ZAWHÂNA 6:53 - Mara Bible RV (BSI)

⁵³ Zisu ta ama hnohta, “Hmeiseihta ta, hmeiseihta ta ei cha chho ei, Chyhsa Sawchapawpa sapa niepa ta a thisaih nama doh leipa khiahta cha, nâmo liata hrona hnei veih ei chi.

ZAWHÂNA 6:53 ပူးပေါင်းရင်းမြစ်များ

MATHAI 18:3

ama hnohta, “Hmeiseihta ta ei cha chho ei, nama yzie pananopa ta, hawtizy hawhta nama châ vei khiahta la, vârâh khinarâh a ngia cheita aw veih ei chi.

MATHAI 5:18

Hmeiseihta ta ei cha chho ei, avâ nata alei a lei hlâlei cha, Ryhpa bie liata ropa châsâ chyh chaipa tlyma, achôpa di chaipa tlyma, ato zydua a tlôpaki khai hlâlei cha lei aw vei.

MATHAI 8:20

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha luh nyu nawpa su chhao hnei vei,” tah ta.

LUKA 13:3

Châ bao va, ei cha chho ei, nâmo chhao nama ro vei khiahta cha, cha hawhta nama leidia khai aw.

LUKA 13:5

Châ bao va, ei cha chho ei, nâmo chhao nama ro vei khiahta cha, cha hawhta nama leidia khai aw,” tah ta.

ZAWHÂNA 13:8

Pity ta a hnohta, “Ei phei pasi beih aw va chi,” tah ta. Zisu ta a chhy ta, “Ei cha pasi vei khiahta la, kei liata tovyuh hnei va chi,” tah ta.

ZAWHÂNA 15:4

Keima liata y thlâh ha teh u, kei chhao nâmo liata ei y thlâh ha aw. A chiah cha kre zôh liata a y thlâh ha leipa khiahta cha, ano dei ta a pathei thei leipa hawhta, nâmo chhao keima liata nama y thlâh ha leipa khiahta cha, pathei thei aw veih ei chi.

ZAWHÂNA 3:3

Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.

ZAWHÂNA 3:36

Ahy rai Sawchapawpa a ngiapâpa cha chhâzaw hrona a hnei haw. Ahy rai Sawchapawpa bie a zyh leipa cha, hrona hmô aw vei, Khazohpa hiehâhna a chô liata tlao a y.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

ZAWHÂNA 6:47

Hmeiseihta ta, hmeiseihta ta ei cha chho ei, ahy rai a ngiapâpa cha chhâzaw hrona a hnei haw.

ZAWHÂNA 6:51

Kei he vârâh tawhta viahchhâ hrohpa a zâ chôpa ei châ. Ahy rai he viahchhâ he a nie khiahta cha, chhâzaw ta a hroh thlâh ha aw. Khizaw hro nawpa ta ei pie awpa viahchhâ cha ei sapa he a châ,” tah ta.

ZAWHÂNA 6:55

Ei sapa he pati hmeiseihpa châ ta, ei thisaih he do awpa hmeiseihpa châ tlôh ta.

ZAWHÂNA 6:62

Chyhsa Sawchapawpa he a y tuana lâ a kiapa a hmôpa châ u la, kheihta nama tah aw?

1 ZAWHÂNA 5:12

Sawchapawpa a hneipa maihta hrona hnei ta, Khazohpa Sawchapawpa a hnei leipa cha hrona hnei vei.

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.