ZAWHÂNA 6:5 - Mara Bible RV (BSI)

⁵ Mohmia pasaih ta, zawpi hluhpi ano lâ ama vaw pangaipa hmô ta, Phili hnohta, “He sahlaozy nie awpa viahchhâ khataih liata eima chalei aw?” tah ta.

ZAWHÂNA 6:5 ပူးပေါင်းရင်းမြစ်များ

MALUHREINA 11:13

He zawpi zydua pie awpa heta khataih liata sa ma ei hnei aw? ‘Eima nie awpa sa miah pie teh,’ tahpa ta cha ei ta, eina patypamâ ngâ thlâh ha ei hih.

MATHAI 15:33

Pachupazy ta a hnohta, “He zie zydua zawpi rih pabie nawpa ta, he su dâhthlohpa liana heta kheihta ma viahchhâ eima hmô thei aw?” tah ei ta.

MÂKA 6:32

Âmo deita ta su dâhthlohpa lâ cha balyh ta sie ei ta.

LUKA 9:10

Amâ vaw lie nahta, lyuhchâpazy ta ama hmotaopa zydua Zisu chho ei ta. Zisu ta âmo cha a chhi ta, Besaidâ khih ama tahpa lâ ânano ta siekhei ta.

ZAWHÂNA 1:43

A mylâ ta Zisu cha Kâlili râh lâ sie a chhuah ta. Phili hmô ta, a hnohta, “Na zi teh,” tah ta.

ZAWHÂNA 1:44

Phili cha Besaidâ khihpa châ ta, cha cha Adaru nata Pity yna khih a châ.

ZAWHÂNA 1:45

Phili ta Nâthaniah a hmô nahta, a hnohta, “Ryhpa châbu liata Mawsi ta a thâtih a ropa nata hrohsopazy ta ama ropa kha eima hmô haw. Ano cha Zawsi sawchapawpa Nâzari Zisu a châ,” tah ta.

ZAWHÂNA 1:46

Nâthaniah ta a hnohta, “Nâzari khih tawhta hmo phapa a pua thei aw ma?” tah ta. Phili ta a hnohta, “A vy la, vaw moh teh,” tah ta.

ZAWHÂNA 1:48

Nâthaniah ta a hnohta, “Kheihta eina pahno chi?” tah ta. Zisu ta a hnohta, “Phili ta a cha aw hlâta, theiku kô ry liata na y nona kha ei cha hmô haw,” tah ta.

ZAWHÂNA 4:35

Nâmo ta, ‘Sâh hria â daih nawpa thla palih a byuh,’ tah veih ei chi ma? Moh teh u, ei cha chho ei, sai u la, lyuzy moh tua u, hria awpa ta a maih haw.