ZAWHÂNA 7:1 - Mara Bible RV (BSI)

¹ Cha khai tawhta Zisu cha Kâlili râh chahryh ta. Zuzy ta thie amâ chhuahpa vâta, Zudia râh deikua chahryh a chhuah vei.

ZAWHÂNA 7:1 ပူးပေါင်းရင်းမြစ်များ

MATHAI 10:23

Khihpi miakha liata ama cha taola tita, khihpi hropa lâ a râ teh u. Hmeiseihta ta ei cha chho ei, Chyhsa Sawchapawpa â vy hlâta Izarei khihpi zydua chahryh khai hmâ aw veih ei chi.

MATHAI 21:38

Châhrasala thlyuhlaotuhpazy ta a sawchapawpa ama hmô nahta, a chhohia ei ta, ‘He chyhsa he ryutotuhpa a châ hih, a vy teh u, thie sih la, a ryu a la ei suh u,’ tah ei ta.

MÂKA 11:18

Theihthai beizy nata ryhpa pachutuhpazy ta cha bie cha thei ei ta. Zawpi zydua ta a pachuna noâh ama tah ngaitapa vâta, Zisu cha chi ei ta, ama pahleipadia thei nawpa lâpi tlua ei ta.

ZAWHÂNA 1:19

Zuzy ta Zerusale tawhta theihthaipazy nata Livai sahlaozy tuah ei ta, Zawhâna hnohta, “Ahy na châ?” tahpa ta ama pahiahrisa nota, Zawhâna ta hetana heta reih ta.

ZAWHÂNA 4:3

Chatanachata Zudia râh puasai ta, Kâlili râh lâ kua ha ta.

ZAWHÂNA 4:54

Cha cha Zisu ta Zudia râh tawhta Kâlili râh lâ â vy nota hmo noâhpa a taopa a ei nona a châ.

ZAWHÂNA 6:1

Cha hnôhlâ ta Zisu cha Kâlili Tipo haosâ lâ sie ta, cha tipo cha Taibiria Tipo tahpa a châ hra.

ZAWHÂNA 7:11

Zuzy ta kyhchhina liata ano cha tlua ei ta, “Khataih liata a y haw?” tah ei ta.

ZAWHÂNA 7:13

Châhrasala Zuzy ama chipa vâta, ahy hmahta â lâhâhpa ta a thâtih rei ngâh veih ei.

ZAWHÂNA 7:19

Mawsi ta ryhpa cha pie ha veih ei ma? Châhrasala ryhpa cha ahy hmahta zyh tlôh ei chi va. Khazia thie einâ chhuah ei chi?” tah ta.

ZAWHÂNA 7:25

Zerusale chyhsa thokha ta, “He chyhsa he thie amâ chhuahpa kha châ vei ma?

ZAWHÂNA 7:35

Zuzy cha âmo nata âmo ta, “Eima hmô thei lei nawpa ta, he chyhsa he khataih lâ ma a sie aw tly? Krikâh chyhsa paipatlapazy lâ siepa ta, Krikâh mo pachu â chhuahpa ma a châ tly?

ZAWHÂNA 8:37

Abarahâ pathlazy nama châpa ei pahno. Châhrasala ei bie ta nâmo liata yna a hnei leipa vâta, thie einâ chhuah ei chi.

ZAWHÂNA 8:40

Châhrasala tahmâ kei, Khazohpa tawhta ei theipa biehmeiseihpa châ chhotuhpa he, thie nâ chhuah tlôh ei chi! Abarahâ kha cha hawhta tao beih vei.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.