Chyhsa hluhpi ta, “Ahripa hnei ta, a hru ha hih, khazia a bie nama nathlie?” tah ei ta.

ZAWHÂNA 8:48

Zuzy ta a chhy ei ta, a hnohta, “Samâri chyhsa châ chi ta, ahripa azopa na châ eima cha tahpa kha pado kaw ma pi ma?” tah ei ta.

ZAWHÂNA 8:49

Zisu ta, “Ahripa azopa châ va na, ei Paw ei palyupalihpa tlao a châ. Nâmo deikua ta ei moh nama pachhie.

ZAWHÂNA 8:52

Zuzy ta a hnohta, “Ahripa na châ tahpa tahmâ eima pahno haw. Abarahâ thi ta, hrohsopazy chhao thi ei ta, nâ deikua cha, ‘Chyhsa ta ei bie a zyh khiahta cha, thina padi beih aw vei,’ tah tlôh chi ta.

HMOTAOPAZY 26:24

Cha hawhta a thaichâna bie a rei hai nota, Festâ ta ao paro ngaitapa ta, “Pawla, na palôh â ki khao leipa he! Nâ chu hluhna ta a cha pahrusa ha hih!” tah ta.