ZAWHÂNA 6:32 - Mara Bible RV (BSI)

³² Zisu ta ama hnohta, “Hmeiseihta ta, hmeiseihta ta ei cha chho ei, vârâh tawhta viahchhâ kha Mawsi ta a cha piepa ei châ vei, ei Paw ta avâ tawhta viahchhâ hmeiseihpa a cha piepa ei a châ.

ZAWHÂNA 6:32 ပူးပေါင်းရင်းမြစ်များ

HLAZY 78:23

Chatahrasala chô lâ avâzy khi biepiepa ta, Vârâh ochhizy pahy ta;

PUASAINA 16:4

Abeipa ta Mawsi hnohta, “Pachâ teh, nama châta avâ tawhta viahchhâ pasuasa aw na ta, zawpizy pua aw ei ta, noh kha châta ama tovyuh a daihpa ta noh chareih amâ huah lymâ aw. Cha liana chata ei ryhpa ama zyh ma, zyh vei ma tahpa ei pasia aw ei.

PUASAINA 16:8

Mawsi ta, “Abeipa ta a chô liata nama paphôhnazy a theipa vâta, zâlâ ta sa nie awpa cha piepa ta, my ta viahchhâ rih biena taih a cha pie ti ei ta, ano cha Abeipa a châ tlai tahpa nama pahno aw. Keimo he khâpa ma eima châ tly? Keimo chô liata a paphôhpa châ leipa ei chi ta, Abeipa chô liata a paphôhpa tlao nama châ,” tah ta.

ZAWHÂNA 1:9

Khaihna hmeiseihpa, chyhsa to a pakhaihpa cha khizaw lâ a zu ta.

ZAWHÂNA 15:1

“Kei kre zôh hmeiseihpa châ na ta, ei Paw sadô mohôhtuhpa a châ.

ZAWHÂNA 6:31

‘Ama nie awpa viahchhâ vârâh tawhta a pie ei’ tahpa ropa hawhta, mânâ kha miah pathlatuhpazy ta râhchawhpa liata ama nie tyh,” tah ei ta.

ZAWHÂNA 6:33

Khazohpa viahchhâ cha vârâh tawhta a zupa, khizaw lâta hrona a pietuhpa a châ,” tah ta.

ZAWHÂNA 6:35

Zisu ta ama hnohta, “Kei he hrona viahchhâ ei châ. Ahy rai kei lâ a vypa cha a nodi leipa aw ta, ahy rai nâ ngiapâpa cha a dâh phi beih aw vei.

ZAWHÂNA 6:41

“Kei he vârâh tawhta viahchhâ a zâ chôpa cha ei châ,” a tahpa vâta Zuzy ta a chô liata paphôh ei ta.

ZAWHÂNA 6:50

He he vârâh tawhta viahchhâ a zâ chôpa cha a châ, chyhsa ta nie sala a thi lei nawpa ta.

ZAWHÂNA 6:55

Ei sapa he pati hmeiseihpa châ ta, ei thisaih he do awpa hmeiseihpa châ tlôh ta.

ZAWHÂNA 6:58

He he vârâh tawhta viahchhâ za chôpa a châ. Pathlatuhpazy ta nie ei ta, ama thi pylypa viahchhâ hawhpa kha châ vei. He viahchhâ a niepa cha chhâzaw ta a hroh aw,” tah ta.

KALATIA 4:4

Châhrasala a daihti â vaw ki nahta, Khazohpa ta chanô sapa a Sawchapawpa, ryhpa ry liata a pihpa cha za tuah ta.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.