ZAWHÂNA 6:27 - Mara Bible RV (BSI)

²⁷ Pati a leilô theipa châta hria leipa u la, chhâzaw hrona taihta a y awpa pati, Chyhsa Sawchapawpa ta a cha pie awpa ei châta tlao hria teh u. Paw Khazohpa ta ano cha chahnao pa-i ha tlôh ta,” tah ta.

ZAWHÂNA 6:27 ပူးပေါင်းရင်းမြစ်များ

HLAZY 2:7

Bieraopa ei phuah aw: Abeipa ta ei hnohta, “Ei sawchapawpa châ chi ta, Tanoh he na paw ei châ haw.

HLAZY 40:7

Chatawhcha kei ta, “Moh teh, ei vy ha hih, Châbu chatypa liata ei thâtih ropa châ ta,

BIESOZY 9:5

“A vy la, ei viahchhâ nie la, Ei kresawhti pahlao chiehpa he doh mah y.

BIECHHOTUHPA 6:7

Chyhsapa hriapasana zydua cha a aoh châta châ ta, châhrasala a aoh lôhrâ tlô beih vei.

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

ZEREMIAH 15:16

Na biezy hmôpa châ ta, Ei nie ha ei. Hy Abeipa, Pheisaihzy Khazohpa, Na moh a phaohpa ei châpa vâta, Na biezy cha ei châta alyna châ ta, Ei palôh thaphana a châ.

HABAKU 2:13

Moh tua u, phopizy ta mei ta a kâ thlâh ha awpa châta hriapasa ei ta, Râhzy ta hraoleipa liata âmosasyh ama rie amâ pathei; Cha cha Pheisaihzy Abeipa taopa châ vei ma?

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

MATHAI 25:46

Chazy cha chhâzaw hriena lâ sie aw ei ta, mosiapazy deikua cha, chhâzaw hrona lâ ama sie aw,” tah ta.

MATHAI 3:17

Avâ tawhta ao ta, “He he ei Sawchapawpa kyh ei pachâ ngaitapa, a chô liata ei ly ngaitapa a châ,” tah ta.

MATHAI 6:19

“Chhoma-u nata saiiepa ta niepa ta, parutuhpazy ta a ngia ei ta ama paru theina alei liana heta ryuzy a pachô khuh vy.

MATHAI 8:20

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha luh nyu nawpa su chhao hnei vei,” tah ta.

MÂKA 1:11

Avâ tawhta ao za pua ta, “Ei Sawchapaw kyh ei pachâpa na châ, na chô liata ei ly ngaita,” tah ta.

MÂKA 9:7

Chatawhcha meihdo ta âmo cha vaw khu ta, meihdo tawhta ao vaw pua ta, “He he ei Sawchapaw, kyh ei pachâpa a châ. A bie nathlie teh u,” tah ta.

LUKA 3:22

Thlahpa Pathaihpa cha pôhpa hneipa ta, vachhuh hawhta za chô ta, Zisu chô liata a zâ choh ta. Avâ tawhta ao za pua ta, “Ei Sawchapaw kyh ei pachâpa na châ, na chô liata ei ly ngaita,” tah ta.

LUKA 9:35

Meihdo tawhta ao vaw pua ta, “He he ei Sawchapawpa, ei tlyhpa a châ; a bie nathlie teh u!” tah ta.

ZAWHÂNA 10:28

Chhâzaw hrona pie ei na ta, leidia beih khao aw veih ei. Âmo cha ahy hmahta ei ku tawhta na chhu thei aw veih ei.

ZAWHÂNA 11:42

Ei bie khâ na nathlie tyh tahpa ei pahno. Châhrasala he liata zawpi a duahpazy heta, na tuapa ei châpa ama pahno thei nawpa ta, he bie he ei reipa a châ,” tah ta.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 15:24

Mohropa ahy hmah tao beih leipa hmozy ama hry liata tao lei paw sah la, moleina vâta thaileichâpa ta ama y lei awpa tlai. Tahmâ deikua cha, kei nata ei Paw miah hmô ha ei ta, eima pano ta miah amâ hao haw.

ZAWHÂNA 17:2

A hnohta na piepa zydua chhâzaw hrona pie awpa ta, ano cha chyhsa zydua chô liata biehneina na piepa a châ.

ZAWHÂNA 3:15

ahy rai ano a ngiapâpa maih leidia leipa ta chhâzaw hrona ama hnei nawpa ta.

ZAWHÂNA 3:33

A bie pahnopa a pyhpa cha, Khazohpa cha adopa a châ tahpa ta a moh a chahnao pa-i.

ZAWHÂNA 6:40

He he ei Paw khopa cha a châ, ahy rai Sawchapawpa hmô ta a ngiapâpa maih cha chhâzaw hrona hnei aw ei ta, noh chhâna noh liata ei pathyu aw ei,” tah ta.

ZAWHÂNA 6:47

Hmeiseihta ta, hmeiseihta ta ei cha chho ei, ahy rai a ngiapâpa cha chhâzaw hrona a hnei haw.

