ZAWHÂNA 6:26 - Mara Bible RV (BSI)

²⁶ Zisu ta âmo cha a chhy ta, “Hmeiseihta ta, hmeiseihta ta ei cha chho ei, hmonoâhpazy nama hmôpa vâta nâ tluapa châ leipa ei chi ta, viahchhâ nie ei chi ta, nama py biepa vâta nâ tluapa tlao nama châ.

ZAWHÂNA 6:26 ပူးပေါင်းရင်းမြစ်များ

HLAZY 78:37

Ano liata ama palôh a i leipa ta, A biehrai liata ngâ a chhih veih ei.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

ZAWHÂNA 3:3

Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

ZAWHÂNA 6:14

Zawpizy ta hmonoâhpa a taopa ama hmô nahta, “He chyhsa he khizaw lâ a vy awpa Hrohsopa a châ tlai hih!” tah ei ta.

ZAWHÂNA 6:15

Ano cha a chhi raruah ta, abei pachâsa awpa ta a vy amâ chhuah tahpa Zisu ta a pahno nahta, ano dei ta tlâh lâ kiah ha ta.

ZAWHÂNA 6:2

Tlâhleipazy chô liata hmonoâhpa a taopazy ama hmôpa vâta, zawpi hluhpi ta ano cha zi ei ta.

ZAWHÂNA 6:24

Zawpi ta Zisu nata a pachupazy balyh liata ama y leipa ama hmô nahta, âmo chhao balyhzy liata kiah ei ta, Zisu tlua awpa ta Kâpynia lâ sie ha hra ei ta.

ZAWHÂNA 6:30

Âmo ta a hnohta, “Hmô sih la eima cha zo thei nawpa ta, khâpa ngiana ma na tao aw? Khâpa hmo ma na tao aw?

ZAWHÂNA 6:36

Châhrasala ei cha chho ha ei, na hmô ei chi ta, chatanachôta nâ ngiapâ veih ei chi.

ZAWHÂNA 6:47

Hmeiseihta ta, hmeiseihta ta ei cha chho ei, ahy rai a ngiapâpa cha chhâzaw hrona a hnei haw.

ZAWHÂNA 6:53

Zisu ta ama hnohta, “Hmeiseihta ta, hmeiseihta ta ei cha chho ei, Chyhsa Sawchapawpa sapa niepa ta a thisaih nama doh leipa khiahta cha, nâmo liata hrona hnei veih ei chi.

ZAWHÂNA 6:64

Châhrasala nama hry liata thokha a zo leipa nama y,” tah ta. Ahyzy ma a zo veih ei, ahy ma a patusa aw, tahpazy cha Zisu ta athaona tawhta a vaw pahno chhielie hapa a châ.

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

PHILIPI 2:21

Mohropa zydua cha, Zisu Krista châta châ leipa ta, âmo pha nawpa a tluapa sai ama châ.

PHILIPI 3:19

Cha sahlao chhâna cha leidiana châ ta, ama khazoh cha ama py châ ta, ama rônahna cha ama maophyuhna a châ. Khizaw hmozy liata palôh a sohpa ama châ.

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.