ZAWHÂNA 6:51 - Mara Bible RV (BSI)

⁵¹ Kei he vârâh tawhta viahchhâ hrohpa a zâ chôpa ei châ. Ahy rai he viahchhâ he a nie khiahta cha, chhâzaw ta a hroh thlâh ha aw. Khizaw hro nawpa ta ei pie awpa viahchhâ cha ei sapa he a châ,” tah ta.

ZAWHÂNA 6:51 ပူးပေါင်းရင်းမြစ်များ

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

ZAWHÂNA 11:26

Ahrohpa chhao, nâ ngiapâpa cha thi khao aw vei. Cha bie cha nâ ngiapâ ma?” tah ta.

ZAWHÂNA 3:13

Vârâh tawhta za chôpa Chyhsa Sawchapawpa dei leipa ta cha, vârâh lâ ahy hmah kiah beih veih ei.

ZAWHÂNA 3:14

Mawsi ta râhchawhpa liata parih a chaluahpa hawhna khata, Chyhsa Sawchapawpa he chaluahpa a châ aw,

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

ZAWHÂNA 3:36

Ahy rai Sawchapawpa a ngiapâpa cha chhâzaw hrona a hnei haw. Ahy rai Sawchapawpa bie a zyh leipa cha, hrona hmô aw vei, Khazohpa hiehâhna a chô liata tlao a y.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

ZAWHÂNA 6:33

Khazohpa viahchhâ cha vârâh tawhta a zupa, khizaw lâta hrona a pietuhpa a châ,” tah ta.

ZAWHÂNA 6:35

Zisu ta ama hnohta, “Kei he hrona viahchhâ ei châ. Ahy rai kei lâ a vypa cha a nodi leipa aw ta, ahy rai nâ ngiapâpa cha a dâh phi beih aw vei.

ZAWHÂNA 6:41

“Kei he vârâh tawhta viahchhâ a zâ chôpa cha ei châ,” a tahpa vâta Zuzy ta a chô liata paphôh ei ta.

ZAWHÂNA 6:47

Hmeiseihta ta, hmeiseihta ta ei cha chho ei, ahy rai a ngiapâpa cha chhâzaw hrona a hnei haw.

ZAWHÂNA 6:48

Kei he hrona viahchhâ ei châ.

ZAWHÂNA 6:50

He he vârâh tawhta viahchhâ a zâ chôpa cha a châ, chyhsa ta nie sala a thi lei nawpa ta.

ZAWHÂNA 7:38

Ahy rai nâ ngiapâpa cha, Biehrai ta a reipa hawhta, ‘Ti hrohpa chavahzy a chhôh tawhta a vaw loh aw,’” tah ta.

2 KAWRINI 5:19

Krista liana chata Khazohpa ta khizaw he ano nata a ryhpa ta tao ta, ama paraonazy cha paraona ta rao khao vei. Cha aryhna bie chho awpa cha keimo liata a pahnieh.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

EPHESI 5:25

Vahpa saih u, Krista ta Awnanopa kyhpachâ ta, Awnanopa châta â pie khaipa hawhta, nâmo chhao nama lapinôzy kyhpachâ teh u.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 10:20

pohraipa siepahliepa ta lâpi thiehpa nata hrohpa eima châta a pahy haw. He liata pohraipa he Krista pôhpa reina a châ.

1 PITY 2:4

Ano cha chyhsazy kho leipa châ ta, Khazohpa mohmô liata deikua cha, atlyhpa nata sôh ngaitapa alô hrohpa a châ. Abeipa nama pangai hapa vâta,

1 ZAWHÂNA 2:2

Ano cha eima moleinazy reihpha cheina châ ta, keimo moleina dei châ leipa ta, khizaw zydua moleina reihpha cheina chhao a châ.

1 ZAWHÂNA 4:10

He he kyhpachâna cha a châ: Keimo ta Khazohpa kyh eima pachâpa vâta châ leipa ta, ano ta kyh miah pachâ ta, eima moleinazy reihpha chei nawpa ta a Sawchapawpa a vaw tuapa hih.

1 ZAWHÂNA 4:14

Chatanachata Paw ta a Sawchapawpa cha khizaw Pachhatuhpa châ awpa ta a vaw tuah tahpa hmô pi ta, eimâ duakhei.