ZAWHÂNA 6:51

Kei he vârâh tawhta viahchhâ hrohpa a zâ chôpa ei châ. Ahy rai he viahchhâ he a nie khiahta cha, chhâzaw ta a hroh thlâh ha aw. Khizaw hro nawpa ta ei pie awpa viahchhâ cha ei sapa he a châ,” tah ta.

ZAWHÂNA 6:53

Zisu ta ama hnohta, “Hmeiseihta ta, hmeiseihta ta ei cha chho ei, Chyhsa Sawchapawpa sapa niepa ta a thisaih nama doh leipa khiahta cha, nâmo liata hrona hnei veih ei chi.

ZAWHÂNA 6:54

Ahy rai ei sapa nie ta, ei thisaih a dohpa cha chhâzaw hrona a hnei haw, noh chhâna noh liata ano cha ei pathyu aw.

ZAWHÂNA 6:58

He he vârâh tawhta viahchhâ za chôpa a châ. Pathlatuhpazy ta nie ei ta, ama thi pylypa viahchhâ hawhpa kha châ vei. He viahchhâ a niepa cha chhâzaw ta a hroh aw,” tah ta.

ZAWHÂNA 6:62

Chyhsa Sawchapawpa he a y tuana lâ a kiapa a hmôpa châ u la, kheihta nama tah aw?

ZAWHÂNA 6:68

Saimaw Pity ta a chhy ta, “Abeipa, ahy lâ ma eima sie aw, nâ cha chhâzaw hrona bie a hneipa châ chi ta,

ZAWHÂNA 8:18

Keimasasyh ta a pahnokhei na ta, nâ tuahtuhpa ei Paw chhao ta eina pahnokhei,” tah ta.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 2:22

“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.

RAWMA 4:11

Chopawtaileipa a châ nota, mosiapa a châna pa-i nawpa ta, chopawtaipa ngiana cha ngiapâna ta hmô ta. Cha chata â chhuahpa cha, chopawtaileipa zydua paw ta tao ta, âmo chhao mosiapa ta raopa ama châ thei nawpa ta a châ.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

1 KAWRINI 6:13

“Niepa cha py châta châ ta, py cha niepa châta a châ,” châhrasala Khazohpa ta a pahleipadia raihrie aw. Pôhpa he apatlana moleina châta châ leipa ta, Abeipa châta tlao a châ, Abeipa chhao pôhpa châta a châ.

1 KAWRINI 9:2

Mohropazy châta lyuhchâpa châ vei hraw sah la, nâmo châ chhâ ta la ei châ, nâmo tlai he Abeipa liata lyuhchâpa ei châna chahnao pa-ina cha nama châ.

2 KAWRINI 4:18

Hmô theipazy sai leipa ta, hmô thei leipazy tlao eima sai. Hmô theipazy cha buakha châta châ ta, hmo hmô thei leipazy deikua cha chhâzaw châta a châ.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

RYHPACHANEINA 30:13

‘A biepiepa cha thei sih la, eima zyh thei nawpa ta, ahy tilaipi khô lâ sie aw ta, miah a lapa aw?’ tah awpa ta, biepiepa cha tilaipi khô lâta a ypa châ hra vei.

PHILIPI 2:13

Ano alynazie tlaichhai ta, a khopa tao awpa ta, nâmo liata hriatuhpa cha Khazohpa a châ.

KAOLAOSÂ 1:29

Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.

KAOLAOSÂ 2:22

cha hawhpa hmo zydua cha, chyhsapa ryhpa nata pachunazy liata a pahniehpa a châpa vâta, hmâ khai tawhta a leidia thlâh ha awpazy a châ.

KAOLAOSÂ 3:2

Chô lâ hmozy liata nama palôh pachhô u la, alei hmozy liata pachhô khuh vy.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

2 TIMAWTHY 2:19

Châhrasala, “Abeipa ta ano eihzy a pahno,” tahpa nata “Abeipa moh a padopa maih moleina siesai mawh sy,” tahpa ta chahnao pa-ipa ta, Khazohpa lôbô a ipa cha â duah thlâh haw.

HEBRAI 12:16

Apatlana moleina a taopa y leipa ta, Esaw hawhta pathaih leipa ama y lei nawpa ta, pakhâta ta moh teh u. Esaw cha pati ei kha nie ta sawchapaw uhtheipa châna a zuahpa kha a châ.

HEBRAI 4:11

Chavâta reingiah leina vâta ama paopa hawhna khata ahy hmah ama pao lei nawpa ta, cha apahâna liata a ngia awpa ta tei ei suh u.

ZÂMIE 1:11

Noh vaw chhi ta, thata palo ta, sibiepa cha uah ta, a paw zô ta, â ngiana a lei tyh. Cha hawhna chata chyhsa hneirôhpa chhao, hneirôna a tluana lâpi liata a uah aw.

1 PITY 1:24

“Chyhsa zydua sibiepa hawhta châ ei ta, Ama rônahna zydua chhao, Sibiepa paw hawh dei a châ. Sibiepa cha uah ta, Pawpi chhao a lo tyh.

2 PITY 1:17

Rônahna Beichaipa tawhta, “He he ei Sawchapawpa kho ngaitapa, a chô liata ei ly ngaitapa a châ,” tahpa ta ao vaw pua ta, Krista cha Paw Khazohpa tawhta palyupalihna nata rônahna a to nona kha,