ZAWHÂNA 6:63 - Mara Bible RV (BSI)

⁶³ Hrona pietuhpa cha Thlahpa a châ, sapa cha phahnaina hnei vei. Nama hnohta bie ei reipazy he Thlahpa châ ta, hrona chhao a châ.

ZAWHÂNA 6:63 ပူးပေါင်းရင်းမြစ်များ

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

HLAZY 119:130

Na biezy chhopasiana ta khaihna pie ta, Nomaohpazy hnohta novâhna a pie tyh.

HLAZY 119:50

Na bietai ta eina pahro heih tyhpa kyh cha, Pasa ei tao daihti liata ei thlalôhna a châ tyh.

HLAZY 119:93

Na pachunazy hmâpa ta na pahro ha chi ta, Chavâta na pachunazy my beih aw va na.

BIESOZY 4:13

Pachuna cha khâchâ patu la, Papua khao khah y; Na hrona châ ta, Liahsa a vao ha mah y.

ZAWHÂNA 5:21

Paw ta athihpazy pathyu ta, a pahropa hawhta, Sawchapawpa chhao ta a khopa maih a pahro tyh.

ZAWHÂNA 6:68

Saimaw Pity ta a chhy ta, “Abeipa, ahy lâ ma eima sie aw, nâ cha chhâzaw hrona bie a hneipa châ chi ta,

HMOTAOPAZY 5:20

“Vawh u la, Achhyna o liata a kei duah u la, he hrona bie zydua he, zawpi hnohta kei chho teh u,” tah ta.

RAWMA 10:17

Ngiapâna cha theina vâta vaw y ta, theina cha Krista bie vâta a vaw y.

RAWMA 2:25

Ryhpa na zyh khiahta cha, chopawtaipa cha phahnaina a hnei. Ryhpa na parao khiahta deikua cha, na chopawtaipa cha tai leipa hawhta a châ.

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

1 KAWRINI 15:45

Chavâta, “Chyhsa hmiatua chaipa Âdâh cha chyhsa hrohpa a vaw châ,” tahpa ta ropa a châ. Âdâh hnôhchaipa cha hrona pietuhpa thlahpa a vaw châ haw.

KALATIA 5:25

Thlahpa ta a hrohpa eima châ khiahta cha, Thlahpa liata y ei suh u.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

KALATIA 6:15

Chopawtaipa ta phahnaina hnei leipa ta, chopawtaileipa chhao phahnaina hnei hra vei. Taopathina deikua cha phahnaina a hnei.

RYHPACHANEINA 32:47

Cha biezy cha nama châta bie thlâhthlipa châ leipa ta, nama hrona châ ta, cha biezy cha nama zyh khiahta cha, zawdâh chakapa ta hnei awpa ta nama pangaipa râh liata nama hro a pareih aw,” tah ta.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

1 PITY 1:23

Chi rao theipa liata pihpathipa châ leipa ei chi ta, chi rao thei leipa, Khazohpa bie hroh thlâhpa nata a y thlâh hapa liata a pihpathipazy nama châ.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.

1 PITY 3:21

Cha taozie nata a lyupa bâtina ta nâmo chhao tahmâ pachhapa nama châ. Pôhpa tawhta apuapa pathaipa hawhta châ leipa ta, chhie nata pha pahnona pathaihpa hmâpa ta Khazohpa nama padopa vâta, Zisu Krista thyuheihna zawhzi ta pachhapazy nama châ